InfoHub Logo

تۇعىرلى تاۋەلسىزدىك ەلىمىزدىڭ باسىنا ب ا ق بولىپ قونعان ساتتەن بەرى ەگەمەن قازاقستان ءتۇرلى جەتىستىكتەرگە قول جەتكىزىپ، ەلەۋلى وزگەرىستەردى باسىنان وتكەردى. ەلىمىزدىڭ باسىنان قارا بۇلت سەيىلگەن جىلدار اتا-بابالارىمىزدىڭ سوناۋ كۇنگى ساعىمداي ۇشقان ارماندارىنىڭ قايتا قانات جايىپ، اسقاقتاپ، قومدانۋىنا جانە كەمەل بولاشاققا جاڭا كوشباسشىمىزبەن قادام باسۋىمىزعا ارقاۋ بولدى. تاۋەلسىزدىك – حالقىمىزدىڭ باعا جەتپەس اسىل قازىناسى، ۇرپاقتان ۇرپاققا مۇرا بولىپ قالار تەڭدەسسىز بايلىق. قازىرگى تاڭدا، ءبىز دامىعان زامانعا بەت بۇرۋعا تىرىسىپ جاتىرمىز. سونىڭ ءبىر دالەلى، ەلىمىزدىڭ دامىعان 50 ەل قاتارىنان تابىلۋى. الايدا، بۇل كۇنگە جەتپەس بۇرىن ءبىز تالاي اسۋلاردى باعىندىرىپ، ەلىمىزدىڭ وزىق مەملەكەتتەر قاتارىنان كورىنۋگە لايىقتى ەكەنىن سان رەت دالەلدەدىك. اتا زاڭىمىزدىڭ قابىلدانۋى ەڭ العاشقى جەتىستىكتەرىمىزدىڭ قاتارى دەپ ەسەپتەۋگە بولادى، سەبەبى، كونستيتۋسيا - تاۋەلسىزدىكتىڭ ايعاعى، تەڭدىگىمىزدىڭ بۇلتارتپاس دالەلى. كەيىن، ەلىمىز ءتۇرلى دامۋ ساتىلارىنان ءوتىپ، رەسمي ءتىلىمىز، ۆاليۋتامىز بىرتىندەپ قابىلدانا باستادى جانە بۇل ەلىمىزدى ەرەكشەلەپ كورسەتەتىن، تاريحىمىزدى ايقىندايتىن ۇلتتىق قۇندىلىقتارىمىز ەدى. دامىعان مەملەكەتتەرمەن يىق تىرەستىرۋ بىزگە وڭايعا سوقپايدى. قازىرگى كۇنىمىزگە شەيىن مەملەكەت تاريحىندا التىن تاڭبا بولىپ قالاتىن ەلەۋلى وقيعالار لەگى قانداي، قاي جەردە وزا شاپتىق، قاي جەردە قالىس قالدىق؟

تاۋەلسىزدىكتىڭ تاڭى ارايلاپ اتقاننان كەيىن ەلىمىزدىڭ جەكە مەملەكەت رەتىندە سىن-سيپاتىن انىقتايتىن بەلگىلەرى قالىپتاستى. 1992 جىلى ق ر پرەزيدەنتى «ق ر مەملەكەتتىك تۋى»، «ق ر مەملەكەتتىك ەلتاڭباسى»، «ق ر مەملەكەتتىك ءانۇرانى تۋرالى» زاڭعا قول قويدى. تۋىمىزدا بەيبىتشىلىكتى بەينەلەيتىن اشىق كوك اسپان، التىن كۇن، قايسارلىعىمىزدىڭ دالەلى قىران بەينەلەندى. ال، 1994 جىلى دەربەستىگىمىزبەن كورگەن ۇلى تويىمىز قازاق ازاماتىنىڭ ەلىمىزدىڭ اتىنان تىلسىم عارىشقا ساپار شەگىپ، ءقاۋىپتى دە، قىزىقتى عارىش الەمىن باعىندىرۋى ەدى. ول «حالىق قاھارمانىنا» اينالعان تالعات مۇسابايەۆ بولاتىن. الىپ تۇلعامىزدان كەيىن دە بۇگىنگى زامانعى باتىرىمىزعا اينالىپ تاعى دا قازاق ازاماتى اتى الەمگە ايگىلى عارىش ايلاعى بايقوڭىردان عارىشقا اتتاندى. ايدىن ايىمبەتوۆ عارىش كوكجيەگىنە ساپار شەككەن ءۇشىنشى قازاق ازاماتى اتاندى. سوڭعى بەسجىلدىق مەملەكەتىمىزگە اتىن كوككە كوتەرەر ايتۋلى جەتىستىكتەرىمەن ەرەكشە بولدى. سول جەتىستىكتەر اعىمىن EXPO 2017 بولاشاق ەنەرگياسى تولىقتىرادى. 2012 جىلى بۇل جوبانى ەلىمىزدە وتكىزۋ مۇمكىندىگىنە يە بولىپ، ءبىر مارقايىپ قالدىق. EXPO 2017 جوباسىن جوعارى دارەجەدە وتكىزىپ، ءبىر ۇلكەن جۇكتەن ارىلعانداي بولدىق. جوبانىڭ قازاقستاندا وتكىزىلۋى ۇلتتىق قۇندىلىقتارىمىزدى شەت ەلدەرگە دارىپتەۋگە مۇمكىندىك تۋعىزىپ، ەكونوميكالىق جاعدايىمىزدى ارتتىردى. قازىرگى كەزدە، مەملەكەتىمىزدىڭ ءۇشىنشى جاڭعىرۋى قولعا الىنىپ، العا قاراي دامۋعا بەت الدىق. ۇلتتىق كودىمىزدى بەلگىلەپ، قۇندىلىقتارىمىز بەن سالت-سانامىزدىڭ كەرتارتپا تۇستارىنان ارىلا وتىرىپ، جاڭا باعىتقا كىرىستىك. ەلباسىمىز حالىقتى ءبىر باعىت پەن ءبىر مۇددەگە شوعىرلاندىرىپ، ورتاق ماقساتىمىزدى ايقىنداپ بەردى. سونىمەن بىرگە، سپورتتان دا ءبىراز بەلەلستەردى باعىندىردىق. سپورتىمىزدىڭ جاڭا ساتىعا كوتەرىلگەندىگىن 2012 جىلى وتكىزىلگەن لوندون وليمپياداسى مەن 2016 جىلعى ريودا وتكەن وليمپيادادا قول جەتكىزگەن جەتىستىكتەرىمىزدەن كورۋگە بولادى. اتى بۇكىل الەمگە ايگىلى گەناديي گولوۆكين سەكىلدى ەلىمىزدىڭ تۋىن كوككە جەلبىرەتەر ازاماتتارىمىز باردا قازاقتىڭ تۋى سول كۇيىنشە كوكتەن تۇسپەيدى.

قازاقستان – ءبىر شاڭىراق استىنا كوپۇلتتى بىرىكتىرە بىلگەن الىپ مەملەكەت. تاۋەلسىزدىككە قول جەتكىزگەن ساتتەن باستاپ ەلىمىز ەش ۇلت وكىلىن بوتەنسىتپەي، باۋىرىنا سىيعىزا ءبىلدى. دەربەستىكپەن كەلگەن ءاربىر جەڭىسىمىز ءبىزدىڭ دامۋىمىزعا قول ۇشىن سوزدى. سوناۋ XX عاسىردا جەرىمىز وزگەنىڭ قولىندا، ەلىمىز شىرلاعالاڭ ءومىر ءسۇرىپ جاتقاندا ەل تاعدىرىن بىرەن-ساراڭ قازاق جاناشىرلارى ويلايتىن، سولار ەل قامىن ويلاعانى ءۇشىن جاپا شەكتى. ءبىز ءقازىر ازاپتپىز! ءاربىر قازاق بالاسى قازاق ەلى ءۇشىن ەڭسەسىن تىك ۇستاپ ەڭبەك ەتە الاتىن دارەجەدە. الدىمىزدا جەتەلەيتىن كوشباسشىمىز، حالىق قامىن ويلايتىن ناعىز زاماناۋي قاھارماندارىمىز بار. ەندەشە،ءبىز نەدەن قىمسىنباقپىز، كىمنەن قورقۋعا ءداتىمىز بارار؟ ءبىزدىڭ تاريحىمىز ايتۋلى جەتىستىكتەرگە تولى. بۇگىن ءبىر ەلەۋلى وقيعانى باسىمىزدان كەشىرسەك، ول ەرتەڭگى تاريح. ەرتەڭىمىز ايقىن، كەلەشەگىمىز جەتىستىكتەرگە تولى بولسىن.

 

جاڭاوزەن قالاسى

قاراباي سالتانات

---