تۇران پاديشاسى — زارينا
جيىرما بەس عاسىر بۇرىن ساقتاردىڭ پاديشاسى وجەت ءارى سۇلۋ زارينا ءومىر سۇرگەن. ءبىر كۇنى ول تۋعان جەرىنىڭ دارقان دالاسىندا سەرۋەن قۇرىپ، سەرگىپ قايتۋ ءۇشىن ساياتقا شىعادى.
اق سايگۇلىك وقتاي زۋلاپ ءدوڭ باسىنا كەلگەندە زارينا تاۋدىڭ ەتەگىندە ساپقا ءتىزىلىپ تۇرعان جاۋ اسكەرىن كورەدى. ولار دا كەنەتتەن شىعا كەلگەن سالت اتتىنى بايقاپ، قۋا جونەلەدى. زارينا قورشاۋعا الماق بولعان جاۋ اسكەرىنەن سىتىلىپ شىعىپ، اتتىڭ باسىن ەركىنە جىبەرەدى. قۋعىنشىلار ارتتا قالىپ قويادى. ءبىراق ولاردىڭ كوسەمى ستريانگەي نايزاعاي سەكىلدى قارا تۇلپارىمەن قۋىپ جەتىپ، سالت اتتىنىڭ باسىن شاپپاق بولادى. وسى ساتتە زارينانىڭ كۇمىس دۋلىعاسى ۇشىپ كەتىپ، توبەسىنە تۇيگەن قولاڭ شاشى سۋسىپ بارىپ ارقاسىنا توگىلەدى. ايەل ەكەنىن كورگەن قولباسشى قىلىشىن جەرگە شانشيدى. مويىلداي قارا كوزىنەن، حاس سۇلۋلىعىنان ەسى شىققان ستريانگەي ساق پاديشاسى ارۋ زاريناعا عاشىق بولادى. ءوزى ءور تۇلعالى، وجەت مىنەزدى ءارى قايىرىمدى حانزادانى زارينا دا ۇناتىپ قالادى.
ساق سۇلۋى مەن ميديالىق حانزادا سايات-سەرۋەندە ءجيى جۇزدەسىپ جۇرەدى. اڭعا شىققان ولاردىڭ بىر-بىرىنە دەگەن مەيىرىم-ىقىلاسى ارتا تۇسەدى. دۇشپاندىقتىڭ ورنىن دوستىق باسىپ، ەكى ەل اراسىندا تاتۋ كورشىلىك قارىم-قاتىناس ورنايدى...
وسىنداي ءبىر كەزدەسۋدە ستريانگەي زاريناعا وتاۋ كوتەرىپ، ءبىر ەل بولايىق دەگەن كوڭىلىن بىلدىرەدى. بۇل ۇسىنىستى قابىل الۋعا زارينانىڭ ءوز باسى ءازىر ەدى، ءبىراق ول ەلىنىڭ تاعدىرىن ويلايدى. ءبىر جىل بويى ويلانىپ، مىڭ تولعانعان زارينا ستريانگەيگە تۇرمىسقا شىقپايتىنىن ايتادى. ول ءۇشىن ماحابباتتان دا كۇشتى نارسە بار ەدى، ول — ەلىنىڭ تاۋەلسىزدىگى. سول كەزەڭدە تۇران مەن مەديانىڭ اراسىندا قاقتىعىس بولماپتى. بۇل زارينانىڭ جەكە باسىن باقىتسىز ەتۋ ارقىلى ەلىنە اپەرگەن بەيبىت ءومىرى بولاتىن.
You Might Also Like
-
توكسوپلازموز — ادام مەن جانۋاردىڭ ورگانيزمىندە (توكسوپلازما ارقىلى) پايدا بولاتىن وتە ءقاۋىپتى پارازيتتىك جۇقپالى اۋرۋ. بۇل دەرتپەن ادامنان باسقا 180-نەن ارتىق ءۇي جانە جابايى سۇتقورەكتىلەر اۋى...
-
توقتا، توقتاي، توقتى (ت.ج.ب. - 1313 ج.) — باتۋ حاننىڭ شوبەرەسى. ول التىن وردا تاعىنا 1291 جىلى وتىردى. العاشقى بيلىك قۇرعان جىلدارى توقتا سۋداقتاعى «وكىل اكەسى» — نوعاي قولب...
