InfoHub Logo

گازەتتىڭ نەگىزگى دەموكراتيالىق باعىتى – پاتشا ۇكىمەتىنىڭ وزبىرلىعىن اشكەرەلەپ، كوپتىڭ كوكەيىندەگى قىجىلدى كورسەتىپ، حالىقتى اڭعارتۋ ءۇشىن باستىرىلعان. «سەركە» گازەتىن بىرەر كۇننەن كەيىن پوليسيا كەلىپ، باسقارماداعى بارلىق دانالارىن جيىپ الىپ، قۇلىپتاپ كەتەدى.                     سەبەبى، جاريالانعان  ماقالالاردا قازاق حالقىن ۇكىمەتكە قارسى ۇگىتتەۋ بار دەپ، سودان ۇستالدى دەلىنگەن.

گازەتتىڭ جابىلۋىنىا تۇرتكى بولعان ماقالانىڭ ءبىرى ءمىرجاقىپ دۋلات ۇلىنىڭ «ءبىزدىڭ ماقساتىمىز» جانە «جاستارعا» ولەڭى ەدى. جىلان  شاعىپ قالاما دەپ، جىپتەن شوشيتىن ءتۇرىمىز جوق دەپ، قارقىندى ەكپىنىمەن «ءبىزدىڭ ماقساتىمىز» اتتى ماقالاسىن «سەركە» گازەتىنە بۇركەنشىك اتپەن جاريالادى. ماقالادا شەندى شەكپەندىلەردىڭ شەكتەن شىعۋىن، كولدەنەڭ كوك اتتى كەلىپ، قازاقتىڭ وزىنە تيەسىلى جەرىنە ورىس مۇجىقتارىنا تارتىپ الىپ بەرۋىن جازعان. قازاقتاردىڭ رەسەيدە قۇقىقسىز حالىق ەكەنىن، سالىق ەلدىڭ پايداسىنا جاراتىلمايتىنىن سىناعان. اسىل ءدىنىمىزدى مازاق ەتىپ، كىتاپتارىمىزعا تيىم سالىنعانى تۋرالى اشىنا جازعان. بيلىك وتار بولعان ەلدىڭ مۇڭ - مۇقتاجىن تىڭدامايتىنىن العا  تارتقان. وسى جازبادان كەيىن پاتشا وكىمەتى ماقالا اۆتورىن تۇتقىنداماق بولعاندا، ونى جازعان ءمىرجاقىپ دۋلات ۇلى ەكەنىن بىلە الماعان. مىنە، گازەتتىڭ جابىلۋىنا تۇرتكى بولعان ماقالانىڭ مازمۇنى وسىنداي ەدى.

«باتىردى زامانى تۋعىزادى» دەمەكشى، شايمەردەن قوسشىعۇلوۆتىڭ باستاۋىمەن، حاجى يبراگيموۆتىڭ رەداكتورلىعىمەن شىققان گازەت قوعامدا باتىلدىقپەن كوزگە ءتۇستى. قازانى قايناي بەرسە، قاقپاعىنا ءقاۋىپ بار، تاق بار جەردە تابىت بار ەكەنىن ەسكەرتتى. وسى قارقىنمەن  يمپەريانىڭ باسىپ – شانشۋى جالعاسا بەرسە، جۋان بولساڭ دا حالىق بار ەكەنىن كورسەتتى. سول زاماندا سۇيەم جەر ءۇشىن سۇيەگىن، قارىس جەرى ءۇشىن قانىن بىرگەن،سوزبەن سويىپ سويلەگەن جۋرناليستەردىڭ ەرلىگى بىزگە ۇلگى.

قازىرگى كەزدە قازاقستاندا دا  ءسوز بوستاندىعى جوق. ەلدەگى بولىپ جاتقان ءال – اقۋالداردى اشىپ ايتا المايسىڭ. سەبەبى بۇل ءجۋرناليستىڭ ومىرىنە ءقاۋىپتى بولسا، سىن باسشىنىڭ قيتىعىنا تيەرى بەلگىلى. حالىق، تەلەارنالار مەن راديولارعا كوپ سەنە بەرمەيدى. گازەتتەردەن رەسپۋبليكالىق «ەگەمەن قازاقستان» سىندى گازەتتەردە بۇركەنشىك اتپەن ماقالالار جاريالانىپ تۇرادى. «ءبىزدىڭ ماقساتىمىز»  ماقالاسىنداعى جەر ماسەلەسى، سالىقتان تۇسكەن پايدا حالىقتىڭ يگىلىگىنە جۇمسالمايتىنى تۋرالى وزەكتى ماسەلەلەر بۇگىندە وزەكتىلىگىن جويمادى. وسىنداي مازمۇندى ماقالالاردى گازەتتەر مەن سايتتاردان كورە الامىز.

تەلەديداردان كورسەتپەيتىن، قاشاندا قوعامنىڭ شىندىعىن ايتاتىن «ازاتتىق» راديوسى بار. راديودا ەلدەگى ميتينگىلەر، قوعام بەلسەندىلەرىنىڭ بەلگىسىز ءولىمى، تۇيەنى تۇگىمەن جۇتقان جەمقورلاردىڭ اتىن اتاپ، جەتەر جەرىنە جەتكىزىپ ايتادى.

قازاق جۋرناليستەرىنىڭ بارلىعى بيلىكتىڭ قولشوقپارى ەمەس. كوپكە بەلگىلى تىلشىلەرىمىز، ءارتۇرلى الەۋمەتتىك جەلىلەر ارقىلى ەل باسشىلارىمەن تىكەلەي ەفيرگە شىعىپ، قوعامداعى ماسەلەلەردى تالقىلايدى، كەيدە كەڭ كەڭسەدە كرەسلودا تەڭسەلە وتىرعان، قۇلقىننىڭ قامىن ويلاعانداردى، تىلشىلەر ماقتامەن باۋىزداپ، سوزبەن سىباپتا الادى.

قاشاندا شىندىق ءوز قۇندىلىعىن جويمايدى. ءجۋرناليستتىڭ قاشاندا تۋراشىل، شىنايى بولۋى كەرەك ەكەنى، وتكەن حالىقتىڭ ءال – اۋقاتىمەن ەسكى گازەتتەرگە جاريالانعان ماقالالاردان بەلگىلى.  حالىقتىڭ جاعىندا بولىپ، ەل ءسوزىن سويلەگەن جۋرناليست قاشاندا قوعامعا سىيلى بولماق.

ارالباي كامشات

ءال – فارابي اتىنداعى قازاق ۇلتتىق ۋنيۆەرسيتەتى 1 – كۋرس ستۋدەنتى

---