InfoHub Logo

تاقىرىبى: «سايىن اعانى ماقتان ەتەمىز»

بالالار ەكى جاقتا جارتى شەڭبەرگە وتىرادى.
2 بالا جۇرگىزۋشى ورتاعا شىعادى.
1 - بالا: س. ن. شاپاعاتوۆ اتىنداعى بالا باقشانىڭ ادەبي وقۋ ءىس - ارەكەت شاراسىنا قوش كەلدىڭىزدەر!
2 - بالا: ادەبي شارانىڭ تاقىرىبى: «سايىن اعانى ماقتان ەتەمىز!».
ماقساتىمىز: س. شاپاعاتوۆ تۋرالى ءبىلۋ، ۇيرەنۋ. سايىن اعا سياقتى ۇلتجاندى، پاتريوت بولۋ. سايىن اعانى ماقتان ەتۋ، بولاشاقتا ۇلى تۇلعاعا ۇقساپ باعۋ.
1 - بالا: ق ر - نىڭ ءانۇرانى شىرقالسىن! «ءانۇران» بالالار بىرگە ايتادى.
2 - بالا: ەندى قۇرمەتتى قوناقتار، نازارلارىڭىزدى تاقتاعا بۇرىپ، سلايد كورۋگە شاقىرامىز.
سلايد كورۋ.
1 - بالا: قازاق ەلى عاسىرلار بويى ەركىندىكتى اڭساپ، تالاي قيلى - قيلى زامانداردى باسىنان وتكەردى. حالقىمىز تاۋەلسىزدىگىمىزگە ءوز تاعدىرىن، ارمان - تىلەكتەرىن حالىق مۇددەسىنە ارناعان ارىستاردىڭ ارقاسىندا عانا قول جەتكىزدى. مىنە، ەگەمەندى ەلىمىزدىڭ تاۋەلسىزدىك العانىنا 22 جىل تولدى. وسى قازاق حالقىنىڭ جەرى، بولاشاعى، ءۇمىتى ءۇشىن ىزعارلى جەلتوقساندا جاس ءومىرىن جالاۋ ەتكەن قازاقتىڭ ۇل - قىزدارى: قايرات رىسقۇلبەكوۆ، ءلاززات اسانوۆا، ەربول سپاتايەۆ، سابيرا مۇحامەدجان قىزىنىڭ اتتارىن ايتپاي كەتۋگە بولماس.

2 - بالا: ولاردىڭ اڭساعان ارماندارى، تىلەكتەرى بۇل كۇندە تولىق جۇزەگە استى. حالىق جۇرەگىندە حات بولىپ جاتتالىپ، ۇمىتىلماي كەلە جاتقان سونداي اياۋلى ەسىمدەردىڭ ءبىرى سايىن شاپاعاتوۆ ەدى. ونىڭ ەسىمىمەن ءبىزدىڭ تاۋەلسىزدىگىمىز، دەربەستىگىمىز تىكەلەي بايلانىستى.

1 - بالا: ال ەندى، سايىن شاپاعاتوۆ تۋرالى بالالار اۋزىنان ەستىسەك...
2 - بالا: نازارلارىڭىزدى تاعىدا تاقتاعا اۋدارۋلارىڭىزدى سۇرايمىز.
بالالار شاپاعاتوۆ تۋرالى اڭگىمەلەيدى.
1 - بالا: س. شاپاعاتوۆ ءومىربايانى.
2 - بالا: ەڭبەك جولى.
3 - بالا: تاۋەلسىزدىك جولىنداعى ەڭبەگى.

1 - بالا: تاۋەلسىزدىك تۋرالى تاقپاق وقيدى:
قازاق دەگەن قالىڭ جۇرت
ءبارىن كەشتى باسىنان.
تاۋەلسىزدىك تۋىڭدى،
بيىك كوتەر جاس ۇلان!
- تاۋەلسىزدىك الۋىمىزعا ۇلكەن سەبەپكەر - وسى سايىن اعامىز ەكەن!
2 - بالا: بالالار ورىنداۋىندا تاۋەلسىزدىككە ارنالعان ءان.
ءان «ەلتاڭبا»
2 - بالا: سايىن تۋرالى تاقپاق وقيدى.
1 - بالا: سلايدقا نازار اۋدارىڭىزدار! «اقتاۋ قالاسى» تۋرالى سلايد.
2 - بالا: مىنە، كورىپ وتىرعانىڭىزداي، ءوزىمىز تۇرىپ جاتقان وسىنداي اسەم قالانىڭ دا اقتاۋ اتىن قايتارۋعا كوپ ۇلەس قوسقان سايىن اعا ەكەن.
1 - بالا: سايىن اعا ول - اقىن.
2 - بالا: سايىن اعامىز قولى بوس كەزىندە ولەڭ جازۋمەن دە ماشىقتانعان.
بالالار ءبىر قاتارمەن كەلىپ 4 - 5 ولەڭ وقيدى.

1 - بالا: سايىن اعا سپورتتى وتە جاقسى كورگەن. ۇلتتىق ويىنداردىڭ وينالۋىنا، ۇلتتىق مادەني شارالاردىڭ ۇيىمداستىرىلۋىنا كوپ ۇلەسىن قوسقان.
2 - بالا: سايىن اعا جاقسى كورگەن «قازاقشا كۇرەس»، «سامبو» ويىندارىن ويناپ جىبەرەيىك.
ۇلتتىق ويىن «تەڭگە الۋ».
ماقال - ماتەلدەر ەر تۋرالى:
جومارت بەرگەنىن ايتپاس،
ەر ايتقانىنان قايتپاس.

جۇرەك - ەر، باس - كەمەڭگەر.

ات ونەرى بىلىنبەس،
بايگەگە ءتۇسىپ جارىسپاي.
ەر ونەرى بىلىنبەس،
قويان - قولتىق الىسپاي.

ەردىڭ ءىسى – ەلدىڭ موينىندا،
ەلدىڭ ءىسى – ەردىڭ موينىندا

ەر سالماعىن ەل كوتەرەدى،
ەل سالماعىن جەر كوتەرەدى.

جۇك اۋىرىن نار كوتەرەر،
ەل اۋىرىن ەر كوتەرەر.

ەر ءقادىرىن بىلمەگەن،
ەل ءقادىرىن بىلمەيدى.
1 - بالا: مىنە، وسى ماقالداردىڭ بارلىعى سايىن اعاعا ارناپ جازىلعانداي.
ءان «قازاقستان مەنىڭ»
نازاربايەۆ سۋرەتى سلايدتا كورسەتىلەدى.
1 - بالا: نازاربايەۆ ماڭعىستاۋ وبلىسىنىڭ قايتا قۇرۋ شاراسىندا سويلەگەن سوزىندە شاپاعاتوۆتىڭ قوعامدىق جۇمىستارىنا كوپ باعا بەرىپ، وبلىس باسشىلارىن ماسەلەلەردى شەشۋدە «پاراسات» قوعامىمەن ساناسا - اقىلداسا وتىرىپ شەشۋ كەرەك ەكەندىگىن ايتتى.
2 - بالا:
- مىنە، بۇل جەردە ءبىز س. شاپاعاتوۆتىڭ قانداي ۇلى تۇلعا بولعانىن كورەمىز جانە مۇنىڭ ءبارىن ماقتان ەتەمىز!
ينتەراكتيۆتى تاقتادا فوتوسۋرەت كورسەتىلەدى، بالالار كەزەكتەسىپ ايتىپ تۇرادى.
1. اقتاۋ قالاسىنىڭ بۇرىنعى اتىن قايتاردى.
2. قازاق تىلىندە مەكتەپ، بالا باقشا اشتى.
3. ماڭعىستاۋ وبلىسىن قايتا قۇرۋعا ات سالىستى.
4. فابريكا، زاۋىتتارعا، كاسىپورىندارعا ۇلتتىق مامانداردى تارتتى.
5. مەشىتتەر سالۋعا ۇسىنىس جاسادى.
6. جەر اتاۋلارىن قايتاردى.
7. ۇلتتىق ءتىلىمىز، مادەنيەت، ادەت - عۇرىپ، داستۇرلەردى جانداندىرۋعا ۇلەس قوستى (ناۋرىز مەرەكەسىن ومىرگە اكەلدى).
1 - بالا: سلايدقا نازار اۋدارىڭىزدار.
2 - بالا: وسى جىلى سايىن اتامىزدىڭ 75 جىلدىعىنا وراي وبلىسىسىمىزدا مەرەكەلىك ءىس - شارالار وتكىزىلۋدە.
«كوك تۋدىڭ جەلبىرەگەنى» انىنە ورتادا بارلىق بالالار جاتتىعۋ جاسايدى.