InfoHub Logo

تالىمگەر: جۋسۋپوۆا تىنىمكۇل قىزىلوردا وبلىسى تالىمگەرلىك كەزدەسۋگە رەفلەكسيۆتى ەسەپ. بيىلعى وقۋ جىلى مەن ءۇشىن جاڭالىققا تولى بولدى، سەبەبى مەن وسى مەزگىلدە ەكىنشى دەڭگەي باعدارلاماسىنىڭ ءبىرىنشى "بەتپە- بەت" كەزەڭىندە تەوريالىق ءبىلىم الىپ، ەكىنشى كەزەڭىندە جۇمىس جاسايتىن مەكتەپتە ءىس- تاجىريبەلىك ارەكەتىمدى باستادىم.ءبىر ارىپتەسىمنىڭ بويىنداعى تاجىريبەگە وزگەرىس ەنگىزۋ ماقساتىندا تالىمگەر رەتىندەگى جۇمىسىمدى جۇزەگە اسىرامىن ارىپتەسىم گۇلميرا بايدۋللاقىزىن ءتالىم الۋشى رەتىندە تاڭداگان سەبەبىم، مەنىڭ ءىس تاجىريبەنى تالقىلاۋ سەمينارىما، كوۋچينگ ساباعىما قاتىسىپ، قىزىعۋشىلىق تانىتىپ ءوز قاجەتتىلىگىمە كومەك بولادى دەپ ءوزى «ءوتىنىش»ءبىلدىردى. دەگەنمەن دە، مەكتەپ اكىمشىلىگىمەن، باستاۋىش سىنىپ ءادىس بىرلەستىگى جەتەكشىسىمەن بىرگە ءوتىنىشتى قايتا تالقىلادىق. ءوتىنىشىن قابىل الىپ، ءتالىم الۋشى رەتىندە جۇمىس جاساۋىنا كەلىستىم. گۇلميرا بايدۋللا قىزى ەڭبەك ءوتىلى 21 جىل، بىلىكتىلىك ساناتى - 1، ءبىلىمدى، تياناقتى، تاجىريبەسى مول، جاۋاپكەرشىلىگى بار ءمۇعالىم. جاڭالىققا جانى قۇمار الەم وزگەرۋدە، ءمۇعالىم وزگەرۋ كەرەك دەگەن ماقساتقا تۇسىنىستىكپەن قاراپ، ءتالىم الۋشى بولۋعا قىزىعۋشىلىعى جوعارى بولدى. ءتالىم الۋشىمەن جۇمىس جاساۋ ءۇشىن دەرەكتەر جيناۋ ماقساتىندا ءداستۇرلى ساباعىنا قاتىستىم. وقۋشىلاردىڭ ىس-ارەكەتىن، ءمۇعالىمنىڭ شەبەرلىك قىرلارىن، وقىتۋ ءادىسىن، بالامەن اراسىنداعى ىس-ارەكەتىن اناقتاۋ ماقساتىندا ساباق بارىسىن فوتوسۋرەتكە جانە بەينەجازباعا ءتۇسىرىپ الدىم. ساباق الدىندا بالالاردىڭ اتا-اناسىنان رۇقسات الدىم. 2 "ا" سىنىبىندا ءداستۇرلى ساباعىن انا ءتىلى ءپانى بويىنشا وتكىزدى. ساباقتى ۇيىمداستىرىپ، ءۇي تاپسىرماسىن سۇراۋدان باستادى. بالالار سۇراققا جاۋاپ بەردى. ساباقتا وقۋشىلاردىڭ ءمۇعالىمدى تىنىش وتىرىپ تىڭداپ، ارتىق قوزعالىس جاساماي وتىرعانىن بايقادىم. ساباقتاعى ءار تاپسىرما نەگىزىندە جاۋاپ بەرگەن وقۋشىلارعا باعا قويىپ وتىردى. ساباقتان كەيىن ءتالىم الۋشىمەن بىرگە بەينەجازبا ماتەريالىنا قاراپ ساباقتى تالقىلادىق. تالقىلاۋ بارىسىندا "تالىمگەرلىك تۇزەتۋ قاعيداتىنا ەمەس دامۋ قاعيداتىنا نەگىزدەلگەن" (Oxley، 2003) دەگەندى باستى ۇستانىمىم ەتىپ الدىم. ساباعىڭىزدى كورسەتكەنىڭىزگە راحمەت ايتا وتىرىپ "ساباق ماقساتىنا