InfoHub Logo

پاۆلودار وبلىسىندا 2،4 ماۋسىم كۇندەرى وتكەن ۇبت-نىڭ ناتيجەسىندە 275 تۇلەك شەكتى بالل جيناي المادى. ولاردىڭ 42ء-سى «ەكىلىك» دەگەن باعا العان.  

بۇل تۋرالى پاۆلودار وبلىسىنىڭ ءبىلىم سالاسىنداعى باقىلاۋ دەپارتامەنتى ءبىلىم ساپاسىن سىرتتاي باعالاۋ ءبولىمىنىڭ باسشىسى اليەۆتينا ۆەدەل ءمالىم ەتتى، دەپ حابارلايدى pavlodarnews.kz.

- بيىل 2 564 پاۆلودارلىق تۇلەك ۇبت-عا قاتىستى. تەستىلەۋدەگى ورتاشا كورسەتكىش 88،2 باللدى قۇرادى. بۇل بىلتىرعى جىلمەن سالىستىرعاندا 8 ۇپايعا جوعارى. ايماق بويىنشا ەڭ جوعارى بالل (100،14) وبلىستىق مامانداندىرىلعان مەكتەپ تۇلەكتەرىنىڭ ەنشىسىندە. ال اۋداندار اراسىندا باياناۋىلدىق تۇلەكتەر تەستىلەۋدەن 94،83 ۇپايمەن كوش باستادى. ەكىنشى ورىندى ەرتىس اۋدانىنىڭ مەكتەپ بىتىرۋشىلەرى (94،65)، ءۇشىنشى ورىندى لەبياجى اۋدانىنىڭ تۇلەكتەرى (90،02) يەلەندى، - دەيدى اليەۆتينا ۆەدەل.

  ءبولىم باسشىسىنىڭ ايتۋىنشا، «التىن بەلگىگە» ۇمىتكەر 115 تالاپكەردىڭ 78ء-ى ءوز ءبىلىمىن راستادى. تەستىلەۋ بارىسىندا ءار پۋنكتتە ءتارتىپ ساقشىلارى مەن مەديسينا سالاسىنىڭ ماماندارى جۇمىس ىستەپ، تۇلەكتەردىڭ قۇقىعىن بۇزۋ فاكتىلەرى تىركەلمەگەن. تەستىلەۋدىڭ الدىندا 1133 جانە اۋديتوريادا 1511 تىيىم سالىنعان زات الىنعان. 

---