InfoHub Logo

ادامدى تاربيەلەۋ – دەمەك ونىڭ ەرتەڭگى
قۋانىشقا يە بولاتىن كەلەشەك جولىن تاربيەلەۋ.
ا. س. ماكارەنكو

ۇلتتىڭ بولاشاعى – ۇرپاعىندا بولسا، ۇرپاقتىڭ تاربيەسى – ۇستاز قولىندا. ال، ۇستاز مۇراتى – جەتىلگەن، تولىققاندى ازامات تاربيەلەۋ. تاربيە بەرۋ – وزگەرمەلى ءومىر تالابىنا جاۋاپ بەرۋى ءتيىس. بۇعان قوعامدىق ومىرگە دەربەس شەشىم قابىلداپ، ويدى سانالى تۇردە تۇسىنۋگە قابىلەتتى جەكە تۇلعانى تاربيەلەمەيىنشە قول جەتكىزۋ مۇمكىن ەمەس. ۇرپاق تاربيەسى – ادامزات بالاسىنىڭ اسىل مۇراتى. ءۇشىنشى مىڭجىلدىقتا جاستار قانداي بولۋى كەرەك؟ – دەگەن جاندى سۇراق ءاربىر سانالى ادامدى ويلاندىراتىنى ءسوزسىز.

سوندىقتان دا ەلباسىمىز ن. نازاربايەۆ حالقىمىزدىڭ الدىندا: “XXI عاسىردى قۇرۋشى ىسكەر، ومىرگە يكەمدەلگەن، جان – جاقتى مادەنيەتتى جەكە تۇلعانى تاربيەلەۋ كەرەك”– دەپ جاۋاپتى مىندەت قويىپ وتىر. ياعني تاربيە جۇيەسىنە جۇكتەلەر جۇك تە جەڭىل ەمەس. قانداي ءىستى بولسىن باستاۋ، ونى ومىرگە ەندىرۋ وڭاي شارۋا ەمەس. ۇرپاق تاربيەسى – بۇل بولاشاق تىرەگى، مەملەكەتتىك ماڭىزدى ءىس. تاربيە جولى قيىن جول. ءومىردى ورنەكتەيتىن ادام ۇستاز شاكىرت الدىنداعى پارىزىن ەشۋاقىتتا ۇمىتپايدى. ءمۇلت كەتسە ۇلكەن قاتەلىك جىبەرىپ الاتىنىن بىلەدى. ال تاربيەدە كەتكەن قاتەلىكتى تۇزەۋ وڭاي ءىس ەمەس.

وقۋ-تاربيە جۇمىستارىن مازمۇندى، ۇلكەن دايارلىقپەن، جاۋاپكەرشىلىكپەن ۇيىمداستىرىپ، ۋاقىتپەن ساناسپاي، جۇزەگە اسىرۋدا باستى تۇلعالاردىڭ ءبىرى – سىنىپ جەتەكشىلەرى. شاكىرتتەرىنە باعىت-باعدار بەرىپ، ومىرلىك تاجىريبەلەرمەن تانىستىرىپ، الدىڭعى تولقىن اعالار ءومىرىن ۇلگى ەتىپ، اقىن-جازۋشى شىعارمالارىن وقىتىپ، دامىتادى. وقۋشىنىڭ كۇندەلىكتى ساباقتارعا قاتىسۋىنا، تاربيە جۇمىستارىنا بەلسەنە ارالاسۋىنا، سىنىپتان تىس جانە مەكتەپتەن تىس جۇمىستارىنا ۇلەس قوسۋىنا، ۇيىرمەگە، ادەبيەت پەن ونەرگە ىنتالانۋىنا، عىلىم مەن تەحنيكاعا قىزىعۋىنا سىنىپ جەتەكشىلەرىنىڭ تيگىزەر ىقپالى دا مول.

سىنىپ جەتەكشىلەرىنىڭ ەڭبەكتەرىنە قاراي، ءوز ۋاقىتتارىن ءتيىمدى جۇمساي بىلۋلەرىنە وراي شارتتى تۇردە ەكىگە بولۋگە بولاتىندىعىن باقىلاۋلار مەن تاجىريبەلەر كورسەتەدى:
ءبىرىنشى توپ– كۇندەلىكتى تالاپتار دەڭگەيىنەن شىعا المايتىن، ەڭبەگىن عىلىمي-ادىستەمەلىك نەگىزدە ۇيىمداستىرا الماۋىنان ورتاق جۇكتەمەدە جۇمىس ىستەيتىندەر. ءوز ەڭبەكتەرىنىڭ ناتيجەلەرىنە وزدەرى قاناعاتتانبايدى، شاكىرتتەرىنە ريزا ەمەس، سىنىپ جەتەكشىسىنەن بوساعىسى كەلەتىندەر.
ەكىنشى توپتاعىلار - جوسپارلى، جۇيەلى، اسىقپاي ەڭبەك ەتەتىندەر، شاكىرتتەرىمەن اقىلداسا، ارىپتەستەرىنەن ۇيرەنە، اتا-انالارمەن بىرلەسە جۇمىس ىستەپ، كوپشىلىكتى ىسكە ارالاستىرىپ، ءوزى دە ىزدەنىس ۇستىندە جۇرەتىندەر.

ءبىرىنشى توپتاعى سىنىپ جەتەكشىلەرىنىڭ ىس-ارەكەتتەرىن تالداساق، ساتسىزدىكتىڭ سەبەبى ولاردىڭ جۇمىس كولەمدەرىنىڭ مولدىعىنان ەمەس، ءوزارا بايلانىسپاستان، وقۋشىلاردىڭ ەڭبەكتەرىنە باعىت بەرە بىلمەۋلەرىنەن، ساپاسىز ەڭبەكتەن، دايىندىقتاردى ۋاقىتىندا جۇرگىزبەي، كەزدەيسوق تابىسقا يە بولۋدى كوزدەۋلەرىنەن. ال ەكىنشى توپتاعى پەداگوگتار وزدەرىنە كومەكشىلەر تابا بىلەدى، وقۋشىلارىنىڭ كۇشتى جانە ءالسىز جاقتارىن ەسكەرىپ، ولاردىڭ مۇمكىندىكتەرىن، ىنتاسىن ەسكەرىپ، ناتيجەلەرىن بولجاپ، وتكەندەرىنە جۇيەلى تۇردە مىنەزدەمە بەرە الادى.

بالا - ادام ءومىرىنىڭ جالعاسى بولعاندىقتان، ونىڭ دامۋى مەن قالىپتاسۋى، ياعني كىم بولاتىنى نازاردان تىس قالاتىن ماسەلە ەمەس. ك. د. ۋشينسكيي بالانى بارلىق جاعىنان تانىپ ءبىلۋدىڭ قاجەتتىلىگىن كورسەتە كەلىپ: «كىم دە كىم وقىتامىن دەسە، ول وقۋشى تالابىنا، ونىڭ ىشكى سىرىنا كوز سالۋى كەرەك» دەپ ۇيرەتتى. وقۋشىنىڭ دامۋى مەن قالىپتاسۋى تۇراقتى ءۇردىس ەمەس. بۇل جاعداي بالانى ۇزدىكسىز زەرتتەۋدى تالاپ ەتەدى. زەرتتەۋ جۇمىستارى ءار ۋاقىتتا بالانىڭ ويىن، ەڭبەك، وقۋ ءىس ارەكەتتەرى كەزىندە جۇرگىزىلەدى. سىنىپ جۇمىسىن ۇيىمداستىرۋدا سىنىپ جەتەكشىنىڭ ءرولى وتە جوعارى ەكەندىگىن ەسكەرە وتىرىپ تومەندەگى سىنىپ جەتەكشىسى قىزمەتىنە قاجەتتى ماقسات − مىندەت ەرەجەلەرىن ۇسىنامىن.

سىنىپ جەتەكشىسىنىڭ اتقاراتىن قىزمەتتەرى
1. تالداۋ قىزمەتى:
بالالار مەن جاسوسپىرىمدەردىڭ جەكە دارا ەرەكشەلىكتەرىن زەرتتەۋ؛
ءار وقۋشىنىڭ وتباسىنداعى تاربيە جاعدايىن زەرتتەپ، تالداۋ؛
سىنىپ ۇجىمىنىڭ قالىپتاسۋى مەن دامۋىن زەرتتەپ، تالداۋ؛
قورشاعان اينالاسىنىڭ سىنىپ وقۋشىلارىنا ىقپالىن زەرتتەپ، تالداۋ؛
وتكىزىلەتىن ءىس-شارانىڭ تاربيەلىك قۇندىلىعىن تالداۋ؛

2. بولجامدىق (پروگنوستيكالىق)
تاربيەلىك ىقپالمەن جوسپارلانعان ءىس-شارانىڭ ناتيجەسىن بولجاۋ؛
وقۋشىلاردىڭ جەكە دارا دامۋ دەڭگەيىنىڭ ناتيجەسىن بولجاۋ؛
ۇجىمنىڭ قالىپتاسۋى مەن دامۋ كەزەڭدەرىن بولجاۋ؛
ۇجىمداعى قالىپتاسىپ كەلە جاتقان قارىم-قاتىناستاردىڭ سالدارىن بولجاۋ (وقۋشىلار اراسىنداعى، وقۋشىلار مەن مۇعالىمدەر، اتا-انالار مەن مۇعالىمدەر اراسىنداعى)

3. كوممۋنيكاتيۆتىك:
وقۋشىلار اراسىندا ءوزارا قارىم-قاتىناس قالىپتاستىرۋ، ۇجىمعا ۇيرەتۋگە كومەكتەسۋ، قاتارلارىنىڭ اراسىندا ءوزىن قاناعاتتاندىراتىن ستاتۋسقا يە بولۋعا كومەكتەسۋ؛
«وقۋشى-وقۋشى»، «وقۋشى-اتا-انا»، «ءوقۋشى-مۇعالىم» اراسىنداعى ءوزارا قولايلى بايلانىس ورناتۋ؛
وقۋشىلاردىڭ قورشاعان ورتامەن قولايلى قاتىناس ورناتۋ:
ۇجىمدار ءار وقۋشىعا قولايلى پسيحولوگيالىق احۋال ورناتۋعا ۇلەس قوسۋ؛
4. ۇيىمداستىرۋ – ۇيلەستىرۋ:
ءار وقۋشىنىڭ دامۋ ەرەكشەلىكتەرىن پسيحولوگيالىق-پەداگوگيكالىق كارتادا كورسەتۋ؛
وقۋشىلارعا وقۋ ارەكەتىندە كومەكتەسۋ؛
ءاربىر وقۋشىعا جانە ۇجىمعا جەكە دارا ىقپال جاساۋ؛
وقۋشىلارعا ۇيىرمەلەر، كلۋبتار، سەكسيالار، بىرلەستىكتەر ارقىلى قوسىمشا ءبىلىم الۋعا كومەكتەسۋ؛
وقۋشىلار ءوزىن-وزى دامىتۋعا، ءوزىن-وزى تاربيەلەۋگە جاعداي جاساۋ، مەكتەپ پسيحولوگىمەن بىرىگىپ وقۋشىلارعا پسيحولوگيالىق ءبىلىم بەرۋ؛

وقۋشىلاردىڭ دەربەستىگى مەن قۇقىقتارىن قورعاۋ؛
وقۋشىلاردىڭ وتباسىمەن بايلانىس ۇيىمداستىرۋ: اتا-انالار جينالىسىن وتكىزۋ، اتا-انالارعا كەڭەس بەرۋ، اتا-انالاردى مەكتەپكە كومەك بەرۋگە تارتۋ، وقۋشىلاردىڭ دەنساۋلىعى مەن ومىرىنە بايلانىستى توتەنشە جاعدايلاردا اتا-انالارمەن جەدەل تۇردە بايلانىسۋ؛
ءوز سىنىبى وقۋشىلارىنىڭ ۇلگەرىمىنە بايلانىستى كىشى پەداگوگيكالىق كەڭەستەر
جۇمىسىن ۇيىمداستىرۋ، ءپان مۇعالىمدەرىنىڭ ساباقتارىنا قاتىسۋ؛
مەكتەپتەن تىس مەكەمەلەرمەن بايلانىس جانە كومەك؛

