سالماقبايدىڭ ولەڭى
ەل ارالايتىن توعاي باقتاشى «بالە شىك» ەن ەلگە وزدەرى بەك، «جاندارال» بولىپ وكىم جۇرگىزگەن. قازاققا ادام قىلماعاندى قىلعان، ىستەمەگەندى ىستەگەن. رەتسىز شىعىن سالاتىن، قاسىنداعى ەلدىڭ تاپ-تابىنان ءبىر-بىر «اشتى» «مەكەنتاي» (پەنەتاي) الاتىن. قونعان اۋلىنان قارا قوزى سويماسا، قارا سەڭسەڭ تاپتىرىپ الاتىن. قارا سەڭسەندى بوس اتقا ارتىپ جۇرگەن «بولەشىكتى» كورەتىنبىز.
وسىنداي مەيماناسى اسقان «بولەشىكتى» ىزاعا شىداماعان ەل ولتىرە باستاعان. سارقان «بالەشىگىن» ءولتىرىپ، اباقتىعا تۇسكەن شوقپار رۋىنان سالماقبايدىڭ اباقتىدا جاتىپ شىعارعان ولەڭىن ەل تەگىس ايتىپ جۇرەتىن:
مەن قالدىم قۋ شەكپەننىڭ جالاسىنا.
سالماقباي قايعىرادى اناسىنا.
قۇدايىم مۇنداي ىسكە جولىقتىردى،
سالەم دە بەس شوقپاردىڭ بالاسىنا.
بويىندا ءۇشباسقاننىڭ قونىسىمىز.
سارىباي، ءابدىراحمان بولىسىمىز.
قورعاماي، قورىقتىڭ با، ۇستاپ بەردىڭ،
تارتتىردى-اۋ مەحناتتى ورىسىڭىز.
ءبىزدىڭ ەل ءۇشباسقاننىڭ اراسىندا،
جىگىتتى بەينەت قۋار الارىندا.
ەل ەلدىگىن قىلماي ما، جۇرت جۇرتتىعىن،
قايران ەل قاتىن بولىپ قالادى ما؟
قۇداي-اۋ، قۇدىرەتىڭە تاڭ قالامىن،
ىشىندە تار قاپاستىڭ زارلانامىن.
كاپىرگە كار قىلاتىن قۇداي قايدا؟
قامى ءۇشىن قارا قازان، cap بالانىڭ..
باسىلماي ءوسىپ كەتتى ساقال-مۇرتىم،
ساعىندىم قۇربى-قۇرداس، ەلى-جۇرتىم.
ەل توزدى. ەردى مەندەي زارىقتىردى،
جەك كورىپ ورىسىڭنىڭ تۇرمىن سۇرقىن...
(قولجازبا اراب قارپىندە. ق ر ورتالىق مەملەكەتتىك ءارحيۆى. قور — ر-1368؛ تىزبە—1؛ ءىس—16).
You Might Also Like
-
«اكەمنىڭ ولەتىنىن بىلسەم، الماعا ايىرباستاپ جىبەرەر ەدىم» دەگەن ەكەن ءبىر جامان. سول ايتقانداي نان كومبيناتى ديرەكتورى تويعانوۆتىڭ باسىنا دا وسىنىڭ كەرى كەلدى. تەكسەرۋ تۇتقيىلدان باستالى...
