رۋحاني جاڭعىرۋ
ر.سارسەنبين اتىنداعى №192 جالپى ءبىلىم بەرەتىن مەكتەپتىڭ
11 سىنىپ وقۋشىسى ناعاشبەكوۆا ايىم اسقار قىزى
ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى، ياعني ودان بۇرىن جاڭعىرىپ وتىرۋى ءتيىس. بۇل ساياسي جانە ەكونوميكالىق جاڭعىرۋلاردى تولىقتىرىپ قانا قويماي، ولاردىڭ وزەگىنە اينالادى.
نۇرسۇلتان نازاربايەۆ
رۋحاني جاڭعىرۋدىڭ نەگىزى - حالىقتىڭ، جەكە ادامنىڭ تۇلعاعا اينالۋى. ءار زاماننىڭ ءوز مىندەتى، ۇرپاققا قويار تالابى بار دەمەكشى، مەملەكەتتىڭ دامۋى - ۇرپاقتىڭ ۋاقىت تالابىنا ساي بەيىمدەلىپ، مادەني ورتاعا قالىپتاسۋعا دەگەن ۇمتىلىسىنا بايلانىستى.
رۋحاني جاڭعىرۋدىڭ بىرنەشە باعىتتارىن اتاپ وتسەك:
1. ۇلتتىق بىرەگەيىلىكتى ساقتاۋ.
ۇلتتىق جاڭعىرۋ - ۇلتتىق سانانىڭ كەمەلدەنۋى. ءبىرىنشى، ەلباسىمىز ايتقانداي "جاڭا تۇرپاتتى جاڭعىرۋدىڭ ەڭ باستى شارتى ۇلتتىق كودتى ساقتاي ءبىلۋ." ۇلتتىق مادەنيەت ساقتالماسا، ەشقانداي جاڭعىرۋ بولمايدى. ەكىنشىسى - ۇلتتىق بولمىستىڭ وزەگىن ساقتاۋ، وتكەننىڭ كەرتارتپا تۇستارىنان باس تارتۋ.
2. باسەكەلىك قابىلەت
ۇلتتىڭ ايماقتىق نەمەسە جاھاندىق نارىقتاعى باعاسى، وزگەلەردەن ساپاسىمەن ۇتىمدى دۇنيە ۇسىنۋعا قابىلەتى. زامان تالابىنا ساي تۇتاس حالىق قانا ەمەس،جەكە ادامنىڭ ءوزى باسەكەلىك قابىلەتىن ارتتىرىپ، تابىسقا جەتۋگە مۇمكىندىك الادى.
3. پراگماتيزم
ءوزىنىڭ ۇلتتىق جانە جەكە بايلىعىڭدى ناقتى ءبىلۋ، سول بايلىقتى ۇنەمدەي وتىرا قولدانا ءبىلۋ. بولاشاقتى جوسپارلاي وتىرا، ىسىراپشىلدىق پەن داڭعويلىق قاسيەتتەرگە جول بەرمەۋ. ءبىلىم الۋعا، ماقساتقا جەتۋگە، كاسىبي تۇرعىدان جەتىلۋگە دەگەن ىنتا ىقىلاس، وسى جولدا ءار نارسەنى ۇتىمدى پايدالانۋ مىنەزدىڭ پراگماتيزمى. زاماناۋي الەمدەگى بىردەن-بىر ۇلگى.
4. ءبىلىمنىڭ سالتانات قۇرۋى
ءبىزدىڭ قانىمىزدا بار قاسيەت - ءبىلىمدى بولۋعا ۇمتىلۋ. تابىستى بولۋدىڭ باستى فاكتورى - ءبىلىم. جىل وتكەن سايىن، ءبىز ءجۇرىسى جىلدام دامىعان داۋىرگە اياق باسىپ كەلەمىز. سوندىقتان، قۇندىلىقتار جۇيەسىندە ءبىلىمدى بارىنەن بيىك قوياتىن ۇلت بيىك تابىستارعا جەتەدى.
قورىتا ايتقاندا، بۇل ەلباسىمىزدىڭ ۇتىمدى قاعيداسى، حالقىنا دەگەن اسىل ۇندەۋ وسيەتى. رۋحاني جاڭعىرۋ - ادام بالاسىنىڭ ىشكى الەمىنىڭ جاڭارۋى، سانا-سەزىمى وزگەرىستى قابىلداي ءبىلۋى. تارلان تاريحتىڭ، جاسامپاز بۇگىنى مەن جارقىن بولاشاعىن ۇيلەسىمدى ۇيلەستىرەتىن ۇلت جادىنىڭ تۇعىرناماسى. وسى تۇعىرنامادان اۋىتقىماي، ەلباسىمىز ۇرپاققا مەنزەگەن دارا جولىمەن بيىك-بيىك شىڭداردى باعىندىراتىنىمىزعا سەنىمدىمىن!
You Might Also Like
-
رەداكتوردىڭ تەمىردەي قاتتى، سيرەك سارعىلت شاشى ۇرپە-تۇرپە: ول وي ۇستىندە. وڭ قولىڭدا ءبىر سومدىق اۆتوقالام، سول قولىندا ۋماجدالعان قاعاز.
-
كۇننىڭ ىستىعىنان كوگىلدىر اسپاننىڭ ءتۇسى وڭىپ، شاقىتىپ تۇر. جاسىل جوتانىڭ ۇستىندەگى سۇرعىلت اۋىل ەرتەڭگىسىن ەتەك-جەڭىن جيماي، كوسىلىپ جاتقانداي ەدى، ءقازىر ول دا جيىلا قالىپتى. وزەن بەتتەگى ويپات قان...
