InfoHub Logo

زامان اعىمىنا ساي كوپتەگەن جاستار ينتەرنەت جەلىسى ارقىلى ءوز كاسىبىن جۇرگىزۋدە. ءتىپتى ونى جۇرگىزىپ قانا قويماي، ءومىرىنىڭ اجىراماس بولىگى ەتىپ، وقىرماندارىن ءارتۇرلى ويىندارمەن قۋانتۋدا. بۇنى ءبىرى جەڭىل تابىس، ارزان اتاق، جالعان سىيلىقتار دەپ ايىپتاسا، ءدال سولاي قولداۋشىلارى دا از ەمەس. ءبىراق بۇگىن جەڭىلدىڭ ۇستىمەن، اۋىردىڭ استىمەن، وقىرمان ىزلەگەن بلوگەرلەر جايىندا ەمەس!

الەمدە قانشاما حالىق اراسىندا ءوزىنىڭ ادەت-عۇرپىن ساقتاپ، مادەنيەتىن جوعارى باعالايتى قازاق حالقى، بۇرىننان بەرى اعا-جولداس بولىپ، ءاردايىم ءبىر-بىرىن قولداپ، قول ۇشىن سوزىپ جۇرگەنى ءمالىم. سول زامانداعى "اسار"، "جىلۋ جيناۋ" داستۇرلەرى بىلەڭدەي وتباسىنى اياققا تۇرعىزسا، بۇگىندە بۇل سالتتاردىڭ اتى اتالماسا دا، ءجون-جورالعىسى جەلىنى جارۋدا.

جاستار اراسىندا "كەڭ بولساڭ، كەم بولمايسىڭ" ۇرانىن ۇرانداتىپ، ءارتۇرلى جازبالار ءتۇسىرىپ جۇرگەن جاس وتانداس، بلوگەر جانسەرىك قادىربايەۆ وسىدان بىرەر كۇن بۇرىن، نەبارى ءبىر كۇن ىشىندە وقىرماندارىنان 31 ميلليون تەڭگەنى يگى ىسكە جيناعان بولاتىن. اۋىر ىندەتكە ۇشىراعان 2 جاسار ەميردىڭ باتىر اتا-اناسى، ءۇمىت شىراعىن سوندىرمەي وتقاندى. بۇكىل ەلدى ءبىر جۇدىرىققا جۇمىلدىرعان جانسەرىك ءىسىن، "تاريحتاعى جەڭىس" اتىمەن اتاپ وتكەن ەدى. ەندى كىشكەنتاي ءبۇلدىرشىننىڭ شەت ەلدە ەم الۋىنا مۇمكىندىك پايدا بولىپ، ەميردىڭ اتا-اناسىنان العىس سوزدەرىمەن قوسا، بىزدىڭدە ەلىمىزدە وسى اۋىرۋعا قارسى تىم بولماسا، ۋاقىتشا كومەك بەرەتىن دارى-دارمەك جاساۋدى وتىنگەن بولاتىن. سەبەبى ەميردىڭ باسىنداعى قايعى ەلىمىزدە ءبىر عانا ەمەس ەكەندىگىن اتاپ ايتتى. راسىمەندە "كوپ تۇكىرگەن - كول" دەمەكشى تاريحتاعى بۇل ءبىر جەڭىسىمىز عانا بولىپ قالماي، وسىلاي جالعاستىرۋعا ات سالىساتىن جاستارىمىز كوپ بولعاي دەيمىز. ال بلوگەردىڭ ۇسىنىسى وسى ءداستۇردى چەلەندج رەتىندە اينالدىرىپ، يگى ىستەرمەن عانا جارىسۋعا كەڭەس بەرگەندى.

كۋاتوۆا اسەليا كۋانىشبەكوۆنا

---