InfoHub Logo

ۇبت دەپ ايتىپ باستاماس بۇرىن مەن ءوز مەكتەبىمدى تىلگە تيەك ەتسەم دەيمىن. مەن №34 مەكتەپتە وقيمىن، جانە ماقتانىش ەتەمىن. مەكتەبىمىز جەتىستىكتەر بيىگىنەن كورىنۋدە. جەتىستىك كىلتى ۇستازدەرىمىزدا، ول كىسىلەردىڭ مەكتەپ ءۇشىن سىڭىرگەن ەڭبەگى زور دەپ بىلەمىن. وسى مەكتەپ قابىرعاسىنداعى ءاربىر كۇنىم بالالىق شاعىمنىن قۇندى ەستەلىكتەردىڭ ءبىرى. 45 مينۋتتىڭ ءوزى قىزىققا تولى، ەش ۋايىمسىز وتكەن ۋاقىتىم ەكەنىن كەش ۇعىنعاندايمىن. ياعني مەن مەكتەپتەن تۇلەپ ۇشقالى تۇرعان تۇلەگىمىن.

مەن ۇبت جايلى ايتپاسام بولماس ارينە، سەبەبى سول سىناقتان ءوزىم وتكەلى تۇرمىن. قازىرگى ساتتە تۇلەكتەرگە ۇلتتىق بىرىڭعاي تەستىلەۋدى 4 رەت تاپسىرۋعا مۇمكىندىك الدىق. ارينە قۋانىشتى جايت، دەگەنمەن اقىلى بولىمگە تۇسۋشىلەر ءۇشىن وتە ءتيىمدى. ەگەر تالاپكەر اقىلى بولىمگە تۇسۋگە جەتكىلىكتى بالل جيناسا ونى راستايتىن قۇجات بەرىلەدى. سول قۇجات پەن اقىلى بولىمگە تۇسە الادى.

بىلەسىز بە الەمدە ءبىز بەن ءسىز بىلمەيتىن قىزىقتار قانشاما؟ سولاردىڭ بىرنەشەۋىن ايتا كەتەيىن. 

جاپونيادا وقۋشىلار ەمتيحانعا '' kitkat'' شوكولادىن الىپ كىرەدى ەكەن. ولار ونى ساتتىلىك اكەلەدى دەپ ەسەپتەيتىن كورىنەدى.

ءسىز قارت ستۋدەنتتەر جايلى بىلەسىز بە؟ ءيا، ادام سەنگىسىز. ەۋروپا دا بار ەكەن مىسالى: شۆەساريادا ستۋدەنتتەردىڭ ورتا جاسى 25،5. 

نورۆەگيادا ستۋدەنتتەرگە كەز كەلگەن ۋنيۆەرسيتەتتەردىڭ ەسىگى اشىق. ول دەگەنى بارلىق وقۋ ورىندارىن تەگىن وقيدى ءتىپتى ولارعا كرەديت بەرىلەدى ەكەن.

شەتەلگە كوز جۇگىرتىپ بولدىق قازاقستانعا كەلەيىك. بىزدە جاعداي قانداي؟ جاعداي دەگەنىم ءبىلىم ساپاسى ارينە. ءسىز قالاي جاۋاپ ايتار ەدىڭىز؟ كوڭىلىڭىز تولا ما؟ مەن بۇل سۇراقتارعا بىلاي جاۋاپ بەرەر ەدىم. كوڭىلىم تولمايدى، الاڭدايمىن، ءبىلىم سالاسى قۇلدىراپ جاتىر. مەنىڭ ءبىلىم سالاسىن سىناۋىما ەش قۇقىم جوق شىعار بالكىم، ءبىراق مەن دە وسى قازاقستان ازاماتشاسى بولعاندىقتان ءوز ويىمدى اشىق جەتكىزە ءبىلۋىم كەرەك، ءبىز دەموكراتيالى مەملەكەتپىز.

ۇبت-عا ورالساق جالپى تۇلەكتەرگە ايتقىم كەلەتىنى سىزدەر سىناقتى ويلاپ قوبالجىماڭىزدار. ول جاي عانا سىناق. ءبىز پەندە بولعاندىقتان ءبىزدى الدا اللانىڭ سىناعى كۇتىپ تۇر. ومىرىمىزدەگى سىناقتار ەش ەسكەرۋسىز كەلەدى. ال ۇبت-نى 11 سىنىپقا  كەلمەي جاتىپ تا ەسكەرتەدى. ءبىز جاي عانا 11 جىلعى ءبىلىمىمىزدى دالەلدەيمىز. ۇبت عا دايىندىققا 365 كۇن بەرىلەدى ءتيىمدى پايدالانا ءبىلۋ كەرەك.

كەڭەس بەرە كەتەيىن. ۇلىلاردىڭ ءسوزىن ۇران ەتيپ الىڭىز. مىسالى مەن ۋيليام  ارتۋردىڭ "جەتىستىك كىلتى: بىرەۋلەر ۇيىقتاپ جاتسا دايىندالىڭىز. بىرەۋلەر ويناپ وتىرسا ەڭبەك ەتىڭىز بىرەۋلەر. بىرەۋلەر تىلەپ وتىرسا ارمانداڭىز" وسى ءسوزى ماعان موتيۆاسيا بەرەدى. وسى سوزبەن مەن سۇرىنسەم تۇرامىن، جالىقسام جۇباتامىن، شارشاسام كۇش الامىن. ءوزىم سەكىلدى تۇلەكتەر قانشاما؟ مەن جاي عانا سىزدەرگە موتيۆاتسيا بەرگىم كەلەدى. سەبەبى وسىنداي موتيۆاسيالىق ماقالالار جوقتىڭ قاسى. 

ءومىر ادامعا ءبىر رەت بەرىلەدى دەيدى عوي. سوندىقتان ەش وكىنبەستەي ەتىپ ءومىر سۇرۋگە تىرىسايىق. وسى تۇستا چارلي ءچاپليننىڭ "ءومىر جاقىننان قاراساڭ تراگەديا، الىستان قاراسان كومەديا" دەگەن ءسوزى ويىما ورالدى. وقىپ، ويلانا وتىرىپ ەرىكسىز ەزۋگە كۇلكى كەلەدى.

---