InfoHub Logo

مەملەكەتتىك قىزمەتشىلەردىڭ ەڭ باستى مىندەتى ول - حالىققا ادال قىزمەت ەتۋ. ءاربىر مەملەكەتتىك قىزمەتشى وسى قاعيدانى ەش ۋاقىتتا ۇمىتپاۋى ءتيىس. حالىققا جاقىن بولىپ، كەز-كەلگەن جاعدايدا ءادىل بولۋى ءتيىس. ولار ەلدىڭ مۇددەسىن ءبىرىنشى ورىنعا قوياتىن، تەز ءارى دۇرىس شەشىم قابىلداي الۋعا مىندەتتى. سەبەبى، الەۋمەتتىك-ەكونوميكالىق قوعامدىق-ساياسي احۋالدىڭ تۇراقتىلىعى تىكەلەي مەملەكەتتىك قىزمەتكە بايلانىستى. ناقتى ايتا كەتسەك، ۇلتىمىزدىڭ مارتەبەسىن كوتەرەتىن، ەل ابىرويىن اسقاقتاتاتىن مەملەكەتتىك قىزمەتشىلەر ەكەندىگىن ەسكەرەتىن بولساق، بۇل تۇرعىدا مەملەكەتتىك قىزمەتشىلەر باسقالارعا ءوزىنىڭ ىسىمەن، بىلىم-بىلىكتىلىگىمەن، تاجىريبەسىمەن عانا ەمەس، ادىلدىگىمەن، قاراپايىمدىلىعىمەن، سابىرلىعىمەن، وتان سۇيگىشتىگىمەن، كەز كەلگەن ورتالاردا ۇلگى بولۋى كەرەك.

مەملەكەتتىك قىزمەتشىلەردىڭ جۇمىس بارىسىنداعى باستى قۇرالى بولىپ تابىلاتىن جاڭا ادەپ جونىندەگى كودەكسى، بۇل - جاۋاپكەرشىلىك جۇگىن ارتتىراتىن، تالاپتار اۋقىمىن بەلگىلەيتىن ماڭىزدى قۇجات. ول مەملەكەتتىك قىزمەتشىلەردىڭ مورالدىق-ەتيكالىق كەلبەتىن عانا ەمەس، سونداي-اق ولاردىڭ ءوزىن-وزى ۇستاۋ مانەرىنىڭ بازالىق ستاندارتتارىن بەكىتەدى. مەملەكەتتىك قىزمەتشىلەر وزدەرىنىڭ كۇندەلىكتى جۇمىسىندا قاراپايىمدىلىق، ادىلتىك، ادالدىق، ساتىلماۋشىلىق سياقتى پرينسيپتەردى ۇستانۋ كەرەكتىگى باستى ورىندا تۇرادى.

مەملەكەتتىك قىزمەتشىدەلدىڭ ادەپتىلىگى مەن سىبايلاس جەمقورلىقتىڭ بەتىن قايتارۋى ءبىرىن-بىرى تولىقتىراتىن فاكتور بولىپ تابىلادى. سوندىقتان مەملەكەتتىك ورگانداردىڭ وسى باعىتتا جۇيەلى تۇردە جۇمىس ىستەۋى بۇگىنگى كۇننىڭ تالابى بولماق. ادەپ جونىندەگى كەڭەستىڭ نەگىزگى مىندەتى - مەملەكەتتىك قىزمەتشىلەر حالىقتىڭ سەنىمىن اقتاپ، وتانعا قىزمەت ەتۋى كەرەك. سوندا عانا ءبىز دامىعان وتىز ەلدىڭ قاتارىنا ەنەمىز. مەملەكەتتىك قىزمەتكەرلەرىمىزدىڭ كوتەرەتىن جۇگى اۋىر. سوعان قاراماستان ولار كۇندىز-تۇنى ەلگە ادال قىزمەت ەتىپ كەلەدى. مەملەكەتتىك قىزمەتشى بولۋ زور جاۋاپكەرشىلىكتى، ابىرويلى مىندەتتى جۇكتەيتىنى سىرت كوزبەن ادامدارعا بايقالا بەرمەيتىنى راس. ونداي بولۋ ءۇشىن سەنىڭ بويىڭدا كاسىبي بىلىكتىلىگىڭنەن بولەك ادامي قۇندىلىعىڭ دا جوعارى بولۋى ءتيىس.

دامۋ كەزەڭىمىزدە مەملەكەتتىك قىزمەتتى جەتىلدىرۋگە باعىتتالعان رەفورمالار جۇرگىزىلىپ، ۋاقىتتىڭ كوشى جىلجىعان سايىن مەملەكەتتىك قىزمەتشىلەرگە قويىلاتىن تالاپتاردا بارىنشا كۇشەيتىلىپ كەلەدى. ناتيجەسىندە بۇل مەملەكەتتىك قىزمەتتىڭ ساپاسىنىڭ ارتۋىنا مۇمكىندىك بەرەدى. جالپى مەملەكەتتىك قىزمەت جاۋاپتى مىندەتتەر جۇكتەيتىن، ابىرويلى لاۋازىم بولىپ تابىلادى. بۇگىندە ءاربىر ارنايى - ورتا جانە جوعارى ءبىلىمى بار جاس ماماندارعا مەملەكەتتىك قىزمەتكە كەلۋ ءۇشىن وڭاي جاعداي جاسالعان. بۇل قىزمەت ءتۇر ۇمىتكەردەن نەبارى جەتكىلىكتى ءبىلىمدى، قۇقىقتىق ساۋاتتىلىقتى، ونەگەلى ءتارتىپتى، ادالدىق پەن ار-نامىس تازالىعىن تالاپ ەتەدى. جوعارى كاسىبي مەملەكەتتىك قىزمەتتى جانە ءتيىمدى باسقارۋ قۇرىلىمىن قۇرۋ ىسىندە مىندەتتەردى ىسكە اسىرۋ كوبىنە مەملەكەتتىك قىزمەتشىنىڭ كاسىبيلىگىنە بايلانىستى. سونىمەن قاتار، مارتەبەلىك ماڭىزى بار مەملەكەتتىك قىزمەت ءيميدجيى حالىقتىڭ مەملەكەتتىك اپپاراتقا سەنىمى دەڭگەيىنىڭ كورسەتكىشى جانە قوعامنىڭ باسقارۋ قىزمەتىنىڭ تيىمدىلىگىن باعالاۋ ولشەمى بولىپ تابىلادى. مەملەكەتتىك قىزمەتشى بيلىك پەن ءوز وكىلەتتىكتەرىن قولدانا ءبىلۋى جانە ادال بولۋى، ول ءوز قامى ءۇشىن ەمەس، مەملەكەت يگىلىنە جۇمىس ىستەۋى، مەملەكەت قارجىسىن ءوز قالتاسىمەن شاتاستىرماۋى كەرەك. زاڭ تالاپتارىمەن تولىق سايكەستىكتە ءومىر ءسۇرىپ، كەز-كەلگەن ورىندا، كەز-كەلگەن لاۋازىمدا قانداي جاعداي بولسا دا حالىقتىڭ، ءوز ەلى ازاماتتارىنىڭ سەنىمىن جوعالتپاي، ادىلدىكتىڭ، قاراپايىمدىلىقتىڭ ۇلگىسى بولىپ، ادامدار اراسىندا ءوزىن ۇستاۋعا تاربيەلەۋ كەرەك.

جالعاسوۆا سايدا

---