InfoHub Logo

مەكتەپ اماناتى سانالعان تۇلەك ءۇشىن سوعىلعان سوڭعى قوڭىراۋ ماڭىزى بيىك تاراۋدىڭ اياقتالىپ، مۇلدەم بەيتانىس، ەرەسەك ومىرگە دەگەن ۇزىن ەتەك جولدىڭ باستاۋى. بۇل ءسات قۋانىش پەن تولقۋدان باستالىپ، ساعىنىش پەن قيماستىققا دەيىنگى ارالاس سەزىمدەرگە تولى. ويتكەنى، ءبىر جاز ىشىندە تۇلەك الدىنا مۇمكىندىكتەر مەن قيىندىقتارعا تولى ەرەسەكتەر الەمىنە جەتەلەيتىن ەسىك اشىلادى.

تۇلەك ءۇشىن سوڭعى قوڭىراۋ سىنىپتاس، ءمۇعالىم مەن ەستەلىككە تولى مەكتەپ تابالدىرىعىمەن قۋانىشتى قوشتاسۋ ۋاقىتىنا اينالادى. بۇل كەز كەلگەن وقۋشى ءۇشىن ۋاقىتتىڭ زۋلاپ، مەكتەپ اياسىنداعى قيىندىق پەن قۋانىشتىڭ قانشالىقتى تەز وتكەندىگى جانە ءالى دە شىعار بيىكتىڭ كوپ ەكەندىگى جايلى ويلاناتىن ۋاقىت.

ءومىردىڭ جاڭا باستاماسىنا دەگەن دايىندىق اۋەلدەن سوڭعى قوڭىراۋ سىڭعىرىنا دەيىن باستالادى. كوپتەگەن تۇلەك ەمتيحاندى ءساتتى تاپسىرىپ، قالاعان وقۋ ورنىنا ءتۇسۋ ءۇشىن، ساناۋى جوق ۇيقىسىز تۇندەر مەن تولقۋعا تولى ساتتەردى باستان كەشىرەدى. بولاشاق ماماندىعىن تاڭداپ، ءبىلىم الۋ مەن مانساپتىق مۇمكىندىكتەردى زەرتتەيدى. كوبى ءۇشىن بۇل ۋاقىت سترەسس پەن بەلگىسىزدىككە تولى، ءبىراق ءۇمىت پەن بولاشاققا جەتەلەيتىن جول.

سونىمەن قاتار، مەكتەپ ءبىتىرۋ دە جاڭا ەسىكتىڭ اشىلىپ، “ءومىر” اتتى ساپاردىڭ باستالۋىن بىلدىرەدى. تۇلەك ءۇشىن بۇل بولاشاعىن بايانداۋ، ماماندىق تاڭداۋ، وقۋ ورنىنا ءتۇسۋ نەمەسە تاۋەلسىز ءومىردى باستاۋ ۋاقىتى.  ءاربىرىنىڭ الدىندا جاڭا مۇمكىندىكتەر اشىلىپ، زەرتتەلمەگەن ومىرگە تولى ەرەسەك ءسات تابالدىرىعى كورىنەدى.

سوندىقتان سوڭعى قوڭىراۋ – مەكتەپپەن قوشتاسۋ ۋاقىتى عانا ەمەس، ءمۇعالىم، دوس پەن اتا-اناعا بالا ومىردەگى كورسەتكەن قولداۋ مەن كومەكتەرى ءۇشىن العىس ايتۋ كۇنى. وسىلايشا، سوڭعى قوڭىراۋ بالا تاراۋدىڭ اياقتالىپ، ەرەسەك ءومىر تارماعىن قيىستىرار جولعا اينالادى. مەكتەپ ەسىگى تۇلەككە ماڭگىلىك جابىلعانىمەن، ولاردىڭ الدىندا جاڭا باستاۋ مەن مۇمكىندىكتەرگە اپاراتىن جاڭا ەسىكتەر اشىلادى. “سوڭعى قوڭىراۋ – سوڭى ەمەس، ول جاڭا باستامانىڭ باستالۋى”.

باقىت نۇراي

---