جۇمىستىڭ استىندا ەزىلىپ قالماۋ كەرەك
جۇمىس ىستەۋ ادامنىڭ تابيعي قاجەتتىلىكتەرىنىڭ ءبىرى. ادامنىڭ قالىپتى فۋنكسيالارىن ورىنداي الۋى ءۇشىن اۋاعا، سۋعا، تاماققا، دوستىققا قاجەتتىلىگى بولعانى سياقتى، جۇمىس ىستەۋگە دە قاجەتتىلىگى بار. الايدا ىستەلەتىن جۇمىس قاناعاتتاندىرارلىقتاي بولماسا، ءىش پىستىراتىن، ءبىرقالىپتى جانە جۇيەسىز، جوسپارسىز تۇردە ىستەلسە، از ۋاقىتقا كوپ جۇمىس جۇكتەلىنسە ادامنىڭ جالىعىپ، مەزى بولۋىنا جانە جۇمىسقا دەگەن ىنتاسىنىڭ ازايۋىنا الىپ كەلەدى. جوسپارلى، جۇيەلى تۇردە جۇمىس ىستەۋ جالىقتىرمايدى. سونداي-اق ۋاقىتتى دا ەڭ ءتيىمدى، ۇنەمدى تۇردە پايدالانۋعا سەبەپ بولادى.
امەريكانىڭ تۇڭعىش پرەزيدەنتى دج.ۆاشينگتوننىڭ حاتشىسى ءبىر كۇنى ساعاتىنىڭ ارتتا قالىپ قالۋىنان جۇمىسقا كەشىككەندىگىن ايتىپ، كەشىرىم سۇرايدى. سوندا ۆاشينگتون: «ولاي بولسا، سەن جاڭا ساعات الاسىڭ، ال مەن جاڭا حاتشى...» دەگەن ەكەن.
اقش-تىڭ بۇرىنعى پرەزيدەنتتەرىنىڭ ءبىرى لينكولن، بالا كۇنىندە ءبىر شارۋانىڭ قولىندا مال باعۋشى بولىپ ىستەپ ءجۇرىپ مالدىڭ كولەڭكەلەپ جاتاتىن ۋاعىندا كىتاپ وقىپ كەيبىر سىنىپتاردى سىرتتاي بىتىرگەن، كەيىنىرەك دۇكەندە ساتۋشى بولىپ ىستەگەنىندە الۋشى جوق كەزدەردە كىتاپ، ساباق وقىپ مەكتەپتى سولاي بىتىرگەن، ودان سوڭ حۇقىق فاكۋلتەتىنە ءتۇسىپ، ونى بىتىرگەن سوڭ “بارو” ەمتيحانىنان ءوتىپ ادۆوكتات بولعان. وسىلاي جۇيەلى، جوسپارلى ارەكەتىنىڭ ارقاسىندا پرەزيدەنتتىككە دەيىن كوتەرىلگەن ەكەن.
جۇمىستارى جوسپارلى، باعدارلى بولماعان جانە ورنىمەن دەمالۋدى، ءارى ءوزىن جەتىلدىرىپ وتىرۋدى بىلمەگەن ادامنىڭ، جەتىستىكتى بولۋى مۇمكىن ەمەس. تەك جۇمىسقا بەرىلگەن ادامدارعا جۇمىسجاندى (ترۋدوگوليك) دەلىنەدى جانە مۇندايلار جۇمىسپەن جاتىپ، جۇمىسپەن تۇرادى. بوس قالۋ قانشالىقتى زياندى بولسا، مۇنشالىقتى اۋىر باپپەن جۇمىس ىستەۋ دە سونداي زياندى. ءوزىن دە، جۇمىسىن دا از ۋاقىتتا توقىراۋعا جەتكىزەدى. مۇنداي ادامدار ۋاقىتپەن جارىسۋدا. الايدا بۇلاردا جوعارى قىسىم، جۇرەك تالماسى، اسقازان جاراسى، ميگرەن سياقتى اۋرۋلار ءجيى كەزدەسەدى جانە جۇمىستىڭ ساتتىلىگى دە ۋاقىت وتە كەلە ازايادى.
جاسالعان ءبىر زەرتتەۋدە اپتاسىنا 80 ساعات جۇمىس ىستەيتىندەردىڭ 70%-ىنىڭ ەرتە جاستا جۇرەك تالماسىنا ۇشىرايتىندىعى انىقتالعان. بۇلاي جۇمىس ىستەيتىندەر كوبىنەسە جۇمىستارىنىڭ تىعىزدىعىن ايتىپ اشىنادى. الايدا قىسىلىپ تۇرعان جۇمىسى ەمەس، جۇمىسقا باتىپ قالعان ادامنىڭ تەك ءوزى، ودان دا دۇرىسى جۇرەگى.
وسى تۇرعىدان دا ءاربىر ىسكەر ادامنىڭ ۋاقىتىن جوسپارلاۋى، جۇيەگە كەلتىرۋى وزىندىك، جانۇيالىق ءتىپتى قوعامدىق تۇرعىدان قاراعاندا دا ماڭىزى وتە جوعارى ءىس.
وقۋعا كەڭەس بەرەمىز:
پروفەسسوردان تاعى ءبىر سترەسس ساباعى
You Might Also Like
-
قىزعانۋ سەزىمى بارلىق ادامنىڭ جاراتىلىسىندا بار، ودان ەشكىم تولىعىمەن باس تارتا المايدى. بۇل سەزىمنىڭ ادام ومىرىنە قوسار ۇلەسى كوپ. دەگەنمەن دە، قىزعانىش شەكتەن تىس بولعان جاعدايدا ءومىردى قيىنداتىپ...
-
جالپىلاما فيلمدەر كوركەم-ونەر تۋىندىسى، تابىس كوزى بولۋمەن قاتار قوعامعا بىردەڭەلەر ءتۇسىندىرۋ، وي-پىكىر جەتكىزۋ ماقساتىندا جاسالۋدا. ۇلتتىق سانادا دايىندالعان وتاندىق فيلمدەر ارقىلى جاستاردىڭ ءبىل...
