«ءۇش» العان جوو ستۋدەنتتەرى ستيپەنديادان ايىرىلمايدى
اكادەميالىق ادامدىق ليگاسىنا مۇشە جوعارى وقۋ ورىندارى ستۋدەنتتەر اراسىندا ۇشتىك باعانىڭ ازايىپ كەتۋىنە الاڭداۋلى.
اكادەميالىق ادالدىق ليگاسى ءوز قۇرامىنداعى 12 جوو ستۋدەنتتەرىنىڭ باعاسىنا تالداۋ جاساعان. ناتيجەسىندە، ستۋدەنتتەرگە "وتە جاقسى" جانە "جاقسى" باعالارى ءجيى قويىلاتىنى انىقتالعان.
م. نارىكبايەۆ اتىنداعى قازگيۋۋ ۋنيۆەرسيتەتىنىڭ رەكتورى تالعات نارىكبايەۆتىڭ ايتۋىنشا، ستۋدەنتتەردى ستيپەنديادان ايىرماۋ ءۇشىن وقىتۋشىلار باعانى كوتەرمەلەپ قويۋعا ءماجبۇر.
"كوپتەگەن وقىتۋشىلار ستۋدەنتتەرگە "قاناعاتتانارلىق" باعاسىن قويعىسى كەلمەيدى، سەبەبى مەملەكەتتىك گرانتتا وقيتىن ستۋدەنت ۇشتىك السا، ستيپەندياسىنان ايىرىلادى. ستيپەنديانىڭ ستۋدەنتكە بەرىلەتىن الەۋمەتتىك كومەك ەكەنىن ەسكەرە وتىرىپ، ق ر ءبىلىم جانە عىلىم مينيسترلىگىنىڭ "قاناعاتتانارلىق" باعاسىن العان ستۋدەنتكە دە ستيپەنديا بەرۋ باستاماسىن قولدايمىز. وسىلايشا، وقىتۋشىلار ستۋدەنتتى ءادىل باعالاي الادى. مۇنداي تالداۋدى ەلىمىزدەگى بارلىق جوو-دا جۇرگىزۋ كەرەك"، - دەدى تالعات نارىكبايەۆ استانادا وتكەن ق ر بعم القاسىنىڭ كەڭەيتىلگەن وتىرىسىندا.
ونىڭ ايتۋىنشا، اكادەميالىق ادالدىق ليگاسىنا مۇشە ءبىلىم بەرۋ ۇيىمدارىندا باعالاردىڭ 55 پروسەنتى - "وتە جاقسى" جانە "جاقسىعا" تيەسىلى. كەي جاعدايلاردا "قاناعاتتانارلىق" جانە "قاناعاتسىز" باعالارى ەش ستۋدەنتكە قويىلماعان.
"بۇل جاعداي ستۋدەنتتەردىڭ جەتىستىگى تۋرالى بۇرىس پىكىر قالىپتاستىرادى. ءدال وسى بالالار ەكونوميكانىڭ ناقتى سەكتورلارىندا باسەكەگە جاراماي جاتادى. اكادەميالىق ادالدىق ليگاسىنىڭ بارلىق مۇشەلەرى 2019 جىلدىڭ 1 ماۋسىمىنا دەيىن باعالاردىڭ ورتاشا كورسەتكىشىن ەنگىزۋى كەرەك"، - دەدى ول.
القا وتىرىسىنا قاتىسقان ق ر ءبىلىم جانە عىلىم ءمينيسترى ەرلان ساعادييەۆ بۇل شارالاردىڭ ستۋدەنتتەردى ءادىل باعالاۋ مەن سىبايلاس جەمقورلىقتىڭ الدىن الۋعا دا كومەكتەسەتىنىن ايتتى.
"ءبىلىم بەرۋ سالاسىنداعى باقىلاۋ كوميتەتى مەن ىشكى اۋديت قىزمەتىنە بارلىق جوو ستۋدەنتتەرىنىڭ ءتيىستى ستيپەنديالارىن العانىن تەكسەرۋدى تاپسىردىم. بۇعان دا القا شەشىمى كەرەك. ەگەر ەشكىم قارسى بوملاسا، ستيپەنديالار بويىنشا ۇسىنىستاردى تالقىلايىق"، - دەدى مينيستر.
قازاقپارات
You Might Also Like
-
الماتى قالاسى قوجا احمەت ياسساۋي اتىنداعى №123 مەكتەپ-گيمنازيانىڭ 6 «ءا» سىنىپ وقۋشىسى بوجبانوۆا مادينا
-
ءبىزدىڭ ويلاۋ جۇيەمىز ءمىنسىز ەمەس، وندا ۇلكەن قاتەلىكتەر مەن ولقىلىقتار جەتىپ ارتىلادى. ىرىكتەپ العان ءبىزدىڭ پسيحيكامىزدىڭ جۇمىسى تۋرالى قىزىقتى 4 فاكتىنى وقىپ شىققان سوڭ، ادامدار قالايشا بايىپتاپ ءا...
