InfoHub Logo

ءبىزدىڭ ويلاۋ جۇيەمىز ءمىنسىز ەمەس، وندا ۇلكەن قاتەلىكتەر مەن ولقىلىقتار جەتىپ ارتىلادى. ىرىكتەپ العان ءبىزدىڭ پسيحيكامىزدىڭ جۇمىسى تۋرالى قىزىقتى 4 فاكتىنى وقىپ شىققان سوڭ، ادامدار قالايشا بايىپتاپ ارەكەت ەتەتىنىنە تاڭ قالۋىڭىز مۇمكىن.

ءبىزدىڭ قىسقامەرزىمدى جادىمىزداعى اقپاراتتىڭ ساقتالىپ تۇرۋ ۋاقىتى 20 سەكۋندتى قۇرايدى، ال ەگەر ءبىز ونى قايتالاماساق، تەز ارادا ۇمىتىلىپ كەتەدى. سوڭعى دەرەكتەرگە قاراعاندا ادام ءبىر ۋاقىتتا ويىندا اقپاراتتىڭ ارى دەگەندە 7 بلوگىن ۇستاپ تۇرا الادى. بۇل ءبىز جادىمىزدا تەك جەتى سيفرلىق ءماندى ساقتاي الاتىنىمىزدى، ەگەر سان ۇلكەنىرەك بولسا، ونى ەستە ساقتاۋ قيىندىق تۋدىراتىنىن بىلدىرەدى. وسى سەبەپتى، ەستە ساقتاۋدى وڭايلاتۋ ءۇشىن، تەلەفون ءنومىرى بىرنەشە سيفرلىق بلوكقا بولىنەدى.  

وقۋعا كەڭەس بەرەمىز:

ەستە ساقتاۋعا ارنالعان بۇل 7 ءادىس ءوي-ورىسىڭىزدى كەڭەيتەدى

ەستە ساقتاۋ، زەيىن سالۋ جانە وي جيناقتاۋعا پايدالى 10 ازىق

جاڭا مالىمەتتى ەسكە ساقتاۋدىڭ ۇزدىك ءادىسى

زاتتاردى ءسىز قالاي كورەتىنىڭىز بەن ولاردىڭ شىن مانىندە قانداي ەكەنىنىڭ ايىرماشىلىعى جەر مەن كوكتەي. ءبىزدىڭ مىيىمىزدى الداۋ وپ-وڭاي، بۇنى كەمبريدج ۋنيۆەرسيتەتىنىڭ پسيحولوگتارى تاجىريبە ارقىلى دالەلدەپ بەردى. قوڭىراۋ سوعىلعاننان كەيىن ستۋدەنتتەر ءدارىسحانادان كەتىپ بارا جاتقاندا ءبىر كىسى باسقا ءبىر كىسىگە پىشاقپەن ۇراتىنداي قولىن جۇمسايتىن كورىنىس قويىلدى، ءبىراق ءبىرىنشى كىسى قولىندا پىشاقتى ەمەس، كادىمگى باناندى ۇستاپ تۇرعان ەدى.  بۇدان كەيىن «ءتارتىپ بۇزۋشىنى»، ستۋدەنتتەردى سەندىرۋ ءۇشىن، پوليسيا ۇستاپ الىپ كەتتى-مىس. ستۋدەنتتەردەن سۇراستىرعان كەزدە ولاردىڭ 95% شابۋىلداعان كىسىنىڭ قولىندا پىشاق بولعانىن كورگەندەرىن ايتىپ، ءتىپتى ءقاۋىپتى قارۋدى تولىقتاي سيپاتتاپ بەردى. بۇل ءبىزدىڭ سىرتتان كەلەتىن اقپاراتتى تىكەلەي قابىلدامايتىنىمىزعا، ونى ءبىزدىڭ مىيىمىزداعى ساقتاۋلى تاجىريبەمىز بەن ەسىمىزدە قالعان دەرەكتەر ارقىلى وڭدەپ تاستايتىنىمىزعا بايلانىستى. ادامداردىڭ كوپشىلىگىنىڭ ساناسىندا بۇنداي قيمىل قولعا پىشاق نەمەسە باسقا وتكىر زات ۇستاپ ۇرۋمەن بايلانىسىپ قالعان، سوندىقتان مىيىمىز ناقتى جاعدايدى وزىندەگى ۇعىمدار ارقىلى بەينەلەپ بەردى.  

وقۋعا كەڭەس بەرەمىز: پسيحولوگيالىق تاجىريبەلەر

ءسابي شاعىمىزدا اتا-انالارىمىز ءوز قالاعاندارىمىزدى دەرەۋ قاناعاتتاندىرۋدان باس تارتۋ قابىلەتىن ءبىزدىڭ بويىمىزعا ءسىڭىرىپ تاستايدى دا، بەلگىلى بولعانىنداي، بۇل قابىلەت ءبىزدىڭ ارى قارايعى ومىرىمىزگە قاتتى ىقپال ەتەدى. بۇل پايدالى داعدىعا كىشكەنتاي كەزىنەن باستاپ ماشىقتانعان ادامنىڭ زەيىنى كوبىرەك دامىعان بولادى جانە ول سترەسستى وڭاي ىقتىرا الادى. بۇنداي ادامدار ىجداھاتتىلىعى مەن شىدامدىلىعى ارقاسىندا وقۋ بارىسىندا اقپاراتتى جاقسى مەڭگەرەدى.

وقۋعا كەڭەس بەرەمىز:  ادامداردىڭ ومىردە كوپ جىبەرەتىن 5 قاتەلىگى

پسيحولوگتاردىڭ تۇجىرىمداۋىنشا، ەگەر ءبىز جاقسى ادەتتى نەمەسە ءتيىمدى مىنەز-قۇلىق ءموتيۆىن قالىپتاستىرۋدى قالاساق، وعان كەم دەگەندە 70 كۇن قاجەت ەتىلەدى. ءدال وسىنداي ۋاقىت ارالىعىندا ءبىزدىڭ قالىپتاسقان داعدىمىز بەكىپ بولادى. سوندىقتان، ەگەر ءسىز تاڭەرتەڭ سپورتپەن شۇعىلدانۋعا داعدىلانعىڭىز كەلسە، بۇگىن باستاپ كەتكەنىڭىز ءجون. جاڭا داعدىنى بويىڭىزعا دارىتۋ بارىسىندا بىر-ەكى كۇن ءۇزىلىس بولىپ قالسا، ەشتەڭە ەتپەس، ءبىراق ودان اسىپ كەتكەن دەمالىس بارلىق ەڭبەگىڭىز ەش كەتەدى.  

وقۋعا كەڭەس بەرەمىز:

كۇنىنە بىرنەشە مينۋت قانا بوس ۋاقىتىڭ بولا تۇرا، ءوزىڭدى جانە ءوز ءومىرىڭدى قالاي وزگەرتۋگە بولادى

مي جانە دەنساۋلىق

---