كاسىبي باعدار بەرۋ، بولاشاق ماماندىعىن تاڭداۋعا سانالى كوزقاراس قالىپتاستىرۋ؛
قاجەتتى ءىس-قاعازداردى جۇرگىزۋ (جۋرنال، ساباققا قاتىسۋىن قاداعالاۋ، وقۋشىلاردىڭ كۇندەلىكتەرىن تەكسەرۋ، جەكە ءىس-قاعازداردى، سىنىپ جەتەكشىسىنىڭ جۇمىس جوسپارى)؛
سىنىپتان تىس تاربيە جۇمىسىن ۇيىمداستىرۋعا مۇمكىندىك بەرەتىن قولايلى مەتودولوگيالىق جاعداي جاساۋعا ۇلەس قوسۋ؛
سىنىپ جەتەكشىسى ءوز قۇقىقتارىن ءبىلىپ، ورىندى پايدالانا ءبىلۋى كەرەك.

سىنىپ جەتەكشىسىنىڭ قۇقىقتارى:
وقۋشىلاردىڭ دەنساۋلىعى جانە پسيحيكالىق جاعدايى تۋرالى ماعلۇمات الىپ وتىرۋ؛
سىنىپ وقۋشىلارىنىڭ ساباققا قاتىسۋىن قاداعالاۋ؛
ۋاقىتىندا كومەك كورسەتۋ ماقساتىمەن، وقۋشىلاردىڭ وقۋداعى جەتىستىكتەرى مەن كەمشىلىكتەرى تۋرالى تولىق ماعلۇمات جيناپ وتىرۋ؛

سىنىپتاعى قىزدارمەن، ۇلدارمەن، اتا-انالارمەن وتكىزەتىن جۇمىستى مەكتەپ پسيحولوگى، الەۋمەتتىك پەداگوگتار، دارىگەر نەمەسە مەدبيكەمەن بىرىگىپ وتىرىپ جوسپارلاۋ؛
اتا-انالاردى مەكتەپكە شاقىرىپ تۇرۋ؛
مەكتەپتەگى ءوزىن-وزى باسقاراتىن ۇيىمدارعا قاتىسۋ: پەداگوگيكالىق كەڭەس، اكىمشىلىك كەڭەسى، عىلىمي-ادىستەمەلىك كەڭەس ت. ب؛
تاربيە جۇمىسىنىڭ ءار سالاسى بويىنشا ادىستەمەلىك جانە تاربيەلىك – ەكسپەريمەنتتىك جۇمىس جۇرگىزۋ؛
ءوزىنىڭ كاسىبي شەبەرلىگىن جەتىلدىرۋ فورمالارىن تاڭداپ الۋ، ادىستەمەلىك جۇمىستىڭ ءاربىر تۇرلەرىنە قاتىسۋ؛
ەگەر سىنىپ جۇمىسىنىڭ باعاسىمەن كەلىسپەسە، ءوزىنىڭ نامىسىن قورعاۋ ءۇشىن وقۋشىلاردىڭ ءوزىن-وزى باسقارۋ ۇيىمدارىندا نەمەسە مۇعالىمدەر كەڭەسىندە ءسوز سالىپ سويلەۋگە قۇقىقتى؛
سىنىپ جەتەكشىسىنىڭ....

وقۋشىنىڭ نامىسىن قورلاۋعا، قوسالقى ات قويىپ كەمىتۋگە ت. ب؛
وقۋ باعاسىن وقۋشىنى جازالاۋ ءۇشىن پايدالانۋعا؛
وقۋشىنىڭ سەنگىشتىگىن پايدالانىپ، ۋادەسىندە تۇرماي، ادەيى قاتە باعدار بەرۋگە؛
وتباسىن (تۋىسقاندارىن) وقۋشىنى جازالاۋ ءۇشىن ادەيى پايدالانۋعا؛
ارىپتەستەرىن سىرتىنان جامانداۋعا، بەدەلىن تۇسىرۋگە قۇقى جوق. .
سىنىپ جەتەكشىسى ءىس-قاعازدارىن جۇرگىزىپ، ەسەپ بەرىپ وتىرۋعا ءتيىستى.
سىنىپ جەتەكشىسى تومەندەگىدەي ءىس-قاعازدار جۇرگىزەدى:
سىنىپ جۋرنالى؛

