InfoHub Logo

ۇستاز بولۋ – جۇرەكتىڭ باتىرلىعى،

ۇستاز بولۋ - سەزىمنىڭ اقىندىعى.

ۇستاز بولۋ – مىنەزدىڭ كۇن شۋاعى،

ۇستاز بولۋ – ادامنىڭ اسىلدىعى.

عافۋ قايىربەكوۆ

ناعىز ۇستاز بولۋ – ەكىنىڭ ءبىرى يگەرىپ كەتە بەرەتىن شارۋا ەمەس. بالا جانىنىڭ باعبانى  اتانعان ۇستاز ءبىلىم – بىلىگىن شەبەرلىكپەن ۇرپاققا ۇعىندىرىپ، سول جولدا ەڭبەكتەنەدى.

ءاربىر ادام – شەشىلمەگەن جۇمباق، تاۋسىلمايتىن سىر، شابىتتى جىر، سارقىلمايتىن  تەڭىز ىسپەتتى. سەبەبى، بەس ساۋساق بىردەي ەمەس سياقتى، ءاربىر ازاماتتىڭ ءوز تۇلعا بويىنا لايىقتى جاقسىلىعى بارشىلىق. سونداي كەرەمەت جاقسىلىقتاردى بويىنا جيناعان بىلىكتى مامان،  ۇستازداردىڭ ۇستازى، بەدەلدى ءمۇعالىم –توبىقوۆ ماۋلەن اعايىم.

شاكىرتتىڭ جۇرەك كىلتىن تاۋىپ، قارىم – قابىلەتىن اشۋ، ۇلتىنىڭ سالت – ءداستۇرىن، ءتىلىن قۇرمەتتەۋگە باۋلۋ، ونەرگە دەگەن قۇشتارلىعىن وياتۋ – ۇستازدىڭ باستى ماقساتى. وسى باعىتتاعى ءىسى ىلگەرى باسسا، ونىڭ العا قويعان مۇراتىنىڭ ورىندالعانى. جىلدار بويى ۇلتتىق مۇددەنى كوزدەپ، سۇيىكتى ماماندىعىمەن ەل كەلەشەگى ءۇشىن ادال تەر توگىپ، جەمىسىن دە كورىپ كەلە جاتقان جان. ۇلاعاتتى ۇستازىن ۇلگى تۇتىپ، پەداگوگتىك جولعا تۇسكەن شاكىرتتەرى دە قانشاما؟!

توبىقوۆ ماۋلەننىڭ ونەگەلى ۇستاز بولۋىنىڭ، اتا – انا مەن وقۋشىلار ىقىلاسىنا بولەنۋىنىڭ تامىرى تەرەڭدە جاتقان سىڭايلى. «جامان وقۋشى جوق، جامان ءمۇعالىم بار» دەگەن قاعيدانى ومىرلىك ۇستانىمىنا اينالدىرعان توبىقوۆ ماۋلەن ۇستازىمنىڭ ەڭبەك جولى ۇلگى الارلىق تۇتاستاي ءبىر ءومىر مەكتەبى دەۋگە تۇرارلىق. ويتكەنى بۇل كىسىنىڭ بويىنان دانالىقتىڭ بەينەسىن كورۋگە بولادى.

اياۋلى دا، قۇرمەتتى توبىقوۆ ماۋلەن! سىزگە ءوزىمنىڭ شەكسىز العىسىمدى ايتا كەلىپ، جىل وتكەن سايىن بيىكتەي بەرەتىن ادال جۇرەكتى ۇستاز ەكەنىڭىزدى، مىنا ولەڭ شۋماقتارىمەن جەتكىزگىم كەلەدى:

ءسىز داراسىز بۇگىنگى ۇلكەن كىشىدەن،

شاكىرتىڭىز كورىنسىن ۇلگى ىسىمەن.

باقىتتى بوپ، ۇزاق عۇمىر كەشىڭىز،

جەڭىستەرگە جەتىپ ءبىلىم كۇشىمەن!

نۇرگەرىم ماقسۇت ۇلى

---