ۇبت كەزىندە «التىن بەلگى» يەگەرلەرىنە ءبىر عانا جەڭىلدىك بەرىلەدى
ۇكىمەتتىڭ بۇگىنگى وتىرىسىندا ءبىلىم جانە عىلىم ءمينيسترى ەرلان ساعادييەۆ «التىن بەلگى» يەگەرلەرى مەن xالىقارالىق وليمپيادا جەڭىمپازدارىنىڭ بارلىق وقۋشىلارمەن بىرگە ۇلتتىق ءبىرىڭعاي تەستىلەۋگە قاتىساتىنىن جەتكىزدى. الايدا ولار ءۇشىن ءبىر جەڭىلدىك قاراستىرىلعان.
ۆيسە-مينيستر ەلميرا سۋxانبەردييەۆانىڭ ايتۋىنشا، ۇلتتىق ءبىرىڭعاي تەستىلەۋ كەزىندە «التىن بەلگى» يەگەرى قاتارداعى مەكتەپ وقۋشىسىمەن تەڭ ۇپاي جيناسا، مەملەكەتتىك گرانت دارەجەسى جوعارى تۇلەككە بەرىلەدى.
«ءيا، جەڭىلدىك تەك قاتارلاسپەن تەڭ ۇپاي العان جاعدايدا عانا بەرىلەدى. ماسەلەن، ەگەر «التىن بەلگى» يەگەرى مەن تورت-بەسكە وقىعان بالا بىردەي ۇپاي سانىن جيناسا، وندا مەملەكەتتىك گرانت «التىن بەلگى» يەگەرىنە تاپسىرىلادى. دەگەنمەن، ونداي جاعدايلار از. سەبەبى «التىن بەلگى» يەگەرلەرى ءوز دارەجەسىنە ساي ءبىلىمدى كورسەتۋگە تىرىسۋى قاجەت»، - دەيدى ە.سۋxانبەردييەۆا.
ۇبت-نىڭ جاڭا فورماتىن تالقىلاۋ بارىسىندا قوعام تاراپىنان «التىن بەلگى» يەگەرلەرىن تەستىلەۋدەن مۇلدەم بوساتۋ تۋرالى ۇسىنىس بولعان. الايدا مينيسترلىك ونى قولداعان جوق.
«بىرىنشىدەن، ۇلتتىق ءبىرىڭعاي تەستىلەۋدەن «قازاقستان تاريxى» ءپانىن الىپ تاستاۋدى ۇسىنعان. شىنىمەن دە، قازىرگى كەزدە ونى ەكى رەت: مەكتەپتە جانە تەست كەزىندە تاپسىرادى. الايدا مينيسترلىك ونى قالدىرۋ قاجەت دەپ سانايدى. سەبەبى بۇل - وتە ماڭىزدى ءپان. ەكىنشىدەن، «التىن بەلگى» يەگەرلەرى، سان الۋان xالىقارالىق وليمپيادالار مەن جوبالاردىڭ جەڭىمپازدارىن ۇبت-دان بوساتۋ تۋرالى ۇسىنىس بولعان. ءبىز ونى دا قولداعان جوقپىز. بىزدىڭشە، ۇلتتىق ءبىرىڭعاي تەستىلەۋدى بارلىق وقۋشىلار تاپسىرۋى ءتيىس»، - دەدى ە.ساعادييەۆ.
ايتا كەتەيىك، كەلەسى جىلدان باستاپ تۇلەكتەر مەكتەپ ديپلومىن الۋ ءۇشىن بولەك ەمتيxان تاپسىرادى. ال جوعارى وقۋ ورنىنا ءتۇسۋ ءۇشىن ءبىرىڭعاي ۇلتتىق تەستىلەۋدى تاپسىرۋ قاجەت. ۇبت-دا «التىن بەلگى» اتاعىن دالەلدەۋدىڭ قاجەتى جوق. ونى مەكتەپتەردىڭ وزدەرى راستايدى.
You Might Also Like
-
«ۇستاز اتى - بيىك، ءارى ماڭگىلىك» سەبەبى، ءبۇلدىرشىن جاس ۇرپاقتى تاربيەلەيتىن ۇستاز. ءمۇعالىم ماماندىعى – بارلىق ماماندىقتىڭ اتاسى. ول - بارلىق ماماندىقتىڭ كوشباسشىسى. ۇستاز - بۇل ءار...