جەتتى مە؟" دەپ سۇرادىم. "ساباق ماقساتىنا جەتتى" - سەبەبى تاقىرىپ اشىلدى، بالا تولىق مەڭگەردى. ءبىراق، ءالى دە ورىندالار ىس-ارەكەتتەر بار ەدى ۋاقىت ازداۋ بولىپ ۇلگىرە المادىم، بالالار كەيبىرى جايسىزداۋ ىس-ارەكەتتەر جاسادى، جاۋاپ بەرەر كەزدە تۇرىپ قالۋ، بەينە تاسپاعا قاراپ وتىرۋ دەگەندەي. بۇل توڭىرەگىندە بالالارعا تاعى دا تۇسىنىكتەمە بەرۋ كەرەك ەكەن دەپ شەشتىم. ارينە، بۇل كىشى جاستاعى بالالارعا ءتان ءجاي ەكەنى بەلگىلى. مەن دە كەيبىر بالالاردىڭ تولىقتاي قاتىسپاي وتىرعانىن بايقاعام، ءوز ويىمەن وتىرعان بالالار بولدى، ءتۇسىرىلىم اسەرى بولار. مۇمكىن ولدا سەبەپ بولعان شىعار، دەگەنمەن بالالار ساباققا تولىقتاي قاتىسپادى. وزگە دە سەبەپ بار ما؟ دەپ سۇرادىم.سونىمەن بىرگە، بۇل ساباقتا وقۋشىلاردىڭ بەلسەندىلىگى تومەن بولدى. سەبەبىن سىنىپتاعى وقۋشى سانىنىڭ كوپتىگىنەن بە ؟دەپ ويلادىم. وسى تۇستا ءتالىم الۋشىما ءوز ۇسىنىسىمدى بىلدىرە وتىرىپ، ەكىنشى دەڭگەي باعدارلاماسىنىڭ پەداگوگ قىزمەتكەرلەرى ءۇشىن بەلگىلەنگەن ماقساتىن، ءبىلىم بەرۋ سالاسىنداعى وزگەرىستەر مەن كاسىبي قۇزىرەتتىلىگى تەرەڭ ءمۇعالىم دايارلاۋ ەكەندىگىن ءتۇسىندىردىم. وقىتۋدىڭ جاڭا ءادىس-تاسىلى بويىنشا كەلەسى ساباق ءۇردىسىن توپتىق جۇمىس نەگىزىندە ۇيىمداستىرۋ قاجەتتىگىن ۇسىندىم. وندا ءار ساباقتى تۇرلەندىرۋ ارقىلى بالاعا ەركىندىك بەرۋ، توپپەن جۇمىس بۇل بىرلەسكەن وقۋ، ال بىرلەسكەن وقۋدىڭ ءمانى – ىنتىماقتاستىق وقۋ. ىنتىماقتاسقان وقۋدىڭ اقپاراتتى يگەرەتىن، وزدەرى يگەرگەن مالىمەتتى بايلانىستىراتىن بەلسەندى ۇدەرىس ەكەنىن، بۇل وقۋ تاسىلىندە ساباقتىڭ 90%-ن وقۋشى ءوزى الىپ شىعۋى كەرەكتىگىن ايتىم ءتۇسىندىردىم. بالا ءوز ويىن اشىق ايتادى، ءبىرىن ءبىرى وقىتادى، ۇيرەتەدى، سويلەيدى، باعالايدى. ءمۇعالىم تەك باعىت باعدار بەرۋ ارقىلى تاپسىرمانىڭ ورىندالۋىن قاداعالايدى،سىني كوزقاراس بالادا قالىپتاسادى. توپتاعى ەرەكشە دارىندى، تالانتتى بالالالاردى بايقاپ، ولاردى كوشباسشىلىققا تاربيەلەي الامىز دەپ ءتۇسىندىردىم. مەن ءتالىم الۋشىما قازىرگى تاڭدا پروبلەما اقپاراتتىڭ كوپتىگى، سوندىقتان ءبىزدى "XXI عاسىردا نەنى وقىتۋ كەرەك؟" جانە "مۇعالىمدەر وقۋشىلاردى XXءى عاسىرعا قالاي دايىندايدى؟" (مۇعالىمگە ارنالعان نۇسقاۋلىق 4-بەت) – دەگەن سۇراق ۇنەمى ويلاندىرۋ كەرەكتىگىن باسىمىراق ايتتىم. اڭگىمەلەۋ كەزىندە ارىپتەسىمنىڭ توپتىق جۇمىستى ۇنەمى بولماسا دا قولدانىپ جۇرگەنىن بايقادىم، وزگەرىسكە دايىن ەكەنىن كورىپ ريزا بولىپ قالدىم. مەن وعان ءوزىمنىڭ تىزبەكتەلگەن ساباقتار توپتاماسىن كورسەتىپ، مەنىڭ ساباعىما قاتىسىپ، باقىلاۋىنا ۇسىنىس ءبىلدىردىم. مەنىڭ ءتورت ساباعىما قاتىسىپ بولعان سوڭ كەرى بايلانىس رەتىندە: ساباق بارىسى ۇنادى ما؟ نە وزگەشەلىك بار؟ ءسىزدىڭ ويىڭىزشا ساباق ماقساتىنا قالاي جەتتى؟ دەگەن سۇراقتار قويدىم. سول كەزدە :ءسىزدىڭ ساباقتى ۇيىمداستىرۋ بارىسىڭىز مۇلدە وزگەشە ەكەن، بالالار تاقىرىپتى وزدەرى اشىپ، وزدەرى تالداپ، وزدەرى تۇسىندىرەدى، ءوز ويلارىن ەركىن جەتكىزىپ، ساباق ماقساتىنا وزدەرى جەتتى. مەندە وسى ءادىس-تاسىلدى ءوز ساباعىما پايدالانا السام دەدى. وسى ويىن ىسكە اسىرۋ ماقساتىندا ءبىز ورتا مەرزىمدى جانە قىسقا مەرزىمدى ساباق جوسپارىن بىرلەسە جاسادىق. جوسپارلاۋ بارىسىندا وقۋشىلاردى ساباققا قىزىقتىرىپ، ىنتالاندىرۋ جولدارىن قاراستىرا وتىرىپ، ساباقتا پوستەرمەن جۇمىس جاساۋ، تالداۋ، قورعاۋ، ءوزارا توپپەن باعالاۋ، قول سوعۋ، جارايسىڭ دەگەن ءادىس – تاسىلدەرىن ۇسىندىم. كەلەسى باقىلاۋعا العان ساباعىمنىڭ تاقىرىبى ابايدىڭ "كۇز"تۋرالى ولەڭى. وقۋشىلاردىڭ پارتادا ورنالاسۋ ءتارتىبى وزگەردى. تاپسىرمالاردى بەرۋ ءادىسى ،وقۋشىلارمەن قارىم-قاتىناسى وزگەشە تۇردە ۇيىمداستىرىلدى. وقىتۋ ۇدەرىسىنە قولدانىلاتىن ادىس-تاسىلدەر جۇپتىق جۇمىس، توپتىق جۇمىس ، ءتۇيىن ءسوزدى انىقتاپ، كۇزگە قاتىستى جەرىن تاۋىپ وقۋ، كەرى بايلانىس، رەفلەكسيا، جاساۋ، قالىپتاستىرۋشى باعالاۋ تۇرلەرىن: ەكى جۇلدىز ءبىر تىلەك، قول شاپالاقتاۋ، ماقتاۋ، باعدارشام، رەسۋرستار مەن نەگىزگى دەرەك كوزدەرىن ناقتى شىنايى پايدالانعانىن بايقادىم.. بۇل ۇسىنىلعان ءادىس – تاسىلدەر بالالاردىڭ قىزىعۋشىلىعىن، بەلسەندىلىگىن ارتتىراتىنىن ءتۇسىنىپ، ساباعىنىڭ قاجەت جەرىندە پايدالانا ءبىلدى. ءداستۇرلى ساباقتا ءمۇعالىم ساباقتى ءوزى تۇسىندىرەتىن ەدى، ەندى وقۋشىلار ىزدەنىپ، ويلانىپ، سىني كوزقاراسپەن ويلانىپ تاقىرىپتى اشۋعا ارەكەت ەتتى. تاپسىرما ورىنداۋ بارىسىندا زەرتتەۋشىلىك قابىلەتتەرى قالىپتاسا وتىرىپ، قىزىعۋشىلىعى وياندى، ءار تاپسىرما ورىنداۋ بارىسىندا مەنىڭ نۇسقاۋىممەن ءتالىم الۋشىم توپقا ءبىرىن-بىرى باعالاتىپ، جەكە قورعاۋعا، تالقىلاۋعا، ءۇي تاپسىرماسىنا بەلسەندى قاتىسقان وقۋشىلاردى قول