ستۋدەنتتەر بىرنەشە ماماندىقتىڭ پاندەرىن وقۋعا مۇمكىندىك الادى
قازاقستاندا جوعارى وقۋ ورىندارىنىڭ ستۋدەنتتەرى وقىتۋ باعدارلاماسىنىڭ باعىتىن ءوزى تاڭداۋعا مۇمكىندىك الادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
ءمينيستردىڭ ايتۋىنشا، ستۋدەنتتەر ءوزىنىڭ نەگىزگى ماماندىعىنان بولەك، وزگە ماماندىقتاردىڭ پاندەرىن دە وقۋ باعدارلاماسىنا قوسا الادى.
«ەندى ستۋدەنتتەرگە وقىتۋدىڭ جەكە باعىتىن وزدەرى قۇرۋعا قۇقىق بەرىلەدى، ول ەكى باعىت بويىنشا جۇرەدى: پاندەردى تەرەڭ يگەرۋ جانە قوسىمشا يگەرۋ. قوسىمشا يگەرۋ دەگەن، مىسالى، فيزيك-ستۋدەنتتەر بىلىمدەرىن زاڭ عىلىمدارىمەن، ەكونوميستەر - قۇقىق پەن ماركەتينگ نەگىزدەرىن دە وقي الادى»، - دەيدى ە. ساعادييەۆ.
وسىلايشا، ءبىلىم بەرۋ جۇيەسىنە ءپانارالىق وقىتۋ ەنگىزىلمەك. ءقازىر بۇل ءادىس پەداگوگيكالىق ماماندىقتاردا جۇمىس ىستەپ جاتىر. وندا پەداگوگيكامەن قاتار، فيزيكا مەن ماتەماتيكانى، فيزيكا مەن حيميانى وقۋعا بولادى.
مەملەكەت تەك نەگىزگى بولىگىن - تەرەڭ يگەرۋدى قارجىلاندىراتىن بولادى.
ەگەر ستۋدەنت 18 كرەديت العان بولسا، ءبىز سول 18 كرەديتتى عانا قارجىلاندىرامىز، ال ونىڭ ىشىندە ستۋدەنتتىڭ تاڭداۋ جاساۋ قۇقىعى بار. ءبىراق تەك تەرەڭ يگەرۋ عانا قارجىلاندىرىلادى»، - دەپ اتاپ ءوتتى مينيستر.
You Might Also Like
-
تالعار اۋدانى، پانفيلوۆ اۋىلى №33 ورتا مەكتەپتىڭ 11 سىنىپ وقۋشىسى ءجۇمادىلحان قىزى قىمبات
-
كەپلەر زاڭدارى XX عاسىرداعى عىلىمي ويدىڭ ۇلى جەڭىسى — كۆانتتىق تەوريانى قالىپتاستىرۋدا قىزعان دەنەنىڭ ساۋلە شىعارۋىن ەكسپەريمەنتتىك زەرتتەۋ ۇلكەن ءرول اتكاردى. جوعارى ...
