ۇلى مارتەبە
بۇگىن ەلۋ سەگىزىنشى جىلدىڭ ون ەكىنشى دەكابرىندە موسكۆادا قازاق كوركەمونەر مەن ادەبيەتىنىڭ ونكۇندىگى باستالماق. ەلىمىزدىڭ جاسى جاس تا بولسا ەگدەلەرمەن جارىسا ءوسىپ كەلە جاتقان كوركەمونەرى مەن ادەبيەتى سىنعا تۇسكەلى تۇر. ەسكى قورىمىز شاعىن، وكتيابردەن كەيىن عانا قاتارعا قوسىلعان جاڭا تۇلەك ەلمىز. سوۆەت جەرىندە جاڭالار ءوسىپ، ەسكىلەر وشە بەرەتىنى، ءار ۇلتتىڭ، ءار حالىقتىڭ جاسامپاز قۋاتى ارتا بەرەتىنى بەلگىلى. ءسوز جوق، ءبىز دە وستىك، كۇشەيدىك. ءبىراق قاي دارەجەدە؟ وسىنى ءبىلۋ قاجەت. قازاقتىڭ ونەرپاز ۇلدارى مەن قىزدارى موسكۆاعا، ول ارقىلى جەر جۇزىنە حالىقتىڭ يگى تابىستارىن ماقتانا كورسەتۋمەن قاتار، بۇدان دا جوعارى كورەتىن ويلار الىپ قايتۋعا ءتيىستى.
بۇگىن تاڭدا قولىمىز نەگە جەتسە، سوعان جەتكىزگەن موسكۆا. موسكۆا دەگەندى الدىمەن ورىس حالقى، ونىڭ دانىشپان ۇلى لەنين، لەنيندىك ورتالىق كوميتەت، كوپ ۇلتتىڭ وكىلدەرىنەن قۇرىلعان سوۆەت ۇكىمەتى ەستە تۇرادى. موسكۆا — باسشى، قامقورشى، كومەكشى عانا ەمەس، سونىمەن قابات ءادىل سىنشى.
ءقازىر قازاق حالقى، بۇكىل رەسپۋبليكامىز لۇپىلدەگەن جۇرەكپەن موسكۆاعا قۇلاق توسۋدا. ءقازىر سوۆەت جەرىندە كۇللى راديو، تەليەۆيدەنيە، باسپا ءسوز موسكۆاداعى قازاق ءۇنىن بۇكىل دۇنيەگە جايۋدا. قانداي قۋانىش! قانداي ۇلى مارتەبە!
ميلليونداردىڭ بۇل نازارىنا قازاق كوركەمونەرى مەن ادەبيەتى، ونىڭ قايراتكەرلەرى ابىرويلى وتكەي-اق، مەرەيى ۇستەم بولعاي-اق.
1958
You Might Also Like
-
وكتيابر تاڭى اتقالى قىرىق جىل. قىرىق جىلدا جاسالعان جاڭالىقتارعا قاراسام كوز جەتپەيدى، ايتۋعا ءسوز جەتپەيدى. جەرىم، ەلىم، ويىم — ءبارى وزگەرگەن. وزگەرمەگەن، جاڭارماعان نە قالدى؟ بۇعان جاۋاپتى ءى...
-
جازۋشىلاردىڭ جۋىردا كرەمل سارايىندا وتكەن ءۇشىنشى سەزى ادەبيەت جايىن التى كۇن اڭگىمە ەتتى. سوۆەت ەلىندەگى، سوسياليستىك، كاپيتاليستىك سىرتقى ەلدەردەگى ۇلىلى-كىشىلى حالىقتاردىڭ ءبارىنىڭ دەرلىك سەزگە...