شاپالاقتاۋ، تىلەك جازۋ ارقىلى ناقتى باعالادى. ساباق سوڭىندا"بىلەمىن، ءبىلدىم، بىلگىم كەلەدى" نىسانى بويىنشا كەرى بايلانىس الىندى. وقۋشى پىكىرى بويىنشا ساباقتى قايتا جوسپارلاۋعا بولاتىنىن ايتا كەتتىم. ساباق بارىسىندا قويىلعان ماقساتتىڭ جۇزەگە اسقان ساتتەرىن سارالاپ كورسەك: ءۇي تاپسىرماسى مەن جاڭا ساباقتى بايلانىستىرىپ ءسوزجۇمباق شەشكىزۋ كەزىندە 5 بالا جاسىل تۇسكە، 4 بالا سارى تۇسكە، 1 بالا قىزىل تۇسكە كوتەرىپ باعالاندى.جاڭا ساباق ەكەنىنە قاراماي ماتىنمەن جۇمىس كەزىندە 3 توپ بارىنشا ىنتىماقتى،بىرلەسكەن جۇمىس جاسادى. توپ ءبىرىن- ءبىرى باعالاپ :I توپ -4، II توپ- 5، III توپ -5 دەگەن ۇپاي الدى. ءار توپت ۇپاي سانىمەن جانە ءمۇعالىم ماداقتاۋىمەن باعالاندى. ءى – 4 ءىى – 4 ءىىى – 4 ساباق ناتيجەسىندە بالالار كۇز مەزگىلىنىڭ سيپاتىن، ايىرماشىلىعىن ايتىپ بەردى. ساباقتىڭ ءساتسىز تۇسى 3 توپتا 7 بالادان بولۋى وقۋشىلاردىڭ ارەكەتسىز وتىرىپ زەرىگۋىن بايقاتتى ءبىر- بىرىنە كەدەرگى جاسادى. بۇل كەلەڭسىز جاعدايلارعا بايلانىستى كەلەسى ساباقتى جوسپارلاعاندا توپ مۇشەلەرىن ازايتىپ بولۋگە ۇسىنىس ءبىلدىردىم. ساباقتىڭ ءساتتى تۇسى ءماتىندى وزدەرى وقىپ وزدەرى ءتۇسىندىرىپ بەردى، اقىلداسىپ، ويلاسىپ، ءبىر- بىرىنە سۇراق قويىپ، جاۋاپتارىن وزدەرى تاپتى. ءمۇعالىمنىڭ ىس-ارەكەتىندەگى جەتىستىگى بالالارعا شىعارماشىلىق تاپسىرما بەرۋى، كۇز مەزگىلىن سيپاتتاۋ كەزىندە بالالاردى سىني تۇرعىدان ويلاپ جاۋاپ بەرۋىنە مۇمكىندىك جاسادى. كۇزگى تابيعات قۇبىلىسىنا بايلانىستى:كۇز بولدى،اۋا رايى وزگەردى، كۇن بۇلتتانىپ، جاڭبىر جاۋدى، (تىرس-تىرس، ساۋساقپەن الاقاندى ءجاي عانا ۇرادى )،جاڭبىر سوڭى نوسەرگە اينالدى(الاقاندى سوعۋ) سەرگىتۋ وتە اسەرلى شىقتى. سول سەرگىتۋدەن سوڭ ءتۇرلى- ءتۇستى سارى، سارعىش، قىزعىلت جاپىراقتارمەن توپقا بولۋىنە ۇسىنىس جاسادىم. ەكىنشى ايتارىم، باعالاۋدىڭ تۇرلەرىن ءوزىن – ءوزى باعالاۋ، كريتەريي ارقىلى باعالاۋ ساباق بارىسىندا ورىندالسا، ساباق سوڭىندا ۇپاي سانى ەسەپتەلىپ، ءار توپ باعالاناتىن بولسىن دەپ ۇسىنىس ءبىلدىردىم . ءفورماتيۆتى باعالاۋدى كوپ قولدانسا بالا باعا ءۇشىن ەمەس باعالانۋ ءۇشىن ىنتالاناتىنى، ءسويتىپ وقۋ ساپاسىن ارتتىرۋعا بولاتىندىعىن ايتىپ ءوتتىم. ساباق ۇدەرىسىندە ءماتىندى تالداۋ، ءتۇسىندىرۋ كەزىندە پوستەر قۇراتتى، ءارى سىني تۇرعىدان ويلاۋعا باعىتتاپ وقۋشىلاردى ويلاندىرا ءبىلدى. بالالار الدىڭعى ساباقتاعىداي ەمەس ۇيرەنىپ قالعانى بايقالدى، وزدەرى سۋرەت سالىپ، وزدەرى تاقتاعا ءىلىپ ءبىر وقۋشىدان قورعاپ شىقتى. ءتالىم الۋشىم دا باعالاۋ تۇرلەرىن مەڭگەرگەندىگىن بايقاتىپ ساعات تىلىمەن ءبىر توپ كەلەسىسىن، ول كەلەسىسىن باعالاپ پوستەرگە ىلۋگە تاپسىرما بەردى. ءار توپقا ءماتىندى ءبولىپ بەردى. وزدەرىنە ءبولىپ بەرىلگەن ءماتىن بولىگىن بەلگىلەنگەن ۋاقىتتا وقىپ شىعىپ، توپ ىشىندە بىر-بىرىنە ءتۇسىندىردى، توپتا تالقىلادى، پوستەر قورعادى. توپپەن وقىپ مازمۇنداۋ ءادىسىن كريتەريي ارقىلى توپ وزدەرى ۇپاي سانىن بەردى، تاقتاعا جازىلدى. كۇز مەزگىلىنە بايلانىستى سيپاتتاۋ كەزىندە سىني تۇرعىدان سيپاتتاۋشىعا توپ بولىپ نازار اۋدارىپ، كريتەريي ارقىلى باعالاندى. ءۇي تاپسىرماسىن ورىنداۋ كەزىندە ءبىرىن- ءبىرى باعالادى. ءتالىم الۋشىما "باسپالداق"ءادىسى ارقىلى ءوزىن-وزى باعالاۋ جاساتىپ جىبەر دەپ ۇسىنىس ايتقان ەدىم. وقۋشىلىر وتە قىزىعۋشىلىقپەن ورىندادى. بالالار وزىنە ءوزى باعا بەرە ءبىلدى. ساباقتى قورىتىندىلاۋ ماقساتىندا "التىن كۇز" دەگەن تاقىرىپتا ەسسە جازعىزۋ ناعىز سىن تۇرعىسىنان ويلاۋ ءادىسىنىڭ ورىندالۋ كورىنىسى. ەسسەنى ءبىر بىرىنە باعالاتىپ ەكى جۇلدىز ءبىر تىلەك جازعىزۋى ارقىلى باعالادى. ساباق بارىسىندا ءساتتى بولعان تۇسى پوستەر قورعاۋ بارىسىندا ءار توپ بەلسەندىلىك تانىتقانى. توپتىق جۇمىس كەزىندە ءوزارا تەز كەلىسىپ، رەتتىلىكپەن ۋاقىتپەن ساناسىپ ورىنداعانى. ساباق سوڭىندا كەرى بايلانىسقا تاراتپالى ساۋالناما پاراعىن تولتىردى. توپتىڭ ءوزارا باعالاۋى باعدارشام كوزدەرى ارقىلى باعالاۋ ءادىسى شىنايى ءادىس بولدى. ساباق ناتيجەسىندە وقۋشىلار كىشى جاستا بولسا دا پوستەر قۇراۋدى ەداۋىر مەڭگەرىپ قالىپتى،، قورعاۋدى ۇيرەنگەن، ورتاعا شىعىپ سويلەۋگە قالىپتاسقان، زەرىگىپ كەتپەۋ ءۇشىن سەرگىتۋ ءساتى بالالار ءۇشىن وتە اسەرلى بولدى. ساباقتىڭ بەينەجازباسىن قاراي وتىرىپ جانە ءتالىم الۋشىمەن تالقىلاۋ جۇرگىزە وتىرىپ بايقاعانىم جانە ءتالىم الۋشىعا قيىندىق تۋدىرعانى سىنىپتاعى وقۋشىلاردىڭ بارلىعىنا تاپسىرمانى بىردەي دەڭگەيدە بەرەتىندىگى .سىنىپتا ايىم، التاي ، نۇريمان، ناريمان، ايارۋ ەسىمدى وتە زەرەك، تاپسىرمانى تەز ۇعىپ، جىلدام ورىندايتىن وقۋشىلارعا جەكە جۇمىستار بەرۋدە قيىندىقتار كەزدەستى. ساباقتى بىرگە جوسپارلاعاندا وسى وقۋشىلاردى نازارعا الۋىن ۇسىنعان بولاتىنمىن. الايدا ءتالىم الۋشىم سىنىپ وقۋشىلارىنان ءبولىپ ولارعا جۇمىس جاساۋدى ۇيلەستىرە الۋدان قينالعانىن جەتكىزدى. سوندىقتان بولاشاقتا بۇل جۇمىستى جەتىلدىرە ءتۇسۋىمىز كەرەك ەكەنىن ۇعىندىم. گۇلميرامەن بىرگە وتكىزگەن تالىمگەرلىك تاجىريبەمدە بىرىگىپ ساباق جوسپارلاۋ، تالداۋ، ۇسىنىس، سۇحباتتاسۋ كەزىندە ارامىزدا شىنايى دوستىق، سىيلاستىق قارىم-قاتىناس ورنادى. مەن وعان ءوز تاجىريبەممەن بولىسە وتىرىپ قولداۋ كورسەتتىم. ءتالىم الۋشىم گۇلميرا توپپەن جۇمىس جاساۋ، قالىپتاستىرۋشى باعالاۋ ستراتەگيالارىن ساباقتا پايدالانۋدىڭ ءتيىمدى جاقتارىن تەز ۇيرەندى. وقۋ ۇدەرىسى كەزىندە وقۋشىلار تاپسىرما ورىنداۋ، تالقىلاۋدا تولىق قامتىلىپ، تالىمگەر قابىلەتىن كورسەتە ءبىلدى. ءتالىم الۋشىنىڭ مەنى قۋانتقانى مەنىڭ ۇسىنعان ادىس-تاسىلدەرىمدى ەش قيىندىقسىز ءارى قاراي الىپ كەتكەنى، سىنىپ وقۋشىلارى دا بۇرىننان قالىپتاسىپ قالعان ءتارىزدى، بىردەن ورىنداپ كەتكەنى،توپتىق جۇمىسقا تەز بەيىمدەلۋى جاقسى ناتيجەنى كورسەتتى. تاجىريبە كەزىندە قيىندىق تۋعىزعان ساتتەر: مەكتەپتىڭ اكت قۇرالدارىمەن تولىق جابدىقتالماۋى ۇلكەن كەدەرگى كەلتىردى. سىنىپتى ۇيىمداستىرۋ، توپقا ءبولۋ كەزەڭىندە قيىندىق بولدى ءتالىم الۋشى ءوزىنىڭ جازعان كەرى بايلانىسىندا ءداستۇرلى ساباعىمەن سالىستىرىپ، كوپتەگەن ادىس-تاسىلدەردى ىس-ارەكەتتە قولدانعانىنا ريزا بولدى. ءتالىم الۋشىمنىڭ رەفلەكسياسى: نە ۇنادى، نە ۇنامادى؟ دەگەن سۇراققا. . .ورتا مەرزىمدى جوسپاردىڭ تيىمدىپىگىنە كوزىم جەتتى. ساباقتى توپقا ءبولىپ وقىتقانلا وقۋشىلار جاقسى قابىلداپ، بەلسەندىلىگى ارتقانىن. نە قيىن بولدى؟ دەگەن سۇراققا...ومج جوسپارىن قۇرعاندا جاڭا ءادىس ءتاسىلدىڭ قيىن جەرى كوپ دايارلىقتى قاجەت ەتەدى ەكەن . ءبىز بۇرىن تەك وقۋلىقپەن شەكتەلسەك ، ءقازىر قوسىمشا ينتەرنەتتەن ماتەريالدار قاراۋعا تۋرا كەلەدى،ىزدەنۋشىلىك كەرەك ەكەن دەپ. مەنىڭ ۇسىنىستارىم: ماعان تالىمگەرلىكتى الداعى ۋاقىتتا دا جالعاستىرۋىڭىزدى سۇرايمىن. سىزگە مىقتى دەنساۋلىق، شىعارماشىلىق تابىستار تىلەيمىن. تالىمگەرلىك ەتۋ بارىسىندا ءوزىمنىڭ بىلىمىممەن، ىس-تاجىريبەممەن ءبولىسىپ، ءتالىم الۋشىنىڭ ەڭبەك جولىندا ايتۋلى جەتىستىكتەرگە جەتۋ ماقساتىندا ءوزىنىڭ كاسىبي داعدىلارىن دامىتىپ، پروبلەمالاردى شەشۋ جولدارىن ىزدەۋىنە قولداۋ كورسەتەمىن.

---