عىلىمي گرانتتاردى ءبولۋ تىكەلەي ەفيردە جۇرگىزىلەدى
ق ر ءبىلىم جانە عىلىم ءمينيسترى ەرلان ساعادييەۆ عىلىمي گرانتتاردى اشىق ءارى ءادىل ءبولۋ جولدارىن ۇسىندى.
"ەلباسى تاپسىرماسىنا سايكەس، جاس عالىمدارعا ارنالعان گرانتتاردى 3 ملرد تەڭگەگە ۇلعايتۋ جوسپاردا بار. سونىمەن قاتار، عىلىمدى قارجىلاندىرۋ جولدارى مەن ۇلتتىق عىلىمي كەڭەستى (ۇعك) رەفورمالاۋ تولىق قارقىنمەن ءجۇرىپ جاتىر. بىرىنشىدەن، ۇعك جاڭارتىلعان قۇرامى جوباسى مينيسترلىك سايتىندا تۇر. عىلىمي قاۋىمداستىقتان بارلىق ۇمىتكەرلەر بويىنشا پىكىر ايتۋلارىن سۇرايمىن. نارازىلىق بولسا دا، ءقازىر ايتۋ كەرەك. بارلىق پىكىرلەر اشىق تۇردە جاريالانادى جانە ءاربىر پىكىرگە قۇلاق اسامىز. الداعى 20 كۇن ىشىندە ۇعك جاڭا قۇرامى تۋرالى بارلىق پىكىر قابىلدانادى"، - دەدى ەرلان ساعادييەۆ استانادا مينيسترلىك القاسىنىڭ كەڭەيتىلگەن وتىرىسىندا
سونىمەن بىرگە، مينيستر ۇلتتىق عىلىمي كەڭەس وتىرىستارىن اشىق وتكىزۋ جولدارىن ايتىپ بەردى.
"عىلىم كوميتەتىنە بارلىق نورماتيۆتىك قۇجاتتامانى تۇزەتۋ تۋرالى تاپسىرما بەردىك. جاڭا ءنورماتيۆتى دە سايتقا سالدىق. ۇشىنشىدەن، عىلىم كوميتەتىنە ۇعك كەلەسى وتىرىسىن تىكەلەي ەفيردەن ترنسلياسيالاۋدى تاپسىردىق. ال گرانتتاردىڭ ءبولىنۋى ۇلكەن زالدا ءباسپاسوزدىڭ قاتىسۋىمەن وتەدى. بارلىعى اكۆاريۋمدەگىدەي اشىق ءوتۋى ءتيىس"، - دەدى ە. ساعادييەۆ.
قازاقپارات
You Might Also Like
-
ديسلەكسيا — بۇل ءجيى-جيى ديسگرافيامەن بىرگە جۇرەتىن ماتىندەردى وقۋ داعدىلارىن يگەرۋگە قاۋقارسىزدىق. ونىڭ بىرنەشە ءتۇرى بار. الايدا بۇل كەسەلدىڭ ادامنىڭ ينتەلەكتۋالدىق الەۋەتىنە اسەرى جوق. ۆ. ا....
-
تولە بي الىبەك ۇلى (1663—1756) — قازاقتىڭ تاۋكە، بولات، ابىلمامبەت، جولبارىس، ابىلاي حاندارى تۇسىندا مەملەكەت باسقارۋ ىسىنە ارالاسقان اسا ءىرى مەملەكەت جانە قوعام قايراتكەرى، ويشىل دانا، ...
