سانالى ۇرپاق ءۇشىن ۇلتتىق كينويندۋستريا
جالپىلاما فيلمدەر كوركەم-ونەر تۋىندىسى، تابىس كوزى بولۋمەن قاتار قوعامعا بىردەڭەلەر ءتۇسىندىرۋ، وي-پىكىر جەتكىزۋ ماقساتىندا جاسالۋدا. ۇلتتىق سانادا دايىندالعان وتاندىق فيلمدەر ارقىلى جاستاردىڭ ءبىلىم-تانىمىن، ادەت-عۇرپىن، جاقسى مەن جامان ۇعىمىن تۇسىندىرۋگە، ماسەلەن تاريحي فيلمدەر ارقىلى جاستارعا وتانعا دەگەن ماحابباتتى، ۇلتتىق قۇندىلىقتاردى دارىپتەۋگە بولادى. ال باتىستىق فيلمدەردەن كوبىنەسە ارسىزدىقتى، جالاڭاش كيىنۋدى، تەمەكى شەگىپ، اراق ءىشۋ، ناشا شەگۋدى، گوموسەكسۋالدى بولۋدى، وزگەنىڭ جۇبايىنا قىرىنداۋدى، اجىراسۋدى قالىپتى ەتىپ كورسەتەتىندەرى كوپ. سوعان ەلىكتەگەن كەيبىر وتاندىق فيلمدەر ۇلتتىق قۇندىلىقتاردى كەرى تارتپا، ال باتىستىق ازعىندىقتاردى ىلگەرىلىك دەپ كورسەتەتىندەرى دە بار. بۇلار ارينە جاستاردىڭ وي-ساناسىنا اسەر ەتپەي قويماسى انىق. ماسەلەن ازۋلى فيلمدەردەگى قاتە پىكىرلەردى ءسىڭىرىپ وسكەن جاستار دۇرىس نارسەلەرگە قارسى شىعىپ، بۇرىس نارسەلەردى قولدايتىن بولۋى مۇمكىن. وسى تۇرعىدان كينويندۋستريا وتە ماڭىزدى قۇرال. جارىق جىلدامدىعىنداي قارقىنمەن كۇننەن كۇنگە كوبەيىپ قوعامعا ۇسىنىلىپ جاتقان شەتەلدىك فيلمدەر سۇزگىدەن وتپەيتىن بولسا، ۇلتتىق قۇندىلىقتارىمىزدى دارىپتەيتىن وتاندىق فيلمدەرگە دەن قويىلماسا ءحالىمىز نەعايبىل. قازاق حاندىعىنىڭ 550 جىلدىعىنا وراي تاريحي ءبىرشاما كينولار جارىق كوردى. جاس-كارىمىز وسىلاردى تىلگە تيەك ەتىپ، ەڭسەلەرىمىز كوتەرىلىپ قالدى. وسىنى جالعاي تۇسىرۋگە بولاتىن داستاندارىمىز، تاريحي تۇلعالارىمىز حاندارىمىز، باتىرلارىمىز جەتىپ جاتىر. قورىتا ايتقاندا وسى سالاداعى اعا-اپكەلەرىمىز وسى ماسەلەگە دە جاقسىراق دەن قويسا دەيمىز. وسىنداي مادەني قازىنالارىمىزدى اشاتىن، جاستاردىڭ ۇلتتىق رۋحىن كوتەرەتىن كورسەتىلىمدەر كوپ بولعاي.
You Might Also Like
-
جۇمىس ىستەۋ ادامنىڭ تابيعي قاجەتتىلىكتەرىنىڭ ءبىرى. ادامنىڭ قالىپتى فۋنكسيالارىن ورىنداي الۋى ءۇشىن اۋاعا، سۋعا، تاماققا، دوستىققا قاجەتتىلىگى بولعانى سياقتى، جۇمىس ىستەۋگە دە قاجەتتىلىگى بار. الايدا...
-
ەلدىڭ تۇعىرلى، عۇمىرلى بولۋىنىڭ باستى جەتەكشى كۇشى – ۇلتتىق بىرلىك. ەل ىشىندە تىنىشتىق، ىنتىماق بيلەۋى ءۇشىن بارىنەن بۇرىن ەلدىڭ ۇلتتىق بۇتىندىگى قامتاماسىز ەتىلۋى جانە ەلدى قۇرايتىن ادامدار، ...
