تۇستەنۋ
قازاقتا قوناق سىيلاۋدىڭ بىرنەشە تۇرلەرى بار. سونىڭ ءبىرى - تۇستەنۋ سالتى. بۇل - كادىمگى قوناقاسىنا جاقىن عۇرىپتىڭ ءبىرى. ۇلتىمىزدىڭ ادەتى بويىنشا بىرنەشە جاس جىگىتتەر سوعىمى سەمىز، قوناقاسىعا مىرزا ۇيگە بارىپ سالەمدەسەدى. ءۇي يەسى ادەتتە قوناق بولۋعا شاقىرادى. مۇندايدا كەلگەندەر: "تۇستە كەلەمىز"، - دەپ ىقىلاسىن بىلدىرەدى. جىگىتتەردىڭ بۇل ءجۇرىسىن ءار قازاق ايتپاي-اق بىلەدى.
قازاقتا قىزىقتى ادەتتەر كوپ. مىسالى، ءبىر ۇيگە كەلگەن قوناق سول ۇيگە قولعابىن، بەلبەۋىن نەمەسە باسقا ءبىر زاتىن قالدىرادى. بۇل ونىڭ سول ءۇيدىڭ قوناعى ەكەنىن، سول ۇيگە تۇستەنۋگە نەمەسە قونۋعا كەلەتىنىن بىلدىرەدى. وسىعان سايكەس ءۇي يەسى قوناققا داستارقان قامىن جاساي بەرەدى.
بىزدە تۇستىك جانە تۇستەنۋ دەگەن ءسوز بار. بۇل ايتىلۋى جاعىنان ۇقساس بولعانمەن، ماعىناسى جاعىنان مۇلدە ەكى ۇعىمدى بىلدىرەدى. تۇستىك - ءار ادامنىڭ تۇسكى تاماعى، ول كۇن سايىن بولا بەرەتىن جاي. ال تۇستەنۋ - قوناققا ارنالعان داستارقان ءارى ۇلتتىق سالت. ولاي بولسا، تۇستەنۋ قازاق حالقىنىڭ قوناقجايلى مىنەزىن كورسەتەدى.
You Might Also Like
-
مەكتەپتەگى مۇعالىمدىك جۇمىسىنىڭ العاشقى جىلى ەدى. بىردە مەكتەپتىڭ تاربيە زاۆۋچى بۇعان: "ءجۇر، ەكەۋمىز كلاستا وتكەلى جاتقان كەزدەسۋگە بارىپ، قاتىسىپ قايتايىق"، — دەدى. تاربيە زاۆۋچ...
-
ءماشھۇر ءجۇسىپ كوپەيەۆ اتىنداعى كەڭشار جيىرماسىنشى عاسىردىڭ ەكىنشى جارتى جىلدىعىندا ەڭسە كوتەرىپ، ىرگەلى ەل قاتارىنا قوسىلعان. 1961 -جىلى سول كەزدەگى «شادىرا» سوۆحوزىنان ءبولىنىپ، جەكە سوۆح...
