سانسىز اۋرۋعا ەم – سارىمساق
سارىمساقتىڭ قۇرامىندا ۆ جانە C توبىنا جاتاتىن دارۋمەندەر، حلور، تەمىر، فوسفور، يود، مارگانەس، كالسيي، مىس، ماگنيي، كومىرسۋلار جانە تاعى دا باسقا ميكروەلەمەنتتەر كوپ. باسىم بولىگى سۋدان، كومىرسۋلار مەن اقۋىزداردان تۇرادى. A، B1، C، PP دارۋمەندەرى دە كەزدەسەدى. ازداعان مولشەردە مايلار دا جوق ەمەس. سولاردىڭ ءبىرى ەفير مايى. نەگىزى شيكىلەي جەگەن پايدالى. سارىمساقتىڭ وتكىر ءيىسىن ارتىنان المانى، جالبىز جاپىراقتارىن، بالدىركوكتى شايناۋ ارقىلى نەمەسە ءسۇت ىشۋمەن كەتىرۋگە بولاتىندىعى ايتىلادى.
سارىمساقتىڭ پايدالارى:
• يممۋنيتەتتى نىعايتادى، ورگانيزمدى قورشاعان ورتانىڭ زياندى اسەرىنەن قورعايدى.
• ميكروپتى بولدىرمايدى، جارانى تەز جازادى، اۋرۋدى باسادى، ىشەكقۇرتتاردى جويادى، قاقىرىقتى تۇسىرەدى.
• اسقازان-ىشەك جولدارىنا، جۇرەك-تالما اۋرۋلارىنا ەم.
• قان قىسىمىن تومەندەتەدى. قاندى تازالايدى. ەرتەدە وبا اۋرۋىنا ۇشىراعانداردى ەمدەۋگە باراتىن دارىگەرلەردىڭ سارىمساق سالىنعان سۋعا باتىرىلعان داكەمەن جۇزدەرىن وراپ الۋى وسى سەبەپتى دەپ بىلىنۋدە.
• مي ىسىگىنىڭ الدىن الادى. ول جۇيكە جۇيەسى بۇزىلعاندا، ءزار جولدارىن ەمدەۋگە كومەكتەسەدى.
• تەرىگە سۇيەل، تەمىرەتكى، سىزداۋىق، قىشىما، تاعى باسقا جارالار شىققاندا دا ەمگە جاراتادى.
پايدالى كەڭەستەر:
• قاتتى سۋىقتاپ قالعان كەزدە سارىمساقتى ۇساقتاپ تۋراپ، ۇستىنە ىستىق سۋ قۇيىپ، سوسىن سونىڭ بۋىمەن دەم الۋ كەرەك.
• ءتىس اۋىرعان كەزدە سارىمساقتى قابىعىنان ارشىپ الىپ، سونىمەن ءتىستىڭ قىزىل ەتىن سۇرتەدى.
• سۇيەل شىققان جاعدايدا، ۇساقتالعان سارىمساقتى ازعانتاي بالمەن ارالاستىرىپ، الگى جەرگە قالىڭداپ جاعىپ، تاڭىپ تاستاعان ءجون.
• تۇماۋدىڭ الدىن الۋ نەمەسە شالدىققان جاعدايدا ەمدەۋ ءۇشىن دە كۇنىنە 2-3 رەت مۇرىنعا سارىمساقتىڭ سۋىن تامىزعان جاقسى.
You Might Also Like
-
(مەكتەپ شاكىرتى ءۇشىن جازىلعان). ءاربىر ادامنىڭ انا تىلىمەن قاتار تۋعان جەرى، تۋعان ۇياسى بولادى. تۋعان جەر ۇعىمىن ەكى تۇرعىدا الىپ قاراستىرۋعا بولار ەدى. ءبىرىنشىسى – ادامنىڭ ءوزىنىڭ كىندىك قا...
-
فرانسيالىق بالالار پسيحولوگى پروفەسسور مارسەل رۋفو: «تەلەديدار كەرەمەتتەي قىلمىس مەكتەبى. تەلەديدار ەلەكترلىك تىنىشتاندىرعىش بولۋى سەبەپتى، ۇنەمى تەلەديدار الدىنان شىقپايتىن بالالاردا ەسىرتك...
