سولاقايلار تۋرالى نە بىلەمىز؟
سولاقايلار — سول قولمەن بارلىق ارەكەتتى، جۇمىستى ورىندايتىن ادامدار توبى. الەمدە سولاقايلار 10%-ى قۇرايدى. بۇل تۋا بىتكەن قابىلەت. ۇرپاقتان-ۇرپاققا دا بەرىلەتىن قاسيەتى بار. سول قولمەن جازاتىن ەرەكشە قارىم يەلەرىنىڭ ەرەكشەلىكتەرى قانداي؟
سول قولمەن جازاتىن، سىزاتىن ادامداردىڭ وڭ جارتىشار ميى بەلسەندى جۇمىس جاسايدى. وڭ جارتىشار ميى ادامنىڭ كرەاتيۆتى ويلاۋىنا، شىعارماشىلىققا جاقىن بولۋعا، ونەرگە بەيىمدى بولۋىنا قاتىسادى. مىنە، سودان بولار سولاقايلار ەرەكشە دارىندى، ونەرگە جانى قۇمار، قيال-عاجايىپقا ەرىك بەرەتىنى. سونىمەن قاتار، ارحيتەكتۋرا، ماتەماتيكا سالالارىنا دا بەيىمدىكتەرى بايقالادى. اتاقتى ويشىل-عالىمدار، ونەر يەلەرى سولاقايلاردىڭ قاتارىنان شىققان. مىسالى ءۇشىن، قازاق حالقىنىڭ حالىق ءارتىسى، ديريجەر، سازگەر ن. تىلەندييەۆ، فيزيك-عالىم ي. نيۋتون، باتىر، قولباسشى ن. بوناپارت، پەتر I، ايگىلى باتىر ارۋ جاننا د'ارك جانە تاعى باسقالارى. سولاقايلاردىڭ وڭقايلاردان قاراعاندا فيزيولوگيالىق ەرەكشەلىكتەرى بولعانمەن، تۇرمىستىق ومىردە كەزدەسەتىن قيىندىقتارى بار. تەحنيكالىق، تۇرمىستىق بۇيىمدار وڭقايلارعا ارناپ شىعارىلعاندىقتان سولاقايلارعا بۇل ازداعان ىڭعايسىزدىق سەزدىرەدى. سولاقايلار بۇل ماسەلەدە دە، ەش ساسپاي تاباندىلىقتارىمەن شەشىمىن تابادى. پسيحولوگ بالابەك ساقتاعان بۇل ءسوزىمدى راستايدى: "سولاقاي ادامدار كەز- كەلگەن ورتاعا تەز بەيىمدەلگىش بولادى. سوندىقتان وڭقايلارعا ارنالىپ جاسالعان زاتتاردى تەز ۇيرەنىپ الادى. سولاقايلار كوزدەگەن ماقساتىنا جەتۋ ءۇشىن ەڭبەكتەن قاشپايدى." سولاقاي ما،وڭقاي ما الەمنىڭ مۇمكىندىكتەرى بارىنە تەڭ جانە بىردەي بەرىلەدى.
You Might Also Like
-
مەملەكەت باسشىسى قاسىم-جومارت كەمەل ۇلى توقايەۆتىڭ رەسپۋبليكالىق «ەگەمەن قازاقستان» گازەتىنە «ءبىز وزىق ويلى ۇلت رەتىندە تەك قانا العا قاراۋىمىز كەرەك» تاقىرىبىمەن بەرىلگەن سۇح...
-
ەڭ العاش قازاق ورىسقا قاراپ، دۋان اۋزى اشىلعاندا شوڭ بي اعا سۇلتان دۋانباسى بولعان. شوڭ بي ولگەن سوڭ شورمان اعا سۇلتان دۋانباسى بولىپ سايلانىپ شىعىسىمەن ۇيىنە بارىپ ولگەن. ەرەيمەن تاۋىنىڭ سىرتىندا ...
