InfoHub Logo

وسىمدىك ءومىر ءسانى، تابيعات كوركى، دارى-دارمەك. ولار بولمەمىزدى تەك ادەمى ەتىپ كورىك بەرە قويماي، كوڭىل-كۇيىمىزدى كوتەرىپ، وتىرعان ورتادا جاقسى اتموسفەرا  قالىپتاستىرادى. ولاردىڭ كەيبىرى تىنىشتاندىرا الاتىن قاسيەتكە يە جانە ۇيقىنىڭ ساپاسىن ارتتىرا الادى.

Bilim-all.kz ۇيقىنىڭ جايلى بولۋىنا ىقپال ەتەتىن 5 وسىمدىكتىڭ ءتىزىمىن جاسادى.

پالما (Areca)

بۇل وسىمدىك اۋانى توكسيندەر مەن كومىرقىشقىل گازىنان تازارتادى. سونىمەن قاتار اۋاعا ىلعال تاراتادى، بۇل اسىرەسە بولمە جىلىتۋ قۇرالدارى قوسىلعان كەزدە وتە قاجەت. بولمەنىڭ اۋاسى قۇرعاق كەزدە تاپتىرمايتىن وسىمدىك.

 

الوە (Vera)

بۇل وسىمدىك ەمدىك قاسيەتتەرىنەن وزگە، اۋا قۇرامىنداعى فورمالدەگيد پەن باسقا دا زياندى زاتتاردى ازايتادى. تۇنگى ۋاقىتتا وتتەگى بولەدى، ادەتتە وزگە وسىمدىكتەرگە مۇنداي قاسيەت ءتان ەمەس. بۇدان باسقا، الوە بولەتىن فيتوسيدتەر اعزاعا جاقسى اسەر ەتەدى جانە يممۋنيتەتتى كوتەرەدى.

 

فيكۋس (Benjamina)

اۋا تازارتۋ جاعىنان الدىڭعى قاتاردا تۇراتىن وسىمدىك. اۋانى ساپاسىز سينتەتيكالىق جابىندىلاردان، لينولەۋم مەن دسپ-دان بولىنەتىن بەنزول، اممياك، تولۋول مەن باسقا دا زياندى قوسپالاردان 70%-عا دەيىن تازارتادى.ول وسى قوسپالاردى قايتا وڭدەيدى، سونىمەن قاتار ميكروبتاردىڭ جارتىسىن جويادى. ۇيقىعا جاقