ۇلكەن شالشىقشى
ۇلكەن شالشىقشى — اق سەلەۋلى قازاقستان دالاسىنىڭ اشەكەيى. ءبىزدىڭ دالامىزداعى ەڭ ۇلكەن شالشىقشى. ۇزىن اياقتار، جىڭىشكە ۇزىن ءدوعاتارىزدى تومەنگە يىلگەن تۇمسىعى بار. جونى اشىق سۇر ءتۇستى، تەك قۇيرىق ءۇستى اق ءتۇستى. جەردە جۇرەتىن قۇس، بۇتالارعا وتىرا الادى. توتەنشە جاعدايدا، مىسالى جارالى بولعاندا عانا جۇزەدى. ۇلكەن جالپاق قاناتتارىمەن بويلاي جانە باياۋ قاعىپ، جاقسى ءارى ۇزاق ۇشادى. داۋىسى — ادەمى، اۋەندى، ءجاي دىرىلدەگەن ىسقىرىق. مۇنداي دىبىستى ەرتەلى-كەش ويناق سالىق ۇشقاندا شىعارادى. كۇندىز بەلسەندى، كوكتەمگى جانە كۇزگى قونىس اۋدارۋ كەزىندە، تۇندە دە ۇشادى. جاندىكتەرمەن جانە باسقا دا ۇساق جانۋارلارمەن قورەكتەنەدى، كەيدە دانمەن دە قورەكتەنەدى. جۇپتاسىپ تىرشىلىك ەتەدى. قۇرعاق ءشوپ توسەلگەن شۇڭقىر ۇياسىنا انالىعى 4 سارعىش جاسىل تەڭبىلدى جۇمىرتقالارىن سالادى. اتالىعى مەن انالىعى كەزەكتەسىپ باسىپ شىعارادى، بالاپاندارىن بىرگە ىلەستىرە ءجۇرىپ، بىرگە قورعايدى. اڭشىلار ءۇشىن ۇلكەن شالشىقشى پاتشا قىر قۇسى بولىپ ەسەپتەلىنەدى.
قازاقستاندا ەدىل-جايىق وزەندەرىنەن ەرتىسكە دەيىن، ياعني رەسپۋبليكانىڭ سولتۇستىك بولىگىندە كەزدەيسوق كەزدەسىپ قالادى. سانى بەلگىسىز، جىلىنا 10-عا دەيىن شالتىقشى ەسەپكە الىندى. شەكتەۋ فاكتورلارى انىقتالماعان.
You Might Also Like
-
ءۇستىرت ارقارى — دەنە ءپىشىنى ورتاشا، ۇزىن اياقتى جابايى قوي (اتالىعىنىڭ دەنەسىنىڭ ۇزىندىعى 160 سم، سالماعى — 70 كگ؛ انالىعى — 140 سم، سالماعى — 40 كگ). ول ءۇستىرتتىڭ ويپاتقا با...
-
جايلاۋ. ساۋمال جەلى قاراعاي باسىن ىرعاعان سالقىن ءتۇن. ارعى شەتى قاراڭعىلىق قۇشاعىنا استاسىپ، تۇتاس بەتتى الىپ جاتقان قالىڭ قاراعاي. بەرگى ەتەگىندە شاعىن اۋىل. شاماسى ەلۋ-الپىس، ىلعي شاكەنە يت ارقال...