سىنىپ ۇجىمىمەن وتكىزەتىن تاربيە جۇمىسىنىڭ جوسپارى؛
سىنىپ جەتەكشىسىنىڭ داپتەرى؛
وقۋشىلاردىڭ كۇندەلىكتەرى؛
وقۋشىلاردىڭ جەكە قۇجاتتارى؛
وقۋشىلاردى زەرتتەۋگە ارنالعان پسيحولوگيالىق-پەداگوگيكالىق كارتالار؛
تاربيەلىك شارالار جيناقتالعان پاپكالار؛
سىنىپ جەتەكشىسى ۇنەمى ءبىلىمىن جەتىلدىرىپ، زاڭدارمەن تانىسىپ وتىرۋى كەرەك.
سىنىپ جەتەكشىسى نەنى بىلۋگە ءتيىس:
قازاقستان رەسپۋبليكاسىنىڭ «ءبىلىم تۋرالى» زاڭىن؛
بالالار قۇقىعى تۋرالى كونۆەنسيانى (1993)؛
پەداگوگيكانى، ەتنوپەداگوگيكانى، ەتنوپسيحولوگيانى، مەكتەپ گيگيەناسىن؛
پەداگوگيكالىق ادەپتى؛

تاربيە جۇمىسىنىڭ ادىستەمەسى مەن تەورياسىن؛
ەڭبەك زاڭىنىڭ نەگىزدەرىن؛
ءوز سىنىبىنىڭ تاربيە جۇمىسى جوسپارىن جاساي ءبىلۋ؛
تاربيەلىك ءىس-شارانى ۇيىمداستىرا الۋى: اڭگىمە، پىكىرتالاس، ەكسكۋرسيا، جورىق، سىنىپ ساعاتى ت. ب؛
اتا-انالار جينالىسىن ۇيىمداستىرۋى جانە وتكىزۋى؛
پسيحولوگيالىق-پەداگوگيكالىق تەستىلەردى، انكەتالاردى، سۋالنامالاردى ءوز جۇمىسىندا سىپايى پايدالانا الۋى؛
سىنىپ جەتەكشىسى جىل بويى تومەندەگىشە جۇيەلى تۇردە قىزمەت اتقارادى.
كۇندەلىكتى اتقاراتىن قىزمەتى:
ساباققا كەشىگىپ كەلگەن وقۋشىلارمەن جۇمىس جانە كەيبىر وقۋشىلاردىڭ ساباققا قاتىسپاي قالعان سەبەپتەرىن انىقتاۋ؛

وقۋشىلاردىڭ تاماقتانۋىن ۇيىمداستىرۋ، سىنىپ كابينەتىندە كەزەكشىلىك ۇيىمداستىرۋ، وقۋشىلارمەن جەكە جۇمىس؛
اپتا سايىن وتكىزىلەتىن جۇمىس:
وقۋشىلاردىڭ كۇندەلىكتەرىن تەكسەرۋ، جوسپار بويىنشا سىنىپپەن ءىس-شارا وتكىزۋ (اپتاسىنا 1 رەت سىنىپ ساعاتى)؛
اتا-انالارمەن جۇمىس، ءپان مۇعالىمدەرىمەن جۇمىس؛
وقۋشىلاردىڭ اۋىرىپ قالۋىنا بايلانىستى العان انىقتاماسى بويىنشا مەكتەپ دارىگەرىمەن كەزدەسۋ؛

