InfoHub Logo

تاقىرىبى: «تاڭ قالماڭىز» /سىنىپتان تىس شارا/
ءتۇرى: تاربيە ساعاتى

ماقساتى: جاس ۇرپاقتىڭ بويىنداعى جات قىلقتاردى تىيۋ. وقۋشىلاردىڭ بويىنداعى ونەرى مەن دارىندىلىعىن دامىتۋ. شاكىرت بويىنا ۇستازدى سىيلاۋعا، قۇرمەتتەۋگە، ۇلكەنگە ىزەتتى بولۋعا تاربيەلەۋ.

مىندەتى: وقۋشىلاردىڭ يكەمدىلىگىن، شەبەرلىگىن، شىعارماشىلىق قابىلەتىن دامىتۋ. ءتىل مادەنيەتىنە، ۇلتتىق سانا-سەزىمگە، ادەمىلىك پەن اسەمدىككە، ەڭبەك سۇيگىشتىككە تاربيەلەۋ.
كورنەكىلىگى: ناقىل سوزدەر، سۋرەتتەر، كيىم ۇلگىلەرى، بەزەندىرىلگەن ساحنا، قولونەر بۇيىمدارى، ءۇنتاسپا، ت.ب.

جوسپارى:
ءى. ۇيىمداستىرۋ
1. كىرىسپە
ءىى.نەگىزگى ءبولىم:
ءدام دۋمان
بي دۋمان
ءسان دۋمان

زياتكەرلىك ويىن:
1. ءسوز قۇراۋ
2. انكەتا سۇراۋ
ءجۇرىسى:
ءمۇعالىم ءسوزى: ارمىسىزدار قۇرمەتتى كورەرمەندەر، ۇستازدار، اتا-انالار، وقۋشىلار! حابار ارناسىنداعى «تاڭ قالماڭىز» اتتى باعدارلاماسىنىڭ جەلىسىمەن وتكىزگەلى وتىرعان «تاڭ قالماڭىز» اتتى سىنىپ ارالىق تاربيە ساعاتتى تاماشالاۋعا قوش كەلدىڭىزدەر!
باعدارلامانىڭ تاقىرىبى: «شاكىرتسىز ۇستاز-تۇل» دەپ اتالادى. تاڭ قالارلىقتاي سىزدەر ءۇشىن قىزىقتى دۋماندى باستايمىز.

جۇرگىزۋشىلەر:
1. ساحييەۆ ىبىراي 2. جانجىگىتوۆا ايدانا
ىبىراي: الدىمەن مەن سىزدەردى قاسىمداعى كومەكشىممەن تانىستىرىپ وتەيىن. 7 ۆ سىنىپتىڭ ۇزدىك وقۋشىسى ج. ايدانا.
ايدانا: وسى شارانى ۇيىمداستىرۋشى س. ىبىرايعا دا قوشەمەت كورسەتەيىك. تالانتتى، ونەرلىگە شەكتەۋ قويىلمايدى دەپ ايتقانداي «تاڭ قالماڭىز» باعدارلاماسىندا وقۋشىلاردىڭ شىعارماشىلىق جۇمىستارىمەن، ونەرلەرىمەن تانىس بولاسىزدار.
ىبىراي: «شاكىرتسىز ۇستاز-تۇل» دەگەن تاقىرىپتا سايىستى دا تاماشالاڭىزدار! ولاي بولسا سايىسكەرلەردى ورتاعا شاقىرامىز.
(ورتاعا گۇلسەزىم مەن جازىلبەك شىعادى)

ىبىراي: 7د سىنىپتىڭ ۇلگىلى وقۋشىسى بەيبىت قىزى گۇلسەزىمگە قوشەمەت ۇلكەن قوشەمەت كورسەتەيىك.
ايدانا: 10ب سىنىپ وقۋشىسى، قۇقىق سەكتورى قارابايەۆ جازىلبەكتى دە ۇلكەن قوشەمەتپەن ورتا شاقىرايىق.
ىبىراي: قوش كەلدىڭىزدەر! سىزدەر بۇگىن سايىسقا تۇسەسىزدەر. سىزدەردىڭ جاس ەرەكشەلىكتەرىڭىزگە قاراماي سايىسقا شاقىرعانبىز. سەبەبى تالانتتى، ونەرلى ادام قانداي شىڭ بولماسىن، وزىنە باعىندىرا الادى.

