InfoHub Logo

قىسقا مەرزىمدى جوسپار 3 سىنىپ
ساباقتىڭ تاقىرىبى: تاماقتىڭ ءيىسى مەن اقشانىڭ سىلدىرى.
ساباقتىڭ ماقساتى: اڭىز كەيىپكەرلەرىن سۋرەتتەۋ، بويىنداعى ەرەكشەلىكتەردى سيپاتتاۋ.
ساباقتىڭ مىندەتى: وزىندىك پىكىر ايتۋعا ۇيرەتۋ، سوزدىك قورىن بايىتۋ، قيالىن دامىتۋ، دۇنيەتانىمىن كەڭەيتۋ.
ساباقتىڭ ناتيجەسى: وقۋشىلار ادىلەتتىلىككە، جاقسى مەن جاماندى اجىراتا ءبىلۋدى ۇيرەنەدى.
ءتۇيىندى يدەيالار: قوجاناسىردىڭ قامقورلىعىن جانە قايرىمدىلىعىن ۇلگى ەتە الادى.
ساباقتىڭ ءادىسى - تاسىلدەرى: توپتىق، جۇپتىق.
سىنىبى: 3 «ا» سىنىپ
قولدانىلاتىن رەسۋرستار: پلاكاتتار، ماركەرلەر، ءتۇرلى - ءتۇستى قاعازدار، اكت قولدانۋ

كىرىسپە (2 مينۋت)
ءبىلۋ:
پسيحولوگيالىق دايىندىق.
ءبىر اتا، ءبىر انانىڭ تۇلەگىمىز،
ءبىر بولسىن قايدا جۇرسەك تىلگىمىز.
بىرلىك باردا تىرلىك بار دەگەن بابام،
بىرلىكپەن بىرگە سوقسىن جۇرەگىمىز.
وقۋشىنىڭ ءىس ارەكەتى: بالالار حورمەن ايتادى.
توپقا ءبولىنۋ: (3 مينۋت)
ءبىر، ەكى، ءۇش سانداردى ايتىپ جىلدام قاي سان ەكەندەرىن تاۋىپ جىلدام ورنالاسادى.
ەندى وسى وزدەرىڭنىڭ توپتارىڭنىڭ ىشىنەن ليدەر، بايانداماشى، ۋاقىت ساقشىسى، باقىلاۋشى، حاتشى بولىپ تاعايىنداپ الاسىڭدار.
قارلىعاش پەن شوجە تورعايدىڭ مازمۇنىن سۇراپ شىعامىن. (5 مينۋت) كەمى 5 - وقۋشى.
وسى وتكەن ءۇش ساباق بارىسىندا نە بىلگەندەرىڭ جايلى كىشكەنە تەست جۇمىسىن جاساتامىن.
وقۋشىنىڭ ءىس ارەكەتى: بالالار تەست جۇمىستارىن ورىندايدى.
ءۇي جۇمىسىنا تابىس كريتەريي:
شوجە تورعايدىڭ قارلىعاشتان سۇراۋى…،
قارلىعاشتىڭ سابىرلىعى…،
مازاسىز شوجە تورعايدىڭ جاعدايى…،
وقۋشىنىڭ ءىس ارەكەتى: بالالار جىلدام ارەكەتتەر جاساپ توپقا بولىنەدى.
موزايكا ءادىسى:
• مىسال نە تۋرالى؟
• شوجە قارلىعاشتان نە سۇراعىسى كەلدى؟
• قارلىعاش ونىڭ سۇراعىنا قالاي جاۋاپ بەردى؟

ءتۇسىنۋ: (5 مينۋت)
ءسىز شوجە مەن قارلىعاشتىڭ مىنەزىن قالاي سالىستىرار ەدىڭىز؟
قارلىعاشتىڭ ەڭ جاقسى جاۋابى قانداي؟
وقۋشىنىڭ ءىس ارەكەتى: بالالار سۇراقتارعا جاۋاپ بەرەدى.
وي تاستاۋ: (5 مينۋت) اقشا مەن تاماق جايىندا مالىمەت بەرۋ. بەينە فيلم كورسەتۋ.
مىنە بالالار وسى اقشا مەن تاماق جايلى، تاماقتىڭ ءيىسى مەن اقشانىڭ سىلدىرى دەگەن اڭىزدى وتەمىز.
اڭىزدىڭ مازمۇنىمەن تانىستىرىپ شىعامىن.
وقۋشىنىڭ ءىس ارەكەتى: بالالار ءوز ويلارىن ايتىپ وتەدى
وقىتۋ ءۇشىن باعالاۋ جانە وقىتۋدى باعالاۋ: ءفورماتيۆتى باعالاۋ
تانىستىرىلىم:

قولدانۋ:
ءجۇز ءبىر جۇمباق، مىڭ ءبىر ماقال. (5 مينۋت)
جۇمباقتىڭ جاۋابىن، ماقالدىڭ جالعاسىن ايتادى.
وقۋشىنىڭ ءىس ارەكەتى: توپ باسشىلارى تاڭداپ بارلىعى بىرىگىپ جاۋاپ بەرەدى، ناقتى جاۋاپ بەرەدى
سەرگىتۋ ءساتى:
توپتىق جۇمىس. (5 مينۋت)
پلاكاتتارعا جابىستىرىلعان سۋرەتتەرگە قاراپ اڭىزدى اڭگىمەلە.
وقۋشىلار تۇسىنىگىن ايتىپ مازمۇنىن اشادى.
اكت بويىنشا ميليونەر ويىنىن ويناتامىن. اقشالاردى تاڭداپ استىندا جاسىرىلعان سۇراقتارعا جاۋاپ بەرىپ
اقشالاي سىيلىق الادى.(سۋۆينير اقشا)
وقۋشىنىڭ ءىس ارەكەتى: بالالار توپپەن بىرلەسىپ ارەكەتتەر جاسايدى.
جوعارى دەڭگەيلى ويلانۋ قابىلەتتەرىن بايقاۋ. (5 مينۋت)
ەندى سەندەردە اقشا كوپ دەيىك سەندەر ونى قالاي جاراتار ەدىڭدەر؟
وقىتۋ ءۇشىن باعالاۋ جانە وقىتۋدى باعالاۋ: ءفورماتيۆتى باعالاۋ.

نەگىزگى ءبولىم (5 مينۋت)
توپتىق جۇمىس.
ءۇش توپ وزدەرىنە سيپاتتاما بەرەدى. باي، قوجاناسىر، كەدەيگە سيپاتتاما بەرەدى.
وقۋشىنىڭ ءىس ارەكەتى: بالالار توپپەن بىرلەسىپ ارەكەتتەر جاسايدى.
داپتەرمەن جۇمىس:
وقىعان اڭىزدى پايدالانىپ باي مەن كەدەيدى سيپاتتاپ بەرىڭدەر. داپتەرلەرىڭە جازىڭدار.
وقۋشىنىڭ ءىس ارەكەتى: بالالار داپتەرلەرىنە جازىپ شىعادى.
ۇشتىك توپ. 100، 50، 20، 2، 1 تەڭگەلەر.
بالالار دەنەلەرىنە جابىستىرىلعان ستيكەرلەر ارقىلى توپقا بولىنەدى.
وقۋشىنىڭ ءىس ارەكەتى: بالالار جىلدام ارەكەتتەر جاسايدى.
توپتارعا تاپسىرما:
بالالار بىرىگىپ ءسوزجۇمباق، رەبۋس قۇرايدى.
وقىتۋ ءۇشىن باعالاۋ جانە وقىتۋدى باعالاۋ: ءفورماتيۆتى باعالاۋ.
قورىتىندى (5 مينۋت)
تاقتامەن جۇمىس:
ءسوزجۇمباقتىڭ شەشىمىن تاۋىپ جازۋ.
سۇراق جاۋاپ:
1. نەگە قوجاناسىر كەدەيگە كومەك بەردى؟
2. ەگەر قوجاناسىر ءقازىر ءتىرى بولسا جايتتار جاقسارار ما ەدى؟
1. ءسىز قالاي ويلار ەدىڭىز؟
2. ءسىز بايدىڭ ورىندا بولساڭىز نە ىستەر ەدىڭىز؟

رەفلەكسيا:
نە ءبىلدىڭ؟
نە ۇيرەندىڭ؟
نە بىلگىڭ كەلەدى؟
وقۋشىنىڭ ءىس ارەكەتى: بالالار ءوز بىلگەندەرى بويىنشا جاۋاپ بەرەدى.
وقىتۋ ءۇشىن باعالاۋ جانە وقىتۋدى باعالاۋ: جيىنتىق باعالاۋ.

№86 ورتا مەكتەپتىڭ باستاۋىش سىنىپ ءمۇعالىمى
سمات ايجان ءنۇرجالى قىزى