InfoHub Logo

ءيا ، تۋعان جەردىڭ ءقادىر – قاسيەتىن ءتۇسىنۋ ءۇشىن دانىشپان بولۋدىڭ قاجەتى جوق. جۇرەگىندە يمانى بار ادامداردىڭ وسىلاي ويلايتىنى ءسوزسىز.

            راسىندا دا، اركىمنىڭ كىندىك قانى تامعان جەرى قىمبات بولسا، مەن ءۇشىن ارال قالاسى - جۇماقتىڭ مەكەنى.

شىندىعىندا دا، التىن ۇياڭ – وتان قىمبات، تۋىپ وسكەن ەلىڭ قىمبات، كىندىك كەسكەن جەرىڭ قىمبات ەكەندىگى بارشاعا ايان. مۇندايدا  اقيىق اقىن زەينوللا شۇكىروۆتىڭ :          «كىندىگىم بىرگە ارالمەن،
                               تەڭىزدەن تىنىس الام مەن.
                               اق پەيىل انا سەكىلدى
                               الدىمدا جاتىر دالام كەڭ!  » - دەگەن  ءسوزى ويعا ورالادى.  

 شابىتىڭا شابىت  قوسىلىپ كەتەتىن شەجىرەلى  ءوڭىر – مەنىڭ تۋعان جەرىم   -  بۇگىندە  اجارلانا تۇسكەن.

ەلىمىز تاۋەلسىزدىكتىڭ كوك تۋىن جەلبىرەتكەننەن كەيىنگى ۋاقىت ارالىعىندا  ارال اۋدانىنىڭ تىنىس-تىرشىلىگى جاقساردى.  ب ا ق قۇسى قاي جەردە ىنتىماق، اۋىزبىرشىلىك، جاراسىمدىلىق بار – سول جەرگە قونادى ەمەس پە؟! سول ب ا ق ءقازىر ارال اۋدانىندا دەپ ويلايمىن. وسى 26 جىل ىشىندە  قالامىز قالاي وزگەردى دەسەڭشى. جازسام ،ءبىر پاراققا سىيعىزۋ مۇمكىن ەمەس.                                                                                                                 جانقوجا باتىر كوشەسى مەن اقتان باتىر كوشەلەرىنىڭ تۇسىندا، № 62 مەكتەپ - ليسەيىنىڭ الدىندا تاۋەلسىز ەلدىگىمىزدىڭ رۋحاني قوس قاناتى ىسپەتتى قوس باتىرىمىز جاڭقوجا باتىر مەن اقتان باتىردىڭ تاريحي ەسكەرتكىش تۇلعالارى قاتار قوندىرىلدى.
ارال اۋدانىنىڭ قاق ورتاسىنان تاۋەلسىزدىك الاڭى اشىلدى. وسى الاڭنىڭ قاق ورتاسىندا بيىكتىگى جيىرما ءبىر مەترلىك، ۇشار باسىندا ءبىر قولىندا قىران، ەكىنشى قولىندا ساداعى بار، قولادان قۇيىلعان قازاقتىڭ ات ۇستىندەگى قاس باتىرى بەينەلەنگەن الىپ مونۋمەنت ورناتىلدى. ال، ونىڭ تومەنگى جاعىنا وسى وڭىرگە بەلگىلى ايتەكە بي باستاعان 11 بي، سارتاي باستاعان 11 باتىر، نۇرتۋعان باستاعان 11 اقىن-جىراۋلارعا ارنالعان ەسكەرتكىش ورناتتىلدى. ەرەكشەلىگى سول، مونۋمەنتتىڭ 21 مەتر بيىكتىكتە سالىنۋى ءححى عاسىردا بوي كوتەرگەندىگى، ال، 33 بي، اقىن-جىراۋلاردىڭ ەسىمدەرى جازىلۋداعى 33 سانى قازاقتىڭ تاسپيح قايىرىمىنا سايكەس كەلەتىندىگى. تاۋەلسىزدىك العالى بەرگى قالانىڭ تىنىس -تىرشىلىگىنىڭ ءبىرىن قالدىرماي، تىزبەكتەپ ايتۋ مۇمكىن ەمەس، ارينە.                                                                                                                                      - كوزدى اشىپ-جۇمعانشا ەل تاۋەلسىزدىگىنىڭ تاڭى اتقانىنا دا 26 جىل تولىپتى. وسى 26 جىل ىشىندە جەتكەن جەتىستىكتەرىمىز  بولاشاقتىڭ جارقىن بولاتىنىنىڭ ايعاعى ،-دەيدى ۇلكەندەر.ال مەن وسى تىنىشتىعىمىز بەن اۋىزبىرشىلىگىمىزدى،بەرەكەمىزدى ساقتاي گور دەپ تىلەيمىن.ىلايىم سولاي بولعاي.

---