Samsung ادامعا ۇقسايتىن ءۇي روبوتىن ازىرلەۋ ۇستىندە
زاماناۋي روبوتوتەحنيكا، ءىرى كومپانيالاردىڭ كوبى وسى سالاعا كوز تىگىپ، قاراپايىم تۇتىنۋشىنىڭ قالتاسىن نىسانعا الىپ، ءۇي روبوتىن جارىسا جاساۋعا كىرىسكەن ساتكە دە كەلىپ جەتتى. بۇل جارىسقا جاساندى ينتەللەكت نەگىزىندە ارەكەت ەتەتىن روبوت Saram-دى ازىرلەپ جاتقان Samsung-تا قوسىلعان ءتارىزدى.
قازىرگى ساتتە Samsung كومپانياسى وزدەرىنىڭ زاۋىتتارى ءۇشىن ونەركاسىپتىك روبوتتاردى وندىرۋمەن اينالىسىپ جاتىر، Saram دا ەڭ ءبىرىنشى كەزەكتە ءدال وسى ماقساتتا قولدانىلاتىن بولىپ جوسپارلانعان. باسپا ءسوز قىزمەتى حابارلاعانداي، باسقارۋ ءىسىن رەتتەپ وتىراتىن باقىلاۋشى اسپاپ روبوت نەگىزىندە زاۋىت قويمالارىندا اۋىر مەتالداردى كوتەرۋ جانە ورنىنان جىلجىتۋ ءۇشىن قولدانىلادى، الايدا ونىڭ قىزمەتى بولاشاقتا ءۇي كومەكشىسى رەتىندە پايدالانۋعا دەيىن كەڭەيتىلەتىن بولادى. وسى ماقساتتا Samsung تىپتەن «Saram» ساۋدا ماركاسىن تىركەپ تە ۇلگەردى.
قازىرگى ساتتە Samsung ءوز روبوتىن حالىققا كورسەتۋگە ءازىر ەمەس، ءبىراق ءقازىردىڭ وزىندە ونىڭ ەكى اياقپەن تىك ءجۇرۋ فۋنكسياسى بار بولاتىنى بەلگىلى، جانە ءتۇرلى كەدەرگىلەر مەن جەردىڭ بىركەلكى تەگىس ەمەس جاعدايلارىنا بايلانىستى تابان بۋىنىنىڭ بۇگىلۋ بۇرىشىن رەتتەي وتىرىپ، ەكى اياقتى روبوتقا دەنەسىن تىك ۇستاۋعا مۇمكىندىك بەرەتىن تىك ءجۇرۋدىڭ يننوۆاسيالىق تەحنولوگياسى دا قولدانىلادى دەپ بولجانۋدا.
P.S: قىزىقتى ءارى پايدالى مالىمەتتەردى جىبەرىپ الماۋ ءۇشىن، ءبىزدىڭ تەلەگرام كانالىمىزعا دا جازىلىڭىزدار: @bilimall
You Might Also Like
-
ىلكى ساتتە ساناسى ىسكە قوسىلعان ول، اينالاسىنا كوز ءسۇزدى. ايدالادا تۇر ەكەن، كوز جەتەر جەردە ەشكىم كورىنبەيدى. ءوز دەنەسىنە قارادى، ۇستىندە لىپا جوق. تىر-جالاڭاش. ءبازبىر بۇزاقىلار شەشىندىرىپ، توناپ ...
-
كۇزدىڭ تاڭى باياۋلاپ اتىپ كەلەدى ەكەن. قوس اڭشى قۇستارىن ۇستاپ قوستان شىقتى دا، بەلدەۋدەگى اتتارىن كەپ شەشتى.
