بۇگىنگى «جۇلدىز» جۋرنالىنىڭ تاقىرىپتىق ەرەكشەلىگى
«جۇلدىز» جۋرنالىنىڭ 2020 – جىلدىڭ مامىر ايىنداعى سانىندا ءتىلشى الىبەك بايبولدىڭ ««قۇپيا وقۋلىقتا» نە ايتىلعان ەكەن؟» اتتى ماقالاسى جاريالانىپتى. اۆتور ماقالاسىندا بالالار ادەبيەتىنىڭ جازۋشىسى، شىعارمالارى قالىڭ جۇرتقا كوپتەن تانىس قالامگەر – وتەپبەرگەن اقىپبەكتىڭ «قۇپيا وقۋلىعىن» ءسوز ەتەدى.
««قۇپيا وقۋلىق» كولەمدى بولماسا دا، كوتەرگەن جۇگى اۋىر، ايتارى ارىدا جاتقان جيناعىنداعى «كورىمدىك»، «سۇندەت توي»، «ازان»، «رامازان ايى»، «جاراپازان»، «ءقادىر ءتۇنى»، «ورازا ايت»، «قازان اۋزى جوعارى»، «جولىڭ بولسىن، ۇلىم!»، «جىل مەزگىلدەرى»، «جاز. اپتاپ. شاڭقاي ءتۇس»، «لاق پەن لاك»، «مۇرات پەن سۇراق»، ت.ب. شىمىر، سونداي-اق «تىلگە جەڭىل، جۇرەككە جىلى تيەتىن» جىرلارى – بالدىرعان ءۇشىن تاپتىرماس بازارلىق.» - دەپ، بالالارعا ارنالىپ، ىقشامداپ جازىلعان كىتاپتى تانىستىرىپ، بالالار ادەبيەتى ىلعي دا ۇلكەندەر ادەبيەتىنىڭ كولەڭكەسىندە قالىپ قويىپ جۇرگەنىن العا تارتتى.
«...سونىمەن بىرگە، ولاردى مەكتەپ، ليسەي، كوللەدج، ۋنيۆەرسيتەتتىڭ وقۋ باعدارلاماسىنا ەنگىزىپ، تۇراقتى تۇردە وقىتىپ، ايتىپ، ناسيحاتتاپ، زەرتتەۋ ءجۇرۋ – مىندەت!..» - دەپ ۇسىنىسىن ءبىلدىردى.
راسىندا دا، بالالار جازۋشىلارىنا قولداۋ كورسەتىلسە كىتاپقا ءۇيىر، ءتىلى شۇرايلى، ويى كوركەم بالالار سانى ارتپاق. ال كوركەم شىعارما جازۋ ءۇشىن ۇكىمەت تاراپىنان جازۋشىلارعا قولداۋ كەرەك.
جۋرنالدى اقتارا كەلە 2021 جىلدىڭ العاشقى سانىندا جازۋشى الىبەك اسقاردىڭ «قاراتاي مەن اننا-ليزا» اتتى دەرەكتى اڭگىمەسىن كوزىم شالدى. «جاس تولقىن» بولىمىندە جاريالانعان بۇل تۋىندى شىنايى وقيعا نەگىزدەلگەن. قاراتايدىڭ شەشەسى 12 قۇرساق كوتەرسە دە، تاعدىرى قاتال بولىپ 10 بالاسى ومىردەن وتەدى. كەيىن تۋىستارىنىڭ ايداپ سالۋىمەن قۇداي قوسقان قوساعى «حالىق جاۋى» اتانىپ، ارتىنشا ومىردەن وتەدى. تۋىستارىنان قورلىق كورگەن قاراتايدىڭ شەشەسى باقتىگۇل اساۋ جىلقىلارعا تۇساۋ سالىپ، ەر ادامداي كۇنىن كورگەن. وسىلايشا قاراتايمەن باۋىرىن ەل تىزگىنىن ۇستار ازامات ەتىپ ءوسىردى.
ال، اڭگىمەدەگى فين ۇلتىنىڭ قىزى اننا – ليزا قاراتايدىڭ عاشىعى ەدى. لەنينگرادتان كەلگەن ايەل قازاق ەلىنە جەر اۋدارىلعان جولداسىن ىزدەپ، اقىرى ونىڭ ءولىمىن تۋرالى ەستەيدى. اننا – ليزا مەن قاراتاي مەكتەپتە ارىپتەس بولىپ، ارتىنشا ەكەۋى وتاۋ قۇرادى. قانشا دەگەنمەن اننا – ليزا بۇرىنعى «حالىق جاۋىنىڭ» ايەلى ەدى. بۇل اتاققا مويىماي، حالىقتىڭ ءسوزىن ەلەمەدى. قاراتاي مۇنى بىلسە دە ايەلگە قورعان بولا ءبىلىپ، مارتتىك ءبىلدىردى. قاراتاي جارىنىڭ قولداۋىمەن ءبىرشاما جەتىستىككە جەتىپ، ساۆحوز ديرەكتورى اتاندى.
وسى اڭگىمەگە «جەتىستىككە جەتكەن ءار ەركەكتىڭ ارتىندا ايەلدىڭ ماحابباتى تۇرادى، ال جەتىستىككە جەتكەن ءار ايەلدىڭ ارتىندا ەر ادامنىڭ ساتقىندىعى تۇرادى» دەگەن ءتامسىل سايادى. الىبەك اسقار بۇل اڭگىمەسىمەن نازىك جۇرەكتىڭ ىشىندە مىقتى قايسارلىق قاسيەتتىڭ جاتقانىن سۋرەتتەيدى.
باسىلىمنىڭ كەزەكتى اقپان ايىنداعى سانىندا قازاقستان جازۋشىلار وداعىنىڭ ورالداعى فيليال ديرەكتورى باۋىرجان حاليوللانىڭ «اقجايىق ءوڭىرى قازاق ادەبيەتىنە سوم تۇلعالار سىيلادى» ماقالاسىندا وڭىردەن شىققان بىرەگەي اقىن – جازۋشىلاردى اتاپ ءوتتى. ءبىراق، بەكزادا ونەردى بويعا سىڭىرگەنىمەن بەيباقتىڭ كۇنىن كەشىپ جۇرگەن ادەبيەتشىلەردى جاعدايىن اتاپ ءوتتى. وسى ورايدا «جۇلدىز» جۋرنالىنىڭ رەداكتورى عالىم جايلىبايعا العىسىن ءبىلدىردى. وندا: «...تۋعان جەردىڭ تورىندە، وبلىس ورتالىعىندا جۇرگەن قالامگەرلەردىڭ شىعارماشىلىعىن بەلگىلى ءبىر ايماقتا عانا ناسيحاتتاۋ-مەن شەكتەلىپ قالامىز. وسى ماسەلەنى «جۇلدىز» جۋرنالىنىڭ باس رەداكتورى عالىم جايلىبايعا جەتكىزگەنىمىزدە، ول اعامىز جەرگىلىكتى اقىن-جازۋشىلاردىڭ شىعارمالارىن باسىلىمعا بەرۋگە بىردەن كەلىسىم بەردى.»
وسىدان – اق رەداكسيانىڭ كەلگەن ماتەريالدى تەك جاريالاپ وتىرماي، جەرگىلىكتى جەردەگى دارىندىلارعا كومەك قولىن سوزىپ، جازۋشىنىڭ كەۋدەدەگى شوعى سونبەۋىنە ارەكەت جاساعانىن تۇسىنەمىز.
شىندىعىنا كەلگەندە ءبىز جاستار بەلگىلى تۇلعالاردان بولەك كوپ اقىن – جازۋشىلارلى تاني بەرمەيمىز. سەبەبى ولاردىڭ شىعارماشىلىعى بىزگە جەتپەي جاتىر. ال «جۇلدىز» جۋرنالى ولاردىڭ ەڭبەكتەرىن وقىپ، وزدەرىن تانىپ بىلۋىمىزگە تاپتىرماس باسىلىم.
بۇگىنگى رۋحاني باي «جۇلدىزدىڭ» تىنىس – تىرشىلىگى قىزۋ. «پوەزيا»، «سىرساندىق»، «پروزا»، «تۇرىك دۇنيەسى»، «ءسوز ساۋلەسى»، «جاس تولقىن» ايدارلارىندا ولەڭدەر مەن اڭگىمەلەر اي سايىن باسىپ وتىرادى. ءبىر بايقاعانىم، جۋرنالدا قارت كىسىلەردىڭ بەلسەندىلىگى جوعارى. زەينەتكەرلەر، ۇستازدار مەن ادەبيەت وكىلدەرى ءتول تۋىندىلارىن «جۇلدىز» جۋرنالى ارقىلى قالىڭ كوپشىلىككە ۇسىنىپ وتىر. وزگە باسىلىمداردان وزگەشە، اي سايىن بەت سانى 200 - گە جۋىقتاپ شىعاتىن «جۇلدىز» جۋرنالىنىڭ جاي – جاپسارى وسىنداي...
You Might Also Like
-
گازەتتىڭ نەگىزگى دەموكراتيالىق باعىتى – پاتشا ۇكىمەتىنىڭ وزبىرلىعىن اشكەرەلەپ، كوپتىڭ كوكەيىندەگى قىجىلدى كورسەتىپ، حالىقتى اڭعارتۋ ءۇشىن باستىرىلعان. «سەركە» گازەتىن بىرەر كۇننەن ...
-
ۇلى وتان سوعىسى جىلدارىندا ءبىزدىڭ قانداستارىمىز قاتىسپاعان بىردە-بىر ۇلكەن شايقاس بولمادى. قازاق باتىرلارى ەل باسىنا كۇن تۋعاندا جانىن شۇبەرەككە تۇيگەن ناعىز جاۋىنگەر حالىق بولعان. ەردىڭ ەرى شىدايت...
