ۇبت تاپسىرۋ پروسەسىن ارنايى مونيتورينگ توبى قاداعالايدى
ۇلتتىق تەستىلەۋ ورتالىعى ۇبت وتكىزۋ كەزىندە ارنايى مونيتورينگ توپتارىن جۇمىلدىرۋ تۋرالى باستاما جاسادى.
ۇلتتىق تەستىلەۋ ورتالىعىنىڭ باستاماسىمەن ۇلتتىق ءبىرىڭعاي تەستىلەۋدىڭ اشىقتىعى مەن وبەكتيۆتىلىگىنە قوعامدىق باقىلاۋ جۇرگىزۋ ماقساتىندا قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىنىڭ ىسكە اسىرىلۋىن سىرتقى تالداۋ جانە باعالاۋدىڭ ارنايى مونيتورينگتىك توبىنىڭ وكىلدەرى جۇمىلدىرىلادى.
«13 قاڭتاردا سىبايلاس جەمقورلىققا قارسى ءىس-قيمىل اگەنتتىگىندە ۇلتتىق تەستىلەۋ ورتالىعى، سىبايلاس جەمقورلىققا قارسى قىزمەت جانە وڭىرلەردەگى ارنايى مونيتورينگتىك توپ وكىلدەرىنىڭ قاتىسۋىمەن جۇمىستىق ءماجىلىس وتكىزىلدى. ۇلتتىق ءبىرىڭعاي تەستىلەۋدى وتكىزۋ قاعيدالارىنا سايكەس، 2020 جىلى 16-20 قاڭتار ارالىعىندا 99 پۋنكتىنىڭ بازاسىندا ۇبت وتەدى» دەلىنگەن حابارلامادا.
جوعارى وقۋ ورنىنا اقىلى نەگىزدە ءتۇسۋ ءۇشىن ۇبت جىلىنا 4 رەت وتكىزىلەدى (قاڭتار، ناۋرىز، ماۋسىم جانە تامىز). بۇل رەتتە وقۋعا تۇسۋشىلەر ءبىلىم گرانتىن تاعايىنداۋ كونكۋرسىنا قاتىسۋ ءۇشىن ماۋسىم ايىندا وتكىزىلەتىن ۇبت-نى تاپسىرۋى قاجەت. جالپى، ۇبت-نى تاپسىرۋ فورماتى وزگەرىسسىز. بۇل نورما جوعارى ءبىلىم الۋعا قولجەتىمدىلىكتى ارتتىرۋ ماقساتىندا ەنگىزىلدى.
ۇبت-عا قاتىسۋ ءۇشىن قۇجاتتاردى قابىلداۋ 2019 جىلى 1-15 جەلتوقسان ارالىعىندا ءبىرىڭعاي اقپاراتتىق جۇيە ارقىلى جۇزەگە اسىرىلدى. ناتيجەسىندە، ۇبت - عا قاتىسۋعا 95 مىڭنان اسا ادام ءوتىنىش بەردى.
وسى ۇبت-عا ورتا مەكتەپتەردىڭ 11 (12) سىنىپ وقۋشىلارى، ءبىرىنشى اكادەميالىق وقۋ كەزەڭىن اياقتاعانعا دەيىن (شارتتى تۇردە قابىلداۋ) جوو-عا قابىلدانعان تۇلعالار، سونداي-اق شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىندا وقيتىن جانە باسقاسىنا اۋىسۋعا نيەت بىلدىرگەن ستۋدەنتتەر قاتىسادى.
وڭىرلەرگە قازاقستان رەسپۋبليكاسى ءبىلىم جانە عىلىم مينيسترلىگىنىڭ وكىلدەرى جىبەرىلەتىن، اپەللياسيالىق كوميسسيالار قۇرىلاتىن، مەديسينالىق كومەك كورسەتۋ پۋنكتتەرى ۇيىمداستىرىلاتىن جانە تەستىلەۋ بارىسىندا قاۋىپسىزدىك قامتاماسىز ەتىلەتىن بولادى. بۇدان باسقا قاجەت بولعان جاعدايدا، جەكە كومەكشىلەر، سونداي-اق ەرەكشە ءبىلىم بەرۋ قاجەتتىلىگى بار بالالارعا ارنالعان سۋردواۋدارماشىلار ۇسىنىلاتىن بولادى.
ۇبت وتكىزۋ ءۇشىن جەرگىلىكتى جەرلەردە 594 ادامنان تۇراتىن ۇبت ۇيىمداستىرۋ جانە وتكىزۋ بويىنشا مەملەكەتتىك كوميسسيالار قۇرىلدى. مەملەكەتتىك كوميسسيانىڭ قۇرامىنا وبلىستار نەمەسە رەسپۋبليكالىق ماڭىزى بار قالالار اكىمدىكتەرىنىڭ وكىلدەرى، قۇقىق قورعاۋ ورگاندارىنىڭ، قوعامدىق ۇيىمداردىڭ، بۇقارالىق اقپارات قۇرالدارىنىڭ وكىلدەرى كىردى.
ۇبت-دا 820 اۋديتوريا پايدالانىلادى. بارلىق اۋديتوريالار ۇيالى بايلانىس قۇرالدارىنىڭ جۇمىسىن باساتىن قۇرالدار جانە بەينەباقىلاۋ كامەرالارىمەن قامتاماسىز ەتىلگەن.
You Might Also Like
-
المەرەك باتىردىڭ جورىققا اتتانۋدى مۇلدە توقتاتىپ، ەل ىشىندەگى تىنىش تىرشىلىك ارەكەتتەرىنىڭ قالىپتاسۋىنا ءبىرجولا دەن قويۋعا اۋىسقان كەزى ەكەن. كۇنى-تۇنى ەلدىڭ قامىن ويلايدى. «از حالىق ەدىك، ازى...
-
ىسقاق بابتىڭ ۇرپاقتارىنان تارايتىن يبراھيم شايحتان ەكى بالا بولادى. سولاردىڭ ءبىرىنىڭ اتى احمەت بولادى. بىردە بالا احمەت ۇيدەن شىقسا، اتاسى يبراھيم شايح شۇقشيىپ جەر شۇقىلاپ وتىر ەكەن.
