تاۋاسار باتىردىڭ جاس شاعى
تاۋاسار ون سەگىز جاسقا شىعىپ، كۇش-قايراتى تولىسىپ، ەل الدىنا، ەر قاتارىنا ىلىنگەن كەزدە جوڭعار شاپقىنشىلارى قازاق جەرىنە شابۋىل جاسايدى. بۇعان قارسى ورتا ءجۇز حانى ابىلمامبەت ءۇش جۇزگە ساۋىن ايتىپ، اتشابار اتتاندىرىپ، قول جيادى. ەر ازامات بىتكەن ەرەۋىل اتقا ەر سالادى.
بۇل كەزدە قارەكە-بيبولدى رۋىنىڭ اتاقتى ءبيى قامەن بي ءوز ەلىنىڭ قولباسىن سايلاپ، ساربازدارىنا ءساتتى جول تىلەپ، اتتاندىرىپ جاتادى. سونداي قاربالاس كۇننىڭ بىرىندە ولاردىڭ ەسىگىن ايقارا اشىپ، «دات، تاقسىر!» — دەپ كىرىپ كەلگەن جاس جىگىتكە بي سەلت ەتىپ تىگىلە قارايدى. قارسى الدىندا شارايناسىن كيىپ، جاۋ جاراعىن اسىنعان تاۋاساردىڭ تۇرعانىن كورەدى. ول ءبىر تىزەسىن بۇگىپ:
— دات، اعا، ەل شەتىنە جاۋ ءتيدى، ەر ازامات اتقا قوندى. ەر ازامات قاتارىندا داڭقتى قابانباي باتىرعا سارباز بولىپ، ۇلكەن جولعا اتتانايىن دەگەن ويىم بار، اق جول تىلەپ، اق باتاڭىزدى بەرىڭىز، — دەيدى.
تونىن يىعىنا قايتا جامىلعان قامەن بي:
— قاراعىم، تاۋاسار، ەلگە بەرگەن باتامدى وزىڭنەن نەگە ايايىن. ءاردايىم قول باسقارساڭ، جولىڭ كيەلى بولسىن! ەل باسقارساڭ، ءسوزىڭ كيەلى بولسىن! — دەپ باتا بەرەدى.
كەمەڭگەر قامەن ءبيدىڭ ىقىلاسىن العان جاس باتىر تۇڭعىش مايدانعا اتتانعان كەزىندە ناعاشىسى ىرىمداپ سىيلاعان كوك دونەنگە ءمىنىپ، اسىعا جول تارتادى. شەرۋ تارتىپ كەتكەن قولدىڭ سوڭىنان كۇن-تۇن ءجۇرىپ قۋىپ جەتەدى، ساربازداردىڭ ءبىرى بوپ قوسىنعا قوسىلادى.
وقۋعا كەڭەس بەرەمىز:
You Might Also Like
-
...قازاق، قالماق جاساقتارى ەكى توبەنىڭ باسىنا جينالىپ، قان توگىسپەك ءۇشىن ءبىرىن-بىرى جەكپە-جەككە شاقىرادى. قالماق جاعىنان دەنە ءبىتىمى ەرەكشە، ءىرى جاساق جامقايىن اتىن ويناتىپ، ەكى توبەنىڭ ورتاسىنداعى...
-
30 تامىز – كونستيتۋسيا كۇنى
