InfoHub Logo

قازىرگى تاڭدا ءدىن سالاسىنداعى ماسەلەلەر ۇلكەن ماڭىزدىلىققا يە بولۋدا. ءدىني سالانى رەتتەۋ الەمدىك تاجىريبەدە ءتۇرلى جولدارمەن جۇزەگە اسىرىلادى. قازاقستان رەسپۋبليكاسى تاۋەلسىزدىك العاننان كەيىنگى العاشقى جىلدار مەن بۇگىنگى كۇنگە دەيىنگى ءدىني بىرلەستىكتەردىڭ جالپى ستاتيستيكالىق مالىمەتتەرىنە تالداۋ جاسالىنعان. سونىمەن قاتار، ەڭ العاش 1992 جىلى قابىلدانعان «ءدىني سەنىم بوستاندىعى مەن ءدىني بىرلەستىكتەر تۋرالى» زاڭى ءوز كۇشىن جويىپ، 2011 جىلى 11 قازاندا «ءدىني قىزمەت جانە ءدىني بىرلەستىكتەر تۋرالى» زاڭى قابىلدانعان بولاتىن. بۇل زاڭننىڭ قابىلدانىپ، ءوز كۇشىنە ەنۋى ەلدەگى ءدىني بىرلەستىكتەر قىزمەتىنىڭ احۋالىنىڭ ءبىرشاما وزگەرگەندىگىن كورسەتەدى. جانە دە بۇل زاڭ اياسىندا ءدىني بىرلەستىكتەردى تىركەۋ، قايتا تىركەۋ راسىمدەرى مەن قىزمەتتەرىن رەتتەۋ نەگىزى بولىپ تابىلادى. سونىمەن قاتار، زايىرلى مەملەكەت رەتىندە، مەملەكەت ءدىني بىرلەستىكتەردىڭ ىشكى ىستەرى مەن ەرەجەلەر ماسەلەسىنە ارالاسپايتىنى جانە دە ار-وجدان بوستاندىعى ءۇشىن جاعدايلار تۋدىراتىنى ايتىلىپ وتكەن. دەگەنمەندە، مەملەكەت ءدىني بىرلەستىكتەردىڭ مازمۇندىق جانە قوعامدىق قىزمەتىن رەتتەپ، باقىلاپ وتىرادى، زاڭدار مەن مەملەكەتتىڭ مۇددەلەرىن ساقتاۋىن تالاپ ەتەدى.

قازاقستان رەسپۋبليكاسى كوپۇلتتى جانە كوپكونفەسسيالى مەملەكەت بولىپ تابىلادى. ەلىمىزدە 18 كونفەسسيانى قامتيتىن 3877 ءدىني بىرلەستىك تىركەلگەن. ولاردىڭ ىشىندە سانى جاعىنان ەڭ كوبى – حانافي مازحابىنداعى مۇسىلمان مەن پراۆوسلاۆ حريستياندار. سونداي-اق كاتوليكتەر جانە پروتەستانتتار كونفەسسيالارى، يۋدەيلەر، بۋدداشىلار جانە باسقا دا ءدىني قاۋىمدار بار.

قازاقستاندا ءتۇرلى كونفەسسيالاردىڭ بەيبىت قاتار ءومىر ءسۇرۋى ءۇشىن قاجەتتى قۇقىقتىق جانە ۇيىمدىق جاعدايلار جاسالعان، كونفەسسياارالىق قاتىناستاردى ۇندەستىرۋگە باعىتتالعان ءبىرىڭعاي مەملەكەتتىك ساياسات قالىپتاستى. قازاقستان رەسپۋبليكاسى ءوزىن قۇقىقتىق، دەموكراتيالىق جانە زايىرلى مەملەكەت رەتىندە ورنىقتىرا وتىرىپ، ادامنىڭ ءدىن بوستاندىعى قۇقىعىنىڭ ساقتالۋىنا ۇنەمى كوڭىل ءبولىپ وتىرادى. قازاقستان قازىرگى تاڭدا كۇللى الەمگە ءوزىنىڭ ءدىنارالىق كەلىسىم مەن ۇلتارالىق تاتۋلىقتىڭ قاسيەتتى ورداسى ەكەنىن ايگىلى ەتتى. ءدىن ەلىمىزدەگى بىرلىكتىڭ رۋحاني تىرەگى بولىپ،حالىقتىڭ ىنتىماعى مەن تىنىشتىعى ءۇشىن قىزمەت ەتەتىن ءوزىنىڭ نەگىزگى مىندەتىن ءمىنسىز اتقارعانىنىڭ ناتيجەسىندە قازاقستان وسىنداي بيىكتەرگە قول جەتكىزگەنى انىق.

كوپ ۇلت پەن ۇلىستى جانە ءارتۇرلى كونفەسسيالاردى قۇراعان زايىرلى مەملەكەتىمىزدىڭ باستى ماقساتتارىنىڭ ءبىرى – حالىقتىڭ رۋحاني سۇرانىسىنا جاۋاپ بەرەتىن ءدىني قۇندىلىقتارعا كوڭىل بولە وتىرىپ، وسى سالادا كەلەلى قىزمەتتەر اتقارۋ.

ءال-فارابي اتىنداعى قۇۋ www.kaznu.kz  ءدىنتانۋ ماماندىعىنىڭ 4-كۋرس ستۋدەنتى ا. سەيتنۇر

اعا وقىتۋشى ۋ. تۋنگاتوۆا

---