تەمىرتاۋدا جاڭا كوللەدج اشىلدى
قاراعاندى وبلىسى تەمىرتاۋ قالاسىندا قاراعاندى مەملەكەتتىك يندۋستريالدىق ۋنيۆەرسيتەتى جانىنان گۋمانيتارلىق-تەحنيكالىق كوللەدج اشىلدى. بۇل تۋرالى جوو باسپا ءسوز قىزمەتىنەن حابارلادى.
«ماماندار ليسەنزيالار الىنعان توعىز ماماندىق بويىنشا دايىندالادى. بۇل - «مەنەدجمەنت»، «ەسەپ جانە اۋديت»، «جىلۋتەحنيكالىق قوندىرعى جانە جىلۋمەن جابدىقتاۋ جۇيەسى»، «ەلەكترلىك جانە ەلەكترومەحانيكالىق قوندىرعىلاردى تەحنيكالىق پايدالانۋ، قىزمەت كورەتۋ جانە جوندەۋ»، «قارا مەتالل مەتاللۋرگياسى»، «ماشينالار مەن ونەركاسىپ قوندىرعىلارىن پايدالانۋ»، «اۆتوكولىك قۇرالدارىن تەحنيكالىق پايدالانۋ، كۇتۋ جانە جوندەۋ»، «ەسەپتەۋ تەحنيكاسى جانە باعدارلامالىق قامتۋ» جانە «عيمارات پەن يماراتتاردىڭ قۇرىلىسى جانە پايدالانۋ»، - دەلىنگەن حابارلامادا.
9 جانە 11-سىنىپ ءتامامداعان وقۋشىلار قابىلدانادى.
«كوللەدجدە قميۋ وقىتۋشىلارى مەملەكەتتىك ستاندارتقا ساي باعدارلامالار بويىنشا ساباق بەرەدى. كوللەدج ستۋدەنتتەرى ۋنيۆەرسيتەتتىڭ كىتاپحاناسىن، وقۋ زالىن، كومپيۋتەر سىنىپتارىن، وقۋ زەرتحانالارى مەن سپورتتىق-ساۋىقتىرۋ كەشەنىمەن پايدالانا الادى. قميۋ جانىنداعى كوللەدجدى ءساتتى ءتامامداعاندار ءۇشىن جوو-عا تۇسۋگە جەڭىلدىكتەر قاراستىرىلعان»، - دەدى قميۋ قابىلداۋ كوميسسياسىنىڭ جاۋاپتى حاتشىسى ەلەنا حارچەنكو.
You Might Also Like
-
جۇڭگو ەلىنىڭ شانحاي پەداگوگيكالىق ۋنيۆەرسيتەتىندە ءبىلىمىن جەتىلدىرگەن پاۆلودارلىق تۇلەك فاريدا تولەۋبايەۆا جىل ستۋدەنتى اتاندى. ول قاتارلاستارىنان توپ جارىپ شىققانى ءۇشىن شەتەلدىك ستۋدەنتتەر فاكۋلتە...
-
ءوز جولىنا ءتۇسىپ الىپ سۇرلەۋ سوقپاعىمەن كىپ-كىشكەنتاي قۇمىرسقا كەلە جاتىر ەدى، كەنەت الدىنان پەندە شىعا كەلدى. پەندە قۇمىرسقانى ءبىر-اق مىجىپ ولتىرە سالسام با ەكەن دەپ ويلادى. سول ويمەن پەندەنىڭ ءداپ-...
