ءۇستىرت ارقارى
ءۇستىرت ارقارى — دەنە ءپىشىنى ورتاشا، ۇزىن اياقتى جابايى قوي (اتالىعىنىڭ دەنەسىنىڭ ۇزىندىعى 160 سم، سالماعى — 70 كگ؛ انالىعى — 140 سم، سالماعى — 40 كگ). ول ءۇستىرتتىڭ ويپاتقا باعىتتالعان جىرالارىندا — قارىنجارىق قۇمى مەن كەندىرلىسور ءشولدى جازىقتىعىندا، سونىمەن قاتار، ماڭقىستاۋ تۇبەگىنىڭ ويپاتى مەن تۇبەگىندە مەكەندەيدى.
اتالىقتارىنىڭ قىستا باسىنا دەيىن جەتەتىن، موينى مەن كەۋدەسىندەگى ۇزىن (30 سم)، قالىڭ جۇندەرى جاقسى جەتىلگەن، ونى «جاعاسى» دەپ اتايدى. جوعارعى جاعى اق ءتۇستى، ال تومەنگى جاعى قارا تۇسكە بويالعان. باسىن ەڭكەيتكەندە وسى «جاعاسى» جەرگە تيەدى. كارى اتالىقتارىنىڭ ءمۇيىزى تولىق بۇراما قۇرايدى، ال انالىقتارىندا كىشىلەۋ ءدوعاتارىزدى ءمۇيىز. ءۇستىرت ارقارى — وتە ەلگەزەك، ول تىك جاردان تەز ءتۇسىپ، تەز شىعادى، بيىك جەردەن تومەنگە وڭاي سەكىرەدى، جوعارىعا 1 مەتر بيىكتىككە سەكىرە الادى. ماردىمسىز ءشول وسىمدىكتەرىمەن قورەكتەنەدى، اششى جانە تۇششى سۋلاردى ىشەدى. تاڭەرتەڭ جانە كەشكە بەلسەندى. قازاننان جەلتوقسانعا دەىن كۇيلەيدى، وسى كەزدە اتالىقتارى مەن انالىقتارى ارالاس ءۇيىر قۇرايدى. قوزىلارى ادەتتە ساۋىردە تۋىلادى، انالىقتارى ولاردى قازانعا دەيىن سۇتىمەن قورەكتەندىرەدى. جىلدىڭ كوپ ماۋسىمىندا ءۇيىر بولىپ جۇرەدى، باسشىسى جاۋىنان قورعايدى. نەگىزگى جاۋلارى — قاسقىرلار جانە براكونەرلەر. قازاقستانداعى سيرەك كەزدەسەتىن بۇل ءتۇردى قورعاۋ ءۇشىن ءۇستىرت قورىعى جانە ەكى زوولوگيالىق قورىقشا قۇرىلدى، ال ءۇستىرت ارقارى قازاقستاننىڭ قىزىل كىتابىنا ەنگىزىلدى.
You Might Also Like
-
موسى — شوڭكە اسۋ ءۇشىن نەمەسە ورمەك ءجىبىن كەپتىرۋ ءۇشىن پايدالانىلاتىن قۇرال. موسى ءۇش بولشەكتەن تۇرادى. ولار — موسىنىڭ سيراعى، ءتىلى (ىلگەگى) جانە شىعىرشىق. موسىنىڭ ءۇش سيراعى بولادى. ونى ت...
-
ۇلكەن شالشىقشى — اق سەلەۋلى قازاقستان دالاسىنىڭ اشەكەيى. ءبىزدىڭ دالامىزداعى ەڭ ۇلكەن شالشىقشى. ۇزىن اياقتار، جىڭىشكە ۇزىن ءدوعاتارىزدى تومەنگە يىلگەن تۇمسىعى بار. جونى اشىق سۇر ءتۇستى، تەك قۇيرى...