ايدانا: اعاي، بىزگە ءبىر ادامدار جەتىسپەي ءتۇرعان سياقتى.
ىبىراي: جەتپەيدى دەيمىسىڭ، ولار كىمدەر؟

ايدانا: ولاي بولسا تانىس بولايىق، ورتاعا ەرەكشە قوناقتاردى شاقىرايىق. (رايگۇل اپاي مەن نۇربەك اعاي ورتاعا شىعادى)

ىبىراي: سالەماتسىزدار ما؟ قوش كەلدىڭىزدەر. تانىس بولايىق. مەكتەبىمىزدىڭ وقۋشىلار كەڭەسىنىڭ جەتەكشىسى، دەنە تاربيەسىنىڭ ءمۇعالىمى بەكباۋوۆ نۇربەك. مەكتەبىمىزدىڭ تالىمگەرى، اعىلشىن ءپانىنىڭ ءمۇعالىمى ناۋرىزبەكوۆا رايگۇل.

ايدانا: ۇستازدىق ەتكەن جالىقپاس ۇيرەتۋدەن بالاعا دەگەندەي. قۇرمەتتى اعاي، اپاي سىزدەردى مىنا وقۋشىلارىڭىز ماقتان تۇتىپ، سىزدەر سەكىلدى ونەرلى، توپتى جارىپ شىعاتىن، باسەكەگە قابىلەتتى ازامات بولعىسى كەلەدى دەپ ويلايمىز. سەبەبى وسى سايىسقا شىعۋ ءۇشىن سىزدەردى تاڭداپ، ب ا ق سىناماقشى.
ىبىراي:
ادىلدىككە باعا بەرەر قاراۋعا،
ادىلدىكپەن قارا قىلدى جارۋعا.
ءادىلقازى القالارىن سايلايىق،
ناق جەڭىمپاز تاڭداپ ءبىرىن الۋعا، - دەپ بۇگىنگى سايىسىمىزدى سارالاپ، تارازىلاپ سايىسكەرلەردىڭ ونەرىن تاماشالاپ، ءادىل باعاسىن بەرەتىن ءادىلقازىلار القاسىمەن تانىسايىق.
«وقۋشىلار كەڭەسىنىڭ» مۇشەلەرى:
1. شاموۆا ا.
2. امانگەلدييەۆا گ.
ز. ىزتىلەۋوۆا م.
4. جالعاسبايەۆا ا.

ايدانا: اعاي مەنىڭ مۇرنىم ءبىر ءتاتتىنى سەزىپ تۇر.
ىبىراي: مەنىڭ مۇرنىما دا تاماق ءيىسى كەلەتىن سەكىلدى. وسى ءبىز ناعىز اسپازشىلاردىڭ قاسىندا تۇرعان سەكىلدىمىز عوي.

ايدانا: سايىسىمىزدىڭ ءبىرىنشى ءبولىمى «ءدام دۋمان».
سايىسكەرلەردى ءدام ءمازىرىن جاساۋعا شاقىرايىق.
ىبىراي: جازىلبەك جىگىتكە جەتى ونەر دە از دەگەندەي ۇيدە دە تاماق ءپىسىرۋ، اس ازىرلەۋ جۇمىستارىنا ارالاساسىڭ با؟

ايدانا: نۇربەك اعايدىڭ قولىنان كەلمەيتىنى جوق دەپ ويلايمىن. گۇلسەزىم سۇيىكتى ۇستازىم دەپ نۇربەك اعايدى سايىسقا الىپ شىققانىڭا وكىنبەيسىڭ. سىزدەر قانداي تاعام دايىندايسىزدار؟ جاسالۋ جولدارىن ايتىپ بەرسەڭىزدەر.
ىبىراي: رايگۇل اپاي دا ەرەكشە تاعام ازىرلەۋدە سياقتى؟ تانىستىرا وتىرىڭىزدار.
(سايىسكەرلەر تاعامنىڭ اتتارىن اتاپ تانىستىرىپ، ءادىلقازىلارعا ۇسىنادى)

ايدانا: 7ۆ سىنىبىنىڭ «بيشىلەر» توبى سىزدەرگە «روكەن رولل» ءبيىن ۇسىنادى.
ىبىراي:
ءان ايتپاي دا بيلەمەي،
سايىستان تەككە كەتپەيىك.
سايىسكەردىڭ ونەرىن
تاماشالاپ كورەيىك،- دەي كەلە كەزەكتى «بي دۋمانعا» بەرەمىز.
«بي دۋمان»
ايدانا: 70ء-شى جىلعى جاستاردىڭ، مەكتەپ ءبىتىرۋشى تۇلەكتەردىڭ سۇيىكتى بيىنە اينالعان. ءقازىر دە ەسكىرمەي، ءاربىر ادامعا كوتەرىڭكى كۇي سىيلايتىن «تۆيس» ءبيىن تاماشالاڭىزدار.
(گۇلسەزىم مەن نۇربەك اعاي بي بيلەيدى)

ىبىراي: بەلارۋس بيىمەن تاڭ قالدىراتىن جازىلبەك پەن رايگۇل اپايدى قوشەمەتپەن ساحناعا شاقىرامىز.

ايدانا: اعاي وسى ءسىز اۋدانعا بارىپ «سىمباتتىلىق سىرى – ءسان» - اتتى ءسان بايقاۋىنان باس جۇلدە الىپ، كورەرمەندەردى ءوزىڭىزدىڭ دايىنداعان ءسان ۇلگىلەرىمەن تاڭ قالدىرىپ ەدىڭىز عوي.
ىبىراي: دۇرىس ايتاسىڭ ايدانا. ءقازىر مەنەن كەڭەس سۇراپ، سول ونەردى قولعا الىپ شىعارماشىلىعىمەن تانىستىراتىن شاكىرتىم ن.كامشاتتىڭ دايىنداعان ءسان ۇلگىلەرىن تاماشالايىق.

ايدانا: كەزەكتى «ءسان دۋمانعا»بەرەمىز.

ءححى عاسىردىڭ كيىم ۇلگىلەرى:
1 .ايگەرىم - 6ا
2. اقنۇر - 6گ
ز. اقجارقىن -7ا
4. اقبايان -6ب

(پاكەتتەن تىگىلگەن ءسان ۇلگىلەرى)
ىبىراي: كەلەسى ءبولىم - زياتكەرلىك ويىن II تۋردان تۇرادى.
1ء-شى «انكەتا سۇراقتار»
2ء-شى «ءسوز قۇراۋ»
ايدانا: سىزدەرگە ءبىر ورتاق سۇراق قويىلادى. 4 جاۋابىن شاتاستىرىپ بەرەمىز. سوعان كىم ءبىرىنشى جاۋاپ بەرەدى، سوعان ۇپاي سانى قوسىلادى. ءى. مەكتەپتە جوق ۇستاز:
1) رايگۇل
2) تەمىرحان
3) قارلىعاش
4) قاراشاش

2. قاي كينو قازاق فيلمىنە جاتپايدى؟
1) مەنىڭ اتىم قوجا
2) باندىنى قۋعان حاميت
3) ماحاببات ءۇيى
4) قىز جىبەك

ز. الەمدەگى جوق قالا:
1) ورال
2) تەگيران
3) بەريۆان
4) موسكۆا

4. قاي زات كومپيۋتەر قۇرالىنا جاتپايدى؟
1) جۇيەلى بلوك
2) پەرنەلىك تاقتاي
3) تىشقان
4) مونيتور

5. ساعىز سەلوسىنا قاراستى بۇگىنگى تاڭدا ورنى جوق ەلدى مەكەن:
1) شولاقساي
2) كەنباي
3) اققۇدىق
4) سوركول

