تالدىقورعاندا زاڭسىز اقشا جيناعان تاربيەشى جۇمىستان قۋىلدى
«تالدىقورعان قالاسىنىڭ مەكتەپتەرى مەن بالاباقشالارىندا اتا-انالاردان اقشا جيناۋعا قاتاڭ تىيىم سالىنادى! ەگەر، مۇنداي جاعداي انىقتالسا، ءمۇعالىم، تاربيەشى سول مەزەتتە جۇمىستان شىعارىلادى. ال مەكتەپ پەن بالاباقشا باسشىلارى قاتاڭ جاۋاپقا تارتىلادى». تالدىقورعان قالاسىنىڭ مەكتەپ ديرەكتورلارى مەن بالاباقشا مەڭگەرۋشىلەرىنە ارنايى جيىن وتكىزگەن قالا اكىمىنىڭ ورىنباسارى مارلەن كولبايەۆ وسىلاي دەدى.
«سوڭعى كەزدە الەۋمەتتىك جەلىلەردە قالا مەكتەپتەرى مەن بالاباقشالارىندا ءار نارسەنى سىلتاۋراتىپ اقشا جيناۋ تۋرالى اقپاراتتار شىعىپ جاتىر. ءبىرى «التىن كۇز»، ءبىرى ەرتەڭگىلىكتەردى العا تارتسا، ەندى ءبىرى اتا-انالار وقۋلىقتار مەن وقۋ-داپتەرلەرىن ساتىپ الىپ كەلۋى كەرەك دەپ تالاپ ەتكەن. بۇل - قاتە ۇعىم. مەملەكەتتىك مەكەمەلەردە بالالاردى وقۋلىقتارمەن قامتۋ ءۇشىن قاجەتىنشە قاراجات قاراستىرىلعان. ال وقۋ-داپتەرلەرىن الۋ-الماۋ اتا-انانىڭ ءوز ەركىندە. ءبىراق، ونى تالاپ ەتۋ - جەمقورلىققا جەتەلەيدى»، - دەيدى م.كولبايەۆ.
اتا-انادان 18 وقۋ-داپتەرىن ساتىپ اكەلۋدى تالاپ ەتكەنى دالەلدەنگەن تالدىقورعانداعى № 42 بالاباقشانىڭ تاربيەشىسى قالا اكىمىنىڭ ورىنباسارى م.كولبايەۆتىڭ جينالىسىنان كەيىن، قالالىق ءبىلىم ءبولىمىنىڭ بۇيىرىعىمەن جۇمىستان شىعارىلدى. ال بالاباقشا مەڭگەرۋشىسىنە سوگىس جاريالاندى.
You Might Also Like
-
بۇل داپتەر اۋەلدە وقىلعان كىتاپقا پىكىر جازىپ وتىرۋ ءۇشىن ارنالعان ەدى. بۇل - مەكتەپتى ەندى بىتىرگەن جىلى بولاتىن. "كىتاپ وقىلعاننان كەيىن تۋعان ويلار" دەپ ات قويىلىپ، كەيىن جالعاسپاي ق...
-
سولتۇستىك كورەيادا ءبىلىم بەرۋ قالاي ۇيىمداستىرىلعان. الەمنىڭ ەڭ جابىق مەملەكەتىنىڭ وقۋشىلارى قالاي ءومىر سۇرەدى...