اي سايىن:
ءوز سىنىبىنداعى ساباقتارعا قاتىسۋ، مەكتەپ پسيحولوگىمەن كەزدەسۋ؛
اتا-انالار كوميتەتىمەن كەزدەسۋ؛ جۇمىس جوسپارلاۋعا بايلانىستى ماجىلىسكە قاتىسۋ؛
توقسان سايىن:
توقسان بويىنشا سىنىپ جۋرنالىن تولتىرۋ، سىنىپ جەتەكشىسىنە ارنالعان جۋرنالدى تولتىرۋ، اتا-انالار جينالىسىن وتكىزۋ؛
توقسان بويىنشا تاربيە جۇمىسىن قورىتىندىلاۋ، جاڭا توقسانعا جوسپاردى تولتىرۋ، وزگەرىستەر ەنگىزۋ؛
جىلىنا 1 – رەت:
اشىق ءىس-شارا وتكىزۋ، وقۋشىلاردىڭ جەكە قۇجاتتارىن تولتىرۋ؛
سىنىپ جۇمىسىنىڭ جوسپارىن جاساۋ جانە تالداۋ؛
سىنىپتىڭ ستاتيستيكالىق كورسەتكىشتەرى (1 قىركۇيەك كۇنى)
سىنىپ جەتەكشىسىنىڭ جىل بويى اتقارعان قىزمەتىن مەكتەپتىڭ تاربيە ءىسى جونىندەگى ورىنباسارى ەسەپكە الىپ، سىنىپ جەتەكشىلەر وتىرىسىندا قورىتىندىلاپ، باعالايدى. سىنىپ جەتەكشىسىنىڭ ءبىر جىلدىق جۇمىسىنىڭ ناتيجەسى مىنا كورسەتكىشتەر ارقىلى قورىتىندىلانادى:

تاربيە جۇمىسىنىڭ جوسپارىن جانە وعان ەسكەرتۋلەردى تالداۋ ارقىلى؛
وقۋشىلاردىڭ وقۋ جىلى اياعىندا تولتىرعان انكەتالارىن تالداۋ ارقىلى؛
سىنىپ جەتەكشىسىمەن وقۋ جىلىنىڭ اياعىندا ونىڭ مىندەتتەرى تۋرالى وتكىزگەن سۇحبات - اڭگىمە ارقىلى؛
مەكتەپ باسشىلارىنىڭ جىل بويى سىنىپ جەتەكشىسى ۇيىمداستىرىپ، وتكىزگەن ءىس-شارالارىن تالداۋ ارقىلى؛
سىنىپ وقۋشىلارىنىڭ جالپى مەكتەپ ءىس-شارالارعا قاتىسۋىن تالداۋ ارقىلى؛
سىنىپ جەتەكشىسىنىڭ جۇمىسىن باعالاۋ ولشەمدەرى:
 سىنىپ ءومىرىنىڭ رەتتەلگەندىگى، جونگە كەلگەندىگى؛
 سىنىپ ۇجىمىنىڭ قالىپتاسقاندىعى جانە كەمەلدەنگەندىگى؛
 سىنىپتىڭ جالپى پسيحولوگيالىق احۋالى؛

 ءاربىر ۇجىم مۇشەسىنىڭ الەۋمەتتىك تۇرعىدان قامقورلىققا الىنعاندىعى؛
 وقۋشىنىڭ جالپى مادەنيەتىنىڭ جانە تاربيەلىك دەڭگەيىنىڭ ءوسۋى؛
 سىنىپ جەتەكشىسىنىڭ بەلسەندى پوزيسياسى؛
 عىلىمي-زەرتتەۋ جانە تاجىريبەلىك – ەكسپەريمەنتتىك جۇمىسقا قاتىسۋى؛
 اتا-انالاردى سىنىپ ۇجىمىنىڭ ىس-ارەكەتىنە ارالاستىرۋى؛
 سىنىپ جەتەكشىسىنىڭ جۇمىسىن باعالاۋدا پايدالانىلاتىن نەگىزگى كريتەرييلەر: وقۋشىلاردىڭ تاربيەلىك دەڭگەيلەرىنىڭ ءوسۋى، ولاردىڭ ينتەللەكتۋالدىق، ادامگەرشىلىك، ەستەتيكالىق، قۇقىقتىق، جىنىستىق جانە دۇنيەتانىمدىق دامۋى.

ءوزىم 29 جىل بويى باستاۋىش سىنىپ مۇعالىمىمەن قاتار سىنىپ جەتەكشى قىزمەتىن اتقارىپ كەلەمىن. وسى جىلدار ىشىندە مەكتەپىشىلىك، اۋداندىق، وبلىستىق سايىستارعا قاتىناسىپ، ارىپتەستەرىمەن تاجىريبە الماستىم. وبلىستىق «ۇلتتىق تاربيە، رۋحاني-ادامگەرشىلىك جانە جالپى ادامزاتتىق قۇندىلىقتاردى قالىپتاستىرۋ جانە دامىتۋ: ىس-تاجىريبەلەر، جاڭا باعىتتارى» تاقىرىبىندا وتكەن عىلىمي-پراكتيكالىق كونفەرەنسياعا قاتىناسىپ، ارىپتەستەرىممەن وي ءبولىسىپ، وقۋشىلاردى رۋحاني-ادامگەرشىلىككە تاربيەلەۋ جولدارى تۋرالى ۇسىنىس پىكىرلەرىم جيناق كىتاپقا ەندى.

تاربيە باعىتتارى بويىنشا 3-سىنىپتا وتكىزگەن «سىنىپ ساعاتىنىڭ توپتامالارى» حالىقارالىق دەڭگەيدە وتكەن «شاعىن جيناقتى مەكتەپ: قازىرگى جايى دامۋ بولاشاعى» حالىقارالىق عىلىمي پراكتيكالىق كونفەرەنسيانىڭ كورمەسىنە ۇسىنىلدى. اۋداندىق «سىنىپ جەتەكشى-2012» بايقاۋىنا قاتىناسىپ ءىى ورىنعا يە بولسام، مەكتەپىشىلىك «سىني تۇرعىدان ويلاۋ تەحنولوگياسىنىڭ ادىستەرىن قولدانۋ» تاقىرىبىنداعى سەميناردا ىس-تاجىريبەم تاراتىلدى.

«جەكە تۇلعانىڭ ادامگەرشىلىك كوزقاراسىن قالىپتاستىرۋ جولدارى» تاقىرىبىندا شىعارماشىلىق جۇمىسپەن اينالىسىپ كەلەمىن. سىنىپ جەتەكشىسىنە ارنالعان جۋرنال قۇراستىردىم. جۋرنالدا سىنىپ جەتەكشىسىنىڭ اتقاراتىن بارلىق جۇمىستارى جيناقتالعان. سىن تۇرعىسىنان ويلاۋ تەحنولوگياسى بويىنشا كۋرستان ءوتىپ، تاربيە جۇمىسىندا قولدانىپ وتىرامىن. وسىنداي جۇمىستارىمنىڭ ناتيجەسىندە اۋداندىق ءبىلىم، دەنەشىنىقتىرۋ جانە سپورت ءبولىمىنىڭ العىس حاتى مەن قۇرمەت گراموتاسىمەن ماراپاتتالدىم.

قازىرگى قوعامىمىزدا بولاشاق ۇرپاقتى تاربيەلەۋدە ءار ۇستاز ءوز شەبەرلىگىن وقۋ– تاربيە ۇردىسىندە جاڭا پەداگوگيكالىق تەحنولوگيانى جەتىك مەڭگەرۋمەن قاتار شىعارماشىلىقپەن جۇمىس جۇرگىزۋگە ءتيىس. جاس شىبىق يىلۋگە قانداي يكەمدى بولسا، جاس بالا دا تاربيەنى قابىلداۋعا سولاي بەيىم. سوندىقتان ۇرپاق جايىنداعى وزىق ۇلتتىق مۇرانى بۇگىنگى وقۋ– تاربيە ۇردىسىنە ەندىرۋ اسا ماڭىزدى. “ەل بولامىن دەسەڭ، بەسىگىڭدى تۇزە”- دەپ زامانىمىزدىڭ زاڭعار جازۋشىسى م. اۋەزوۆ ايتقانداي، ەل بولاشاعى جاسوسپىرىمدەردىڭ سانالى دا ونەگەلى تاربيەسىنە تىكەلەي بايلانىستى. وسى قاعيدانى، ەرەجەلەردى جۇزەگە اسىرعاندا ءبىز بولاشاعىمىزعا زور سەنىممەن قارايمىز.