InfoHub Logo

تاقىرىبى: شاڭىراعىم - شاتتىعىم
ماقساتى:
بىلىمدىلىك: وتباسىنداعى بالا تاربيەسىن اكەسىمەن اناسىنىڭ بىرىگىپ پىكىر الماسىپ شەشۋگە، ۇلتتىق تاربيە تۋرالى تۇسىنىك بەرۋگە، ەلىن قاستەرلەي بىلۋگە، سىنىپتاعى باسقا بالالارعا ۇلگى بولۋعا شاقىرۋ.
تاربيەلىك: شاڭىراعى شاتتىققا تولى بولۋ ءۇشىن بارلىق جاساۋعا دايىن وتباسىلارىن قالىپتاستىرۋ.
دامىتۋشىلىق: قازاقستانىمىزدا وتانى بەرىك، باسقا ەلگە ۇلگى بولاتىنداي شاڭىراق بولۋعا ۇمتىلۋ.
ءتۇرى: سايىس ساباق
كورنەكىلىكتەر: ينتەراكتيۆتى تاقتا، تاربيەگە بايلانىستى ناقىل سوزدەر، انا مەن بالا بەينەلەنگەن پلاكاتتى سۋرەت، ستيكەرلەر، باعالاۋ تاقتاسى، ساندىق نومىرلەر، شارلار. ت. ب
ءادىسى: وي قوزعاۋ، سۇراق جاۋاپ، رەفلەكسيا، جارىس، تالداۋ، توپتاسۋ

تاربيەلىك شارانىڭ ءجۇرۋ جوسپارى تاقتاعا ىلىنەدى:
1 تانىستىرۋ ( اتا - انا بالاسىمەن ولەڭ جولدارى ارقىلى)
2 ونەر كورسەتۋ (ءان ايتۋ، كۇي تارتۋ، بي بيلەۋ، اس ءمازىرى ت. ب)
3 وتباسىلىق - سيتۋاسيالىق سۇراقتار (توپپەن جاۋاپ بەرۋ )
4 Cءان ۇلگىسىن كورسەتۋ (اتا انا بالاسىمەن ۇيلەسىمدى، ءستيلدى كيىم كيە وتىرىپ، مۋزىكا ىرعاعىمەن ءجۇرىپ ءوتۋ )
تاربيەلىك شارانىڭ ءجۇرۋ بارىسى:
مۋزىكا اۋەنى: التىناي جورابايەۆانىڭ ورىنداۋىندا” انا”ءانى
ءمۇعالىم: قۇرمەتتى وقۋشىلار، اتا - انالار، قاتىسۋشى ۇستازدار!
عاسىرلار بويى جالعاسىن تاۋىپ كەلە جاتقان، توت باسپايتىن، وتباسى شاڭىراعىمىز تاربيەنىڭ قاينار كوزى ەكەندىگىن ءبارىمىز بىلەمىز.
ءار ادام جەتپەگەن ارمانعا، شىعاتىن بيىككە تەك قانا ۇرپاعىمەن جەتۋدى ماقسات ەتىپ، ءۇمىت ارتادى. بۇگىندە 4ا سىنىبىنىڭ اتا - انالارى ءوز بالالارىن قولداپ، ول بالالارىنا شاڭىراقتا دۇرىس تاربيە بەرىپ وتىرعانىن دالەلدەۋ ماقساتىندا “شاڭىراعىم - شاتتىعىم “اتتى اشىق تاربيە ساعاتىنا كەلىپ وتىر.
- قوش، كەلدىڭىزدەر!
سايىسقا قاتىسۋشى وتباسىلارمەن تانىستىرۋ:
سەرىكوۆتار، تاجكەنوۆتار، داۋلبايەۆتار، كارشيگايەۆتار، ابۋوۆتار،
ورازوۆتار، بولاتوۆتار.
ءار وتباسىنىڭ وزىندىك ەرەكشەلىكتەرىن انىقتاۋ ماقساتىندا نوميناسيالىق ورىندى بەرۋ ءۇشىن ءادىل تورەشىلەر سايلانادى.
ولار: تاربيە ءىسىنىڭ مەڭگەرۋشىسى، وقۋ ءىسىنىڭ مەڭگەرۋشىسى، پسيحولوگ جانە اتا - انالار
ەر بالالار ەرتەڭگى كۇننىڭ شاڭىراعىمىزدىڭ تىرەگى، سوندىقتان ولار تاقتاعا ستيكەرلەر ارقىلى باعالاۋعا قاتىسىپ، وزىنە ۇناعان توپقا ۇپاي بەرەدى. ال قىزدار ءۇيدىڭ بەرەكەسى، سوندىقتان ولار وسى تاربيە ساعاتىمىزدىڭ جاقسى وتۋىنە مۇعالىمگە كومەكتەسىپ ات سالىسادى.
ورتاعا وقۋشىلار شىعىپ ولەڭ شۋماقتارىن وقيدى.

1. وتان، انا ارداق تۇتار تەل ۇعىم
قاسيەتتى ءار سۇيەمىن جەرىمنىڭ.
بيىكتەرگە كوتەرەتىن بىزدەرمىز،
شاڭىراعى ەگەمەندى ەلىمنىڭ.
2. شاڭىراعىم وتانىم
سودان ماڭگى وت الدىم.
تاڭى بولىپ اتامىن
كۇنى بولىپ باتامىن.
3. شاڭىراعىم شاتتىق ءومىر بار ءمانىم،
وزىڭە مەن اسقاق اۋەن ارنادىم.
ءانۇرانىم - بويىمداعى ار - نامىس
كوك بايراعىم - جەلبىرەگەن ارمانىم.
4. شاڭىراقتار شايقالماسىن دەسەڭىز
بابالاردىڭ سالتىن ۇعىپ وسەمىز.
جاس ۇرپاقتىڭ بار ءۇمىتى الدىندا،
ءۇش مىڭىنشى عاسىرلاردا ەسەمىز.
ءمۇعالىم: بۇل ومىردە اناڭنىڭ الاقانىنان جۇمساق ەشنارسە جوق. اۋىرعان كەزدە جانىڭا شيپا بولاتىن دا، ول اناڭ. اناسىمەن بالاسى بولىپ توپقا ءبولىنۋ ءۇشىن، ءبىز ويىن ارقىلى ءبىر - ءبىرىمىزدى تاۋىپ الۋىمىز كەرەك.
بالاسىنىڭ كوزىن بايلاپ، اناسىنىڭ الاقانى ارقىلى تاۋىپ كورۋ كەرەك.
ارۋجان، اسەل
انانىڭ الاقانى بالاعا ايدىندى قونىس
مەيىرىمى مول انانىڭ جۇرەگى جىلى، قولى كەڭ.
1، 2، 3، 4، 5، 6 نومىرلەرىن اتا انالارى سۋىرادى.
1 ءبولىم
ءار وتباسى قازاق حالقىنىڭ سالت داستۇرىنە ساي رۋىن، اتالارىن، شاڭىراق مۇشەلەرىمەن تانىستىرادى. ءاربىر سايىستا بالاسىمەن اناسى بىرگە شىعىپ، بىردەي اتسالىسۋ كەرەك.
ءان “اسىل اجە “، ورىندايتىندار: اسيا، انار
2ءبولىم
قازاعىمنىڭ سالت ءداستۇرى جاڭعىرعان،
ونەرىمەن تاربيە كوزىن قالدىرعان.
اناسىمەن بالاسىن ارداقتايىق اعايىن،
قازاق اتتى ۇلكەن كىشى بالدىرعان.
(توپتىڭ ونەرىن تاماشالاۋ)
بي بيلەنەدى: بولاتبەك، ميراس، بەكزات، انار، اسەل، ارۋجان.
3ءبولىم
ءمۇعالىم: شاڭىراقتاعى تاربيە كەشىكتىرىلسە كەشىرمەيتىن، دۇرىس باعىت الماسا قايتىپ كەلمەيتىن كادەلى، ساۋاپتى ءىس. سوندىقتان شاڭىراقتا ءتۇرلى سيتۋاسيالىق جاعدايلار بولىپ جاتادى. سونداي جاعدايدا وتباسى قانداي شەشىمگە كەلەدى ەكەن. پاراقشالار سۋىرىپ دايىندالامىز.
(ماقال - ماتەلدەر، ناقىل سوزدەر، جاعداياتتار)
قىزعا قىرىق ۇيدەن تىيىم
ۇلدى ۇياسىندا دۇرىس باۋلۋ
قاريا ءسوزى - تاربيە كوزى
اتا - انانىڭ ءقادىرىن، بالالى بولعاندا بىلەرسىڭ.
قازاق ءداستۇرى جالپى ادامدى سىيلاۋعا باۋليدى.
دايىن بولعانشا: شاڭىراعىڭ شاتتىققا تولى بولسىن دەسەڭ
“باتالى التىن ءسوز” پاراقشاسىن ءۇنتاسپادان تىڭداتىپ تاراتۋ
4ءبولىم
وزىندىك ستيل، يميدج، ءساندى ءارى ۇيلەسىمدى كيىنۋ - جاڭا عاسىر تالابى. ءار وتباسىندا وزدەرىنە ءتان كيىم كيۋ ەرەجەلەرى دە بولۋى مۇمكىن. سوندىقتان اناسى بالاسىنا قانداي ۇلگىدە كيىنۋ كەرەكتىگىن ۇيرەتىپ، وتباسىلىق ءسان ۇلگىسىن كورسەتەدى.
مۋزىكا اۋەنىمەن بىرگە ءجۇرىپ ءوتىپ، ءسان ۇلگىسىن كورسەتۋ.
باعالاۋ تاقتاسىندا كوپ كورەرمەن ىقىلاسىنا بولەنگەن وتباسىلارىن انىقتاۋ
ءادىل تورەشىلەر دۇرىس باعالاپ بولعانشا
حورمەن: “ قازاقستانىم مەنىڭ” ءانىن تاماشالاڭىزدار.
نوميناسيالار:
ونەرلى وتباسى
ۇلگىلى وتباسى
قوناقجاي وتباسى
اقىلدى وتباسى
ۇيىمشىل وتباسى
تاربيەلى وتباسى
ءادىلقازىلار سوڭىندا دۇرىس شەشىم قابىلداپ، قاتىسقان انالارىمىز بەن بالالارىنا نوميناسيالىق ديپلوممەن ماراپاتتاپ قورىتىندىلايدى.