6. زەرگەرلىك بۇيىمعا جاتپايتىن اتاۋدى تاپ:
1) القا
2) سىرعالىم
3) جۇزىك
4) بىلەزىك

7. ەلتاڭبادا جوق بەلگى:
1) شاڭىراق
2) بيداي
3) پىراق
4) پىشاق

8. «شۇعىلا» مادەنيەت ءۇيى ديرەكتورى كىم؟
1) ءاليا
2) مانشۇك
3) عاپۋرا
4) ايگۇل

9. قازاق ەستراداسىندا جوق ءانشى:
1) لۇقپان جولداسوۆ
2) بەيبىت سەيدۋالييەۆا
3) مايرا يلييەۆا
4) تامارا اسار
ايدانا: كەزەكتى تاعى دا «ءسان دۋمانعا» بەرەمىز. ورتادا قۋىرشاقتار
ىبىراي: تاماشالاپ وتىرعاندارىڭىز 8ۆ سىنىبىنىڭ ۇزدىك ونەرلى وقۋشىسى ن.كامشاتتىڭ دايىنداعان ءسان ۇلگىلەرى. كامشاتقا كوپ راحمەت.
ايدانا: كەزەكتى زياتكەرلىك ويىنىنىڭ «ءسوز قۇراۋ» بولىمىنە بەرەمىز. (قالايماقان – سوزىنەن بىرنەشە ءسوز قۇراۋ)

ىبىراي: حالقىن قاستەرلەگەن، سالتىن قاستەرلەگەن،- دەگەندەي حالقىمىزدىڭ ۇلتتىق ءسالت-داستۇرىن ءالى دە جاڭعىرتىپ جۇرگەن سەگىز قىرلى، ءبىر سىرلى اۋىل ازاماتى – جايلاۋ اعامىزدىڭ ساز بالشىقتان، قالىڭ شيدەن دايىنداعان ۇلتتىق قولونەرىمەن تانىس بولىڭىزدار.

ايدانا:
شىعادى اسىل – تاستان، ونەر جاستان،
تاربيە ءتاۋىر بولسا، اۋەل باستان.
مىسالى ، عىلىم تاپپاق سول سەكىلدى،
بۇلاقتىڭ ءبىتىپ جاتقان كوزىن اشقان،- دەپ ماعجان جۇمابايەۆ ايتقانداي سىزدەر، اعاي-اپاي جانە سىزدەردىڭ سۇيىكتى وقۋشىلارىڭ جازىلبەك پەن گۇلسەزىم بۇگىنگى شاراعا قاتىسىپ، وتە تاماشا ونەرلەرىمەن تانىستىرىپ جاتىر.

ىبىراي: كوپتەگەن تاڭ قالدىراتىن دۇنيە دۋمانمەن تانىستىق.
قازىلار ورنىقتىرار ادىلدىكتى،
كىمدەردىڭ جاۋاپتارى دۇرىس شىقتى.
تاڭ قالماڭىز سايىسىنان
جەڭىسكە جەتەر دەيمىز ناعىز مىقتى،- دەي وتىرىپ ءادىل قازىلاردان قورىتىندىنى سۇرايمىز.

قورىتىندىلاۋ. ءادىل قازىلار جەڭىمپاز توپتى انىقتايدى، ماقتاۋ قاعازىن تابىس ەتەدى.

ءمۇعالىم: «تاڭ قالماڭىز» اتتى سىنىپتان تىس تاربيەلىك شارام 4 بولىمنەن تۇردى. بەلسەندى،ونەرلى وقۋشىلارىم مەن قولدارىنان ونەرى تامعان ارىپتەستەرىم دە وسى شاراعا بەلسەنە ات سالىستى. بۇل شاراعا قاتىسۋشىلار وتە ۇلكەن قىزىعۋشىلىقپەن، ىنتا-ىقىلاسپەن قاتىسىپ، ۇيىمشىلدىقپەن ءار بولىمدەگى تاپسىرمالاردى ورىنداۋعا تىرىستى.
كەش وتە قىزىقتى، تارتىمدى ءوتتى.