سەنىڭ ءساتىڭ
مەملەكەتتىك جاستار ساياساتى – بۇل جاستاردى قولداۋ ماقساتىندا مەملەكەت جۇزەگە اسىراتىن كەشەندى شارالار جۇيەسى. ءبىلىم بەرۋ سالاسى ماڭىزدىلىعى مەن تيىمدىلىگى جاعىنان مەملەكەتتىڭ وسى قىزمەتىنىڭ باسىم باعىتى بولىپ تابىلادى. ونى ۇزدىكسىز جەتىلدىرۋدىڭ ارقاسىندا قوعامنىڭ ستراتەگيالىق رەسۋرسى رەتىندە جاستاردى دامىتۋعا بولادى. «قازاقستان-2050» ستراتەگياسىندا جاستار قازاقستان مەملەكەتى دامۋىنىڭ جاڭا ساياسي-ەكونوميكالىق باعىتىنىڭ قوزعاۋشى كۇشى دەپورىندى اتالدى.
جاستاردىڭ قوعامدىق-ساياسي بەلسەندىلىگى بۇگىنگى تاڭدا مەملەكەتتى، ازاماتتىق قوعامدى، قۇقىقتىق مەملەكەتتى دامىتۋداعى، ساياسي جۇيەنىڭ سەرپىنى مەن تۇراقتىلىعىن قامتاماسىز ەتۋدەگى ماڭىزدى باعىتتاردىڭ ءبىرى بولىپ تابىلادى. قوعامدىق-ساياسي جانە الەۋمەتتىك-ەكونوميكالىق قايتا قۇرۋلار جاستاردىڭ وسى پروسەستەرگە تىكەلەي ارالاسۋ قاجەتتىلىگىن وبەكتيۆتى تۇردە تالاپ ەتەدى.
وسى ماقساتتا، 2023 جىلى 3-4 ناۋرىز ارالىعىندا اتىراۋداعى ح.دوسمۇحامەدوۆ اتىنداعى اتىراۋ ۋنيۆەرسيتەتىندە ەلىمىزدەگى بارلىق جوعارى وقۋ ورىندارى ستۋدەنتتەرىنىڭ قاتىسۋىمەن «سەنىڭ ءساتىڭ» رەسپۋبليكالىق ستۋدەنتتەر فورۋمى بولدى.
فورۋمنىڭ باستى مىندەتى – ەلىمىزدەگى جاستاردىڭ ىنتىماعىن ارتتىرىپ، ولاردىڭ ساناسىندا جاڭاشا ويلاۋ داعدىلارىن قالىپاستىرا وتىرىپ، ۋنيۆەرسيتەت جاستارى اراسىندا دوستىق قارىم-قاتىناس ورناتۋ.
وعان ەلىمىزدىڭ 52 جوعارعى وقۋ ورنىنان 200-گە جۋىق بەلسەندى ستۋدەنت قاتىستى. قازىرگىدەي دامىعان زاماندا جاستاردىڭ دۇنيە تانىمى، تالاپ-تالعامى وزىندىك ءبىر ەرەكشەلەنەدى. ولاردى زامان اعىمىنا ساي تاربيەلەۋ -قوعامنىڭ باستى مىندەتى دەسەك ارتىق ايتقانىمىز ەمەس. بۇل فورۋمعا جينالعاندار وقۋ ورداسىنىڭ، ءوز ورتاسىنىڭ بەلسەندى جاستارى، ەرتەڭگى قوعامدى باستاۋشى كوشباسشىلار دەسەك ارتىق ايتقانىمىز ەمەس. جاستاردىڭ بولاشاققا دەگەن تالپىنىسى مەن تىڭ يدەيالارىن قولداۋ ماقساتىندا، مينيسترلىك جانىنان ستۋدەنتتەر كەڭەسى قۇرىلعان بولاتىن. حالەل دوسمۇحاممەدوۆ اتىنداعى اتىراۋ ۋنيۆەرسيتەتىندە وتكەن فورۋمدا باس قوسىپ وتىرعان سول كەڭەستىڭ مۇشەلەرى. بەلسەندى ستۋدەنتتەر 2 كۇن بويى وي ءبولىسىپ، ۇسىنىس تىلەكتەرىن ورتاعا سالدى.
فورۋم بارىسىندا كوپتەگەن ترەنينگتەر، كونسەرتتىك باعدارلاما، ءداستۇرلى ونەرىمىز ساداق اتۋ ونەرىنەن شەبەرلىك ساعاتى وتكىزىلىپ، جوعارى وقۋ ورىندارىنىڭ قابىرعاسىندا جۇرگىزىلەتىن جوبالار تانىستىرلىمى بولدى.
سونىمەن بىرگە، جاستاردىڭ بەلگىلى ءبىر تاقىرىپقا وزىندىك پىكىرلەرى تىڭدالىپ، كوكجيەكتەرىن كەڭەيتەتىن تاقىرىپتار تالقىلاندى. ماقالامنىڭ سوڭىن ءابۋ ناسىر ءال-فارابيدىڭ: «ەلىڭنىڭ بولاشاعىن بىلگىڭ كەلسە، ماعان جاستارىڭدى كورسەت، سونسوڭ ايتىپ بەرەيىن» دەگەن سوزىمەن اياقتاعىم كەلىپ وتىر. ماعجان اتامىزدىڭ سەنگەن، ەل قامىن ويلار جاستارىن تاربيەلەۋ ءبىزدىڭ قولىمىزدا!
ساليحوۆا ماحاببات
You Might Also Like
-
مەملەكەتتىك قىزمەتشىلەردىڭ ەڭ باستى مىندەتى ول - حالىققا ادال قىزمەت ەتۋ. ءاربىر مەملەكەتتىك قىزمەتشى وسى قاعيدانى ەش ۋاقىتتا ۇمىتپاۋى ءتيىس. حالىققا جاقىن بولىپ، كەز-كەلگەن جاعدايدا ءادىل بولۋى ءتيىس....
-
انا دەگەن سوزدەن اق ەڭ ءبىرىنشى ويىمىزعا انامىز ويىمىزعا تۇسەدى. اناعا دەگەن قۇرمەت بالا كەزىمىزدەن ۇيرەتەدى. انانىڭ جىلۋلىعى ءار قاشاندا جۇرەكتە. سوندىقتان اناعان دەگەن كۇرمەتتى ءبىرىنشى ورىنعا ...
