InfoHub Logo

ءومىر – كۇيمە اربامەن ءجۇرۋ سياقتى. بارلىعى جاقسى بولا تۇرا، جولدىڭ تاستى بولىگىنە جەتكەندەگى سىلىكىنىستەن قورعانا الماۋىڭىز مۇمكىن. ال ومىردە جولداعى تاستاردىڭ ءرولىن ءتۇرلى جاعدايلار اتقارادى.

 «بانك حوۋم كرەديتتىڭ» كومپلاەنس قىزمەتىنىڭ جەتەكشىسى دەنيس لۋتتو and.kz اقپاراتتىق پورتالىنا «ستوپ تىرما!» جوباسىنا بەرگەن سۇحباتىندا قوسىمشا شىعىندار بولعان جاعدايدا نەسيە تولەمىنىڭ مەرزىمىن وتكىزىپ الماۋ ءۇشىن نە ىستەۋ كەرەكتىگىن اتاپ ايتتى.

دەنيس لۋتتو

 «بانك حوۋم كرەديتتىڭ» كومپلاەنس قىزمەتىنىڭ جەتەكشىسى

كۇتپەگەن جاعدايلار

ادامي قاسيەتتەردى جوعالتپاعان بانك بولىپ قالۋ ءبىز ءۇشىن وتە ماڭىزدى. سوندىقتان ءبىزدىڭ كليەنتتەرىمىزدىڭ ءار جاعدايىن جەكەلەي قاراستىرامىز. ەگەر سەبەپتەردىڭ نەگىزى ماڭىزدى بولسا «حوۋم كرەديت بانكى» قايتا قارجىلاندىرۋ، ايىپپۇل مەن تولەماقى ءوسىمىن ەسەپتەن شىعارۋ نەمەسە تولەمدى كەيىنگە قالدىرۋدى قاراستىرا الادى.
قازاقستاننىڭ ءبىرقاتار ايماقتارىن سەل باسقاندا، اكىمشىلىك قىزمەتتەرى اپاتقا ۇشىراعان ادامدارعا بانك الدىنداعى قارجىلىق مىندەتتەمەلەرىنە قاتىستى قول ۇشىن سوزۋدى سۇرادى. ولار بىزگە ءوز وتىنىشتەرىن جىبەرىپ، قولايسىز جاعدايدى سيپاتتاپ، ونى قۇجاتتارمەن راستاعاننان كەيىن، ءبىزدىڭ كرەديت كوميتەتىمىز بارلىق جينالعان ايىپپۇلدار مەن تولەماقى ءوسىمىن ەسەپتەن شىعارىپ، قارىزداردى جابۋ مۇمكىندىگىن قاراستىردى.

بانك كومەك كورسەتە الۋى ءۇشىن، مۇنداي جاعدايلاردا ەڭ باستىسى — مۇلىككە كەلتىرىلگەن زيان مولشەرىن راستايتىن قۇجاتتاردى جەدەل بەرۋ. وكىنىشكە وراي، باسقا بىرەۋدىڭ قايعىسىن پايدالانىپ ءوزىنىڭ قارجىلىق مىندەتتەمەلەرىمەن بايلانىستى ماسەلەلەرىن شەشۋگە تىرىساتىن كليەنتتەر دە كەزدەسەدى. سوندىقتان قارىز الۋشىنىڭ كەلتىرگەن دايەكتەرىنىڭ راس-وتىرىگىن تەكسەرىپ انىقتايمىز.

سونىمەن قاتار، مۇنداي ماسەلەلەر تەك تابيعي اپات جاعدايلارىندا عانا قاراستىرىلىپ قويمايدى. ەگەر ادامنىڭ ماسەلەسى شىن مانىندە سالماقتى بولسا، ءبىزدىڭ كرەديت كوميتەتىمىز جاعدايىن ءتۇسىنىپ، وڭتايلى شەشىم قابىلداۋعا دايىن.

وتباسىنىڭ ۇلعايۋى

سونداي-اق، جوسپارلارىمىزدى قايتا قاراستىراتىن قۋانىشتى جاعدايلار دا بار. مىسالى، بالانىڭ تۋۋى سياقتى جاۋاپتى قادام. جاس اتا-انالاردا شىعىندىرىن جوسپارلاپ الۋ ءۇشىن توعىز ايى بار. ەگەر بانك كليەنتتەرى بالانىڭ تۋىلۋىنا قاتىستى قارىزدى وتەۋ شارتتارىن وزگەرتكىلەرى كەلىپ (قايتا قارجىلاندىرۋ)، قارجى ينستيتۋتىنا الدىن-الا حابارلاسا، ارينە، ءبىز ولاردىڭ وتىنىشتەرىن قاراپ شىعامىز، ءبىراق بۇل كوپ جاعدايدا كليەنتكە ەڭ قاجەتتىسى ەمەس. ادامدار ءبىر وقيعانىڭ سالدارىنان، مىسالى، ءورتتىڭ سەبەبىنەن ۇيىنەن، جول اپاتى سەبەبىنەن وتباسى اسىراۋشىسىنان ايىرىلىپ نەمەسە قاراقشىلىقتىڭ  قۇربانى بولۋى مۇمكىن. ەندى بۇل جاعدايدا «قايىرعا وتىرىپ قالماۋ ءۇشىن» شىن مانىندە الداعى قارجىلىق شىعىنداردى رەتتەۋ قاجەت.

قارجىلىق جوسپارلاۋ بويىنشا كەڭەستەر

 

1. قاجەتتىلىك نەمەسە ناز؟

كرەديت الماي تۇرىپ جاقسىلاپ ويلانىڭىز: قارىزعا الىناتىن اقشا سىزگە قانشالىقتى قاجەت؟ ولار كەيىننەن قيىن ماسەلە تۋدىرمايدى ما؟

2. تابىسىڭىزدى سارالاڭىز

بانكتەن قارىز اقشا العاندا نەمەسە ودان الدىن ءوزىڭىزدىڭ قارجى جاعدايىڭىزدى جوبالاپ ەسەپتەۋىڭىز كەرەك. تەك كەپىلدىگى بار شىنايى تابىستى نەگىزگە الۋ قاجەت. وكىنىشكە وراي، بۇل بارلىعىندا بار ەمەس. بىرەۋ جالدامالى مەنەدجەر بولىپ، ماۋسىمدىق جۇمىس ىستەۋى مۇمكىن، ال بىرەۋ بونۋستىق تولەمدەرگە تاۋەلدى نەمەسە باستاپقى كەزەڭدەردە ءوزىن-وزى دەرەۋ اقتامايتىن كاسىپكەرلىكپەن اينالىسا باستاعان بولۋى مۇمكىن.  كەپىلدەندىرىلگەن تابىس بولماعان جاعدايدا كرەديت جۇگىن كوتەرە الىپ نەمەسە المايتىندىعىڭىزدى جاقسىلاپ ويلانىڭىز. 

3. قارجىلاي «backup»-ڭىز بولسىن

ءاردايىم قولىڭىزدا بانككە اي سايىن تولەيتىن مولشەردەگى بولەك قارجىڭىز بولسىن. ومىردە ءتۇرلى جاعدايلار بولۋى مۇمكىن. مىسالى ادام جۇمىسىنان ايىرىلىپ قالىپ جانە بانك الدىندا مىندەتتەمەلەرى بولسا، شاعىن جيناقتالعان قارجىنىڭ دا ۇلكەن پايداسى بار.

4. كۇتپەگەن جاعداي ورىن السا نە ىستەۋ كەرەك؟

— كەڭەس الۋ ءۇشىن بانككە حابارلاسىڭىز.

— تولەمدەردىڭ قۇرىلىمىن قايتا قاراۋ ءۇشىن (نەمەسە تولەماقى ءوسىمىن، ايىپپۇلدى ەسەپتەن شىعارۋ ءۇشىن) ءوتىنىش بەرىڭىز.

— ۋاقىتشا تولەم جاساي المايتىن ءۋاجدى سەبەبىڭىزدى كورسەتىڭىز (اۋىرىپ قالۋ، جۇمىسسىز قالۋ، تابيعي اپات، بالانىڭ تۋىلۋى جانە ت.ب.).

— قارىزدى العاشقى مۇمكىندىك تۋا سالا وتەيتىندىگىڭىزدى بانك قىزمەتكەرىنە جەتكىزىڭىز.

— ءسىزدىڭ قارجىلىق جاعدايىڭىزداعى وزگەرىستەردى راستايتىن بارلىق قۇجاتتاردى تاپسىرىڭىز.

---