شەت ءتىلىن ۇيرەنۋگە كومەكتەسەتىن تەلەگرام كانالدارى
سلەنگ، ەرەجە، كەستەلەر، فيلمدەر مەن كىتاپتاردىڭ ءتىزىمى... بارلىعىن تابۋعا بولادى.
گرامماتيكانى قايتالاپ، سوزدىك قورىن كوبەيتىپ، تەستتەر ارقىلى ءبىلىمدى بەكىتۋ — شەت ءتىلىن ۇيرەنگىسى كەلەتىندەر ءۇشىن كەرەمەت كومەكشى بولماق. بۇگىن ءبىز سىزدەر ءۇشىن اعىلشىن، نەمىس، يسپان، ءتىپتى جاپون ءتىلىن ۇيرەنۋگە كومەكتەسەتىن پايدالى كانالدار مەن بوتتاردىڭ ءتىزىمىن جاسادىق.
اعىلشىن ءتىلى
1. @eng_less — ءتىلدى العاش ۇيرەنۋشىلەرگە ارنالعان ساباقتار مەن ەرەجەلەر.
2. Englishforlife (@englesson) — بۇل كانال ءتىلاشارعا ۇقسايدى. مۇندا ءتىلدى جاقسى بىلمەيتىن، ءبىراق ساياحات كەزىندە اعىلشىن ءتىلىن قولدانىپ، ادامدارمەن تىلدەسكىسى كەلەتىن ساياحاتشىلارعا پايدالى سويلەمدەردى تابۋعا بولادى.
3. EnglishRadio (@english_radio) — مۇندا لەكسيكا، ەتىستىكتەر، اعىلشىن ءتىلى تۋرالى قىزىقتى مالىمەتتەر مەن ەسكەرتۋلەر بار.
4. @wow_english — كۇندەلىكتى ومىرگە ارنالعان، كەزدەسۋ كەزىندە قولدانۋعا بولاتىن تاڭداۋلى سويلەمدەر تىزىمىنەن باستاپ، پوليسەيمەن بايلانىسىپ قالعان كەزدە ءسىزدى قۇتقارىپ الاتىن لەكسيكاعا دەيىن بار. بۇل جەردە ىسكەرلىكتى قالاي جۇرگىزۋگە بولادى، قوشەمەتتى قالاي ءبىلدىرۋ كەرەك جانە اڭگىمەلەسۋ كەزىندە نە ايتۋعا بولاتىنى جازىلعان.
5. English of the Day (@EnglishOftheDay) — قولدانۋ مىسالدارىمەن بىرگە بەرىلگەن كۇندەلىكتى سويلەمدەر مەن تۇراقتى ءسوز تىركەستەرى. كانالدىڭ ءوزى – تولىق اعىلشىن تىلىندە. سوندىقتان بۇل ارناعا ءتىلدىڭ نەگىزگى دەڭگەيىن مەڭگەرگەندەر تىركەلە الادى.
6. SlangBang! @slangbang — ارنانىڭ مازمۇنى اتاۋىنا سايكەس كەلەدى. اۆتور مۇندا وقۋلىقتاردا كەزدەسە بەرمەيتىن سلەنگ-سويلەمدەر تۋرالى ايتادى.
7. @movieslang — كەرەمەت گرافيكالىق بەينەلەرمەن بەرىلگەن فيلمدەر مەن تەلەحيكايالارداعى ەرەكشە سوزدەر مەن سويلەمدەر.
8. Hot Chicks (@letmespeakfrommyheart) — بۇل قاناتتى سوزدەردى كوبىرەك جاتتاعىسى (جانە سويلەۋ مانەرىن بىلگىسى )كەلەتىندەرگە ارنالعان. مىسالى، «ساتتىلىك سەرىك بولسىن» دەگەن تىلەك، «break a leg» بولادى. وعان جاۋاپ رەتىندە «thank you» دەپ ايتۋ كەرەك.
9. @differentenglish — ارنانى اعىلشىن ءتىلىنىڭ ءمۇعالىمى جۇرگىزەدى. ول كۇردەلى گرامماتيكانى كىتاپتاردان، تەلەحيكايالار مەن اعىلشىن ءتىلدى باسپاسوزدەن مىسال كەلتىرە وتىرىپ تۇسىندىرەدى. كانال وقۋلىقتاعى اعىلشىن ءتىلى مەن اعىلشىن تىلىندە سويلەيتىن ادامداردىڭ ءتىلىنىڭ اراسىنداعى ايىرماشىلىقتى تۇسىنگىسى كەلەتىندەرگە ارنالعان. ارينە، بۇل كانالعا ءتىلدى جاقسى مەڭگەرگەندەردىڭ جازىلعان دۇرىس.
10. @plasticine_english — ءتىلدىڭ قۇرىلىمىن ءتۇسىندىرىپ، كۇندەلىكتى اعىلشىن تىلىندە سويلەۋ ءۇشىن نە ىستەۋگە بولاتىنىن تۇسىندىرەتىن پوستتار جازىلعان.
11. @one_story — ماتىندەردى اعىلشىن تىلىندە وقىعىسى كەلەتىندەرگە ارنالعان تەلەگرام كانالى. مۇندا مارك تۆەننىڭ، دجەيمس دجويستىڭ اڭگىمەلەرىن، ءتىپتى انتون چەحوۆتىڭ اعىلشىن تىلىنە اۋدارىلعان شىعارمالارىن وقي الاسىزدار. ءماتىننىڭ ءبارى جازبا تۇرىندە قۇرىلعان. ال پوستتاردىڭ ءوزى - وقۋعا قانشا ۋاقىت كەرەك ەكەنىن تۇسىندىرەتىن قىسقاشا سيپتتاۋلاردان، سىلتەمەلەر مەن اقپاراتتاردان تۇرادى.
نەمىس ءتىلى
12. @de_lernen — كانال اۆتورى ءوزى ۇيرەتىپ، تاجىريبەسىمەن بولىسەدى. نەمىس ءتىلىنىڭ ەرەكشەلىكتەرىن، ەرەكشە سەپتىكتەر، ءسوزدىڭ كەرى رەتى، زات ەسىم، ورىسشا نۇسقاسىمەن سايكەس كەلمەيتىن سويلەمدەر جانە باسقا دا كوپتەگەن پايدالى مالىمەتتەر تۋرالى ايتادى.
13. @stylishgerman — كانالدى نەمىس تىلىندە سويلەيتىن وقىتۋشى جۇرگىزەدى. بۇل ءتىلدى العاش ۇيرەنۋشىلەر ءۇشىن دە، ءتىلدى جاقسى بىلەتىندەر ءۇشىن دا پايدالى. كوپتەگەن سويلەمدەر، ەرەجەلەر جازىلعان كەستەلەر مەن سۋرەتتەر – مۇنىڭ ءبارى ءتىلدى تەز مەڭگەرۋ ءۇشىن نەمەسە ءتىلدى جەتىلدىرۋ ءۇشىن كەرەك.
14. @nemand — مۇندا پايدالى لەكسيكا، گەرمانيا قالالارى تۋرالى ماتىندەر مەن جازبالار جانە قىسقا اۋديوجازبالارمەن بەرىلگەن مىسالدار بار.
15. In_germanland (@germanland) – نەمىس ءتىلىنىڭ كاسىبي اۋدارماشىسىنىڭ جازبالارى جازىلعان كانال. ءبارى ءتىلدىڭ نازىك يىرىمدەرى، نەمىس ءدىلى جانە گەرمانيانىڭ تاريحى تۋرالى.
16. (@nichtnurdeutsch) —وقىتۋشى نەمىس ءتىلىن عانا ەمەس، باسقا تىلدەردى دە تەز ۇيرەنۋگە كومەكتەسەتىن كەڭەستەرىمەن بولىسەدى.
17. LearningGermanBot (@learninggermanbot) – نەمىس ءتىلىن ۇيرەنۋگە ارنالعان بوت. گرامماتيكانى بەكىتىپ، لەكسيكانى قايتالاۋعا كومەكتەسەدى.
يسپان ءتىلى
18. Español (@espnnl) — ءتىلدى العاش ۇيرەنۋشىلەرگە ارنالعان ساباقتار مەن ديالوگتارى بار كانال. اۆتور ەرەجەلەردى مۇقيات ءتۇسىندىرىپ، لەكسيكا بويىنشا كەرەمەت تاقىرىپتىق تاپسىرمالار ۇسىنادى.
19. Todobien! @spanishblog — ءتىل تاريحى تۋرالى. ارنا اۆتورى يۋليا ۆەرشينينا كولۋمبيادا (يسپان ءتىلى – رەسمي ءتىل) تۇرعان. ول ءوزىنىڭ لينگۆيستيكالىق باقىلاۋلارىمەن، قىزىقتى ماقالالارىمەن ءبولىسىپ قانا قويماي، يسپان، يتاليا جانە پورتۋگال تىلدەرىن بىر-بىرىمەن سالىستىرادى.
20. @miespanol — ترانسكريپسيامەن بەرىلگەن اۋىزەكى سويلەمدەر جانە العاش ۇيرەنۋشىلەرگە ارنالعان ەڭ قاراپايىم، ءبىراق ەڭ پايدالى لەكسيكا.
21. Study Spanish Bot (@StudySpanishBot) — يسپان لەكسيكاسىن ۇيرەنۋگە ارنالعان بوت. بوت جىبەرەتىن ءسوزدىڭ ءتۇرىن، اۋدارۋ باعىتىن جانە تاپسىرماسى بار حابارلامالاردى تاڭداۋ كەرەك.
22. Español Adentro (@espanoladentro) — ءتىلدى ۇيرەنىپ جۇرگەندەرىنە ءبىراز ۋاقىت بولعاندارعا ارنالعان. مۇندا گرامماتيكا تۋرالى پوستتار جوقتىڭ قاسى. ونىڭ ورنىنا – يسپاندىقتاردىڭ مادەنيەتى مەن داستۇرلەرى تۋرالى اقپاراتتار كوپ.
23. ¡RadiHola! (@radihola) — ەتىستىكتەردى جىكتەۋ، تۇراقتى ءسوز تىركەستەرى جانە ءسوزدىڭ ايتىلۋىن جاتتىقتىرۋ.
24. Aprenderespañol — LearnSpanish (@aprenderespanol) — يسپان ءتىلى تۋرالى اعىلشىن تىلىندەگى ارنا. سوندىقتان، ەكى ءتىلدى قاتار ۇيرەنە بەرۋگە دە بولادى. اۆتور ەرەجەلەر جازىلعان پايدالى كارتوچكالار مەن تاقىرىپ بويىنشا لەكسيكالاردى سالىپ وتىرادى.
25. TutorLingua — Spanish (@TutorLingua) — ستۋدەنتتەر مەن وقىتۋشىلارعا ارنالعان يسپان ءتىلى تۋرالى ارنا. ءتىل مەڭگەرۋدىڭ ورتا دەڭگەيىنە جەتكەندەرگە ارنالعان.
فرانسۋز ءتىلى
26. @fransaise —تەلەگرامداعى فرانسۋز ءتىلى تۋرالى از ارنالاردىڭ ءبىرى. اۆتور ەرەجەلەر تۋرالى پوستتارىن جاريالاپ، دىبىستاردى قالاي شىعارۋ كەرەگىن تۇسىندىرەدى.
27. F-wrench (@francais) — اعىلشىن جانە فرانسۋز تىلىندە قاتار جۇرەتىن ارنا. اۆتوردىڭ ءوزى ءتىلدى ۇيرەنگەنىنە كوپ ۋاقىت بولماسا دا، ءوز جاڭالىقتارىمەن جانە جەتكەن تابىستارىمەن بولىسەدى.
28. Jʼaimele français (@jaimelefrancais) — وقۋلىقتار مەن كىتاپتارعا پايدالى سىلتەمە («كىشكەنتاي حانزادانى» ءتۇپنۇسقادا وقۋعا بولادى)، فرانسۋز تىلىندەگى كەرەمەت فيلمدەردىڭ جيناعى جانە قىزىقتى لەكسيكا.
29. @franceforme — فرانسۋز ءتىلى تۋرالى قىزىقتى مالىمەتتەر مەن ماڭىزدى لەكسيكا جازىلعان ءتۇرلى سۋرەتتەر.
يتاليا ءتىلى
30. @miaitalia — يتاليا ءتىلىنىڭ وقىتۋشىسى ءتىل ۇيرەنۋ تۋرالى كەڭەستەرىمەن بولىسەتىن شاعىن ارنا.
جاپون ءتىلى
31. @love_japan — جاپونيانى جاقسى كورەتىندەرگە ارنالعان ارنا. بۇل ءتىلدى ۇيرەنۋدى ەندى عانا قولعا الىپ، تاستاپ كەتۋدەن قورقىپ جۇرگەن جاندارعا ارنالعان.
32. @jap_rusteach — جاپون تىلىندەگى اڭگىمەلەر جانە انيمە جانرىنداعى سۋرەتتەرمەن تولىقتىرىلعان ۇيرەتۋشى بەينەلەر.
33. @daigaku — جاپون يەروگليفتەرىنىڭ ءمانى تۋرالى پوستتار مەن اۋدارماسى بار لەكسيكا.
جۇڭگو ءتىلى
34. @chinarydom — ديالوگتارمەن جازىلعان جۇڭگو ءتىلىن ۇيرەتۋشى. پوستتار تەگتەر بويىنشا ساباقتارعا بولىنگەن. ءار ساباقتا 10 يەروگليفتەن بەرىلەدى. تاقىرىپ بويىنشا دىبىستالۋ ەرەجەلەرى مەن سوزدەردى جەكە قاراۋعا بولادى.
35. @videochina — ءتىل ۇيرەتۋ تۋرالى ەڭبەك جازعان اۆتورلاردىڭ قوسىمشا ارناسى. پوستتاردا ءتىل گرامماتيكاسى تۋرالى جان-جاقتى ايتىلعان.
P.S: كانالدىڭ كوبى ورىس تىلىندە.
P.P.S: قىزىقتى ءارى پايدالى مالىمەتتەردى جىبەرىپ الماۋ ءۇشىن، ءبىزدىڭ تەلەگرام كانالىمىزعا دا جازىلىڭىزدار: @bilimall
You Might Also Like
-
تويدا شامادان تىس قىزىپ وتىرعان ەل اعالارىنىڭ ءبىرى ارناۋ ولەڭىن وقىپ، ونىسىن مەرەيتوي يەسىنە تابىستاپ وتىرعان ورنىنا قاراي ماڭ باسىپ بارا جاتقان اقىندى توقتاتىپ: «سەن قازىردەن باستاپ وسى وبلى...
-
ءسىزدىڭ قانشالىقتى كوڭىلدى ءارى باقىتتى ەكەندىگىڭىز، باسقا فاكتورلارمەن سالىستىرعاندا، تىكەلەي ءپوزيتيۆىڭىزدىڭ دەڭگەيىنە بايلانىستى.
