سترەسس جانە داعدارىس. سترەسس نەدەن تۋىندايدى؟
سترەسس - قاتتى كۇيزەلۋ، ابىرجۋ، اعزانىڭ قيىن جاعدايلارعا قايتاراتىن جاۋابى. سترەسس جالعىزدىق پەن وقشاۋلىق، ۋايىم-قايعى، جاقىنىڭنان ايىرىلۋ سەكىلدى سەبەپتەردەن تۋىندايدى.
دەنەنىڭ سترەسسكە قايتاراتىن جاۋاپتارى الۋان ءتۇرلى بولادى. ولاردىڭ فيزيكالىق بەلگىلەرىن قاراستىرايىق.
ەڭ ءجيى كەزدەسەتىن بەلگىلەر:باستىڭ اۋىرۋى، ءىشتىڭ اۋىرۋى، يىق پەن ارقاداعى اۋىرلىق سەزىمى، جۇرەكتىڭ قاتتى سوعۋى، كىشى دارەتكە ءجيى بارۋدى قاجەتسىنۋ، تابەتتىڭ جوعالۋى نەمەسە ارتىق تاماقتانۋ، ۇيقىنىڭ بۇزىلۋى.
ەگەر سىزدە بۇل بەلگىلەر ءجيى قايتالانسا ارنايى ماماندارعا جۇگىنۋگە بولادى.
جانە دە سترەسستەن تولىق قاشىپ قۇتىلۋعا بولمايدى، ونىڭ پايداسى دا شامالى. ادام اعزاسىنا بەلگىلى ءبىر سترەسس مولشەرى قاجەت. ول ادامدى قيىن جاعدايلارعا توتەپ بەرۋگە بەيىمدەپ، ءوز-وزىڭدى دايىنداۋعا كومەكتەسەدى.
داعدارىس-كەنەتتەن، مۇلدەم كۇتپەگەن جەردەن تىعىرىققا تىرەيتىن جاعدايلار مەن وقيعالارعا جاۋاپ قايتارۋ.
داعدارىس كوبىنە وتكىنشى بولادى. ياعني ءبىر قيىن جاعدايلاردىڭ سالدارىنان كۇيزەلىسكە ءتۇسۋ.
داعدارىس قاۋىپ-قاتەر دە تۋدىرۋى مۇمكىن. ول سىرتقى كەلبەتكە نەمەسە اعزانىڭ وزگەرىستەرىنە دە اكەلىپ سوعادى. داعدارىستىڭ سوڭى سترەسسكە اكەلىپ سوعادى، ال كەيدە ءتىپتى جانىڭدى اۋىرتادى.
سترەسس پەن داعدارىستى قالاي جەڭۋگە بولادى؟
سترەسس پەن داعدارىستى ۇنەمى دەرلىك جەڭۋگە بولادى ءارى ول مىندەتتى تۇردە بىتەدى. ونى جەڭۋ ءۇشىن ادام ءوزىن جەكە تۇلعا رەتىندە قابىلداۋى قاجەت. داعدارىس كەزىندە دوستار مەن وتباسى مۇشەلەرىنىڭ قولداۋى وتە ماڭىزدى. سول سەبەپتى ءوز ىشىڭدە بولىپ جاتقان سەزىمدەر مەن جاعدايلاردى ىشكە تۇنشىقتىرماي، جاقىندارىڭا ايتىپ، ءبولىسۋ قاجەت. كەيدە ماماننىڭ كومەگى قاجەت بولادى وسىنداي ساتتەر دە نەمەسە ءبىر قيىن جاعداي تۋىنداسا، كەڭەس، كومەك قاجەت بولسا، جاستار دەنساۋلىق ورتالىعىنا قوڭىراۋ شالىپ، كەڭەس الۋعا بولادى. قوڭىراۋ شالۋ تەگىن.
8-800-080-22-26
پايدالانىلعان ادەبيەتتەر:اتا-انالار مەن جاستارعا ارنالعان قوسىمشا اقپارات www zhastar.org سايتى اتا-انالارعا اقپاراتتىق قولداۋ كورسەتۋ www. teenslive.kz سايتى
kk.m.wikipedia.org سايتى
بايانبايەۆا سامال
You Might Also Like
-
«قىزمەت ەتكەن ادامعا باسقالار دا قىزمەت ەتەدى» حاديس ءشاريفىنىڭ كورسەتىپ تۇرعانى، كىمدە-كىمنىڭ ادامدارعا قىزمەتى، جاقسىلىعى وتكەن بولسا، مىندەتتى تۇردە باسقالاردىڭ دا وعان قىزمەتى، جاقسى...
-
مەن العاش ءمىرجاقىپ دۋلات ۇلىنىڭ “ويان قازاق”كىتابىن قولىما العانىمدا “نەگە بۇل كىتاپ ويان قازاق دەپ اتالدى؟”،- دەگەن سۇراق ويىما ساپ ەتە قالدى. القاشقىسىندا بۇل كىتاپتىڭ ءمان-ما...
