سقو-دا ساۋالناماعا قاتىسقان جوو ستۋدەنتتەرىنىڭ 24% پارا بەرگەندەرىن ايتقان
سقو-دا الەۋمەتتىك زەرتتەۋ كەزىندە جەرگىلىكتى جوعارى وقۋ ورنى ستۋدەنتتەرىنىڭ 24% وقىتۋشىلارعا پارا بەرگەندىكتەرىن ايتتى.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سقو بويىنشا دەپارتامەنتى م.قوزىبايەۆ اتىنداعى سقمۋ وقىتۋشىلارى مەن ستۋدەنتتەرى اراسىندا جاسىرىن ساۋالناما ادىسىمەن الەۋمەتتىك زەرتتەۋ جۇرگىزدى. «پارا الدىڭىز با، بەردىڭىز بە» دەگەن ساۋالعا ۇستازداردىڭ 78% «جوق» دەپ جاۋاپ بەرسە، قالعاندارى - 22% ء-ى جاۋاپ بەرۋدەن باس تارتقان.
«وكىنىشكە وراي ستۋدەنتتەردىڭ جاۋابى كوڭىل كونشىتپەيدى. ساۋالناماعا قاتىسقانداردىڭ 24%ء-ى نەمەسە 41 ستۋدەنت پارا بەرگەنىن جازعان. ءبىز، ارينە، «ءبىلىم بەرۋ سالاسىندا سىبايلاس جەمقورلىق جوق» دەپ سەنىممەن ايتا المايمىز. سول سەبەپتى بۇل باعىتتاعى جۇمىستاردى جانداندىراتىن بولامىز»، - دەدى دەپارتامەنت ديرەكتورى ەلەنا ستەپانەنكو بريفينگتە.
ساۋالناماعا قاتىسقانداردىڭ پىكىرىنشە، سىبايلاس جەمقورلىق - ءبىلىم بەرۋ، دەنساۋلىق ساقتاۋ جانە قۇقىق قورعاۋ سالالارىندا كەڭ ەتەك العان. رەسپوندەنتتەرگە، سونداي-اق «وقىتۋشىلارعا پارا الۋعا، ال ستۋدەنتتەرگە پارا بەرۋگە نە سەبەپ» دەگەن دە سۇراق قويىلعان. ناتيجەسىندە ستۋدەنتتەردىڭ ءپاندى وقىعىسى كەلمەگەندىكتەن «بارماق باستى، كوز قىستى» ارەكەتكە باراتىندىعى انىقتالدى.
ساۋالنامانىڭ قورىتىندىسى رەسپۋبليكالىق «ادالدىق الاڭى» جوبالىق كەڭسەسىنە جىبەرىلدى.
You Might Also Like
-
«ەلىم، جەرىم،اتامەكەنىم» دەپ جىرلاعان قازاقتار نە كورمەدى؟ ءبارىن كوردى. سوناۋ قازاق حاندىعىنان كەيىن قازاقتاردىڭ باسىنان قايعى-قاسىرەت كەتپەدى. كوپتەگەن قيىنشىلىقتار كوردى. 1. اقتابان ش...
-
التى جاسار بايان كوڭىلسىز قالپى جازىقتان كوز ايىرار ەمەس. كوكتەم دە وتە شىقتى. جايناعان مامىر ايى اياقتالۋعا جاقىن. اۋىلدىڭ ىرگەسىندەگى جاسىل كىلەمدەي قۇلپىرىپ جاتقان كەڭ جازىقتىڭ بوياۋى سولىپ، رەڭى ق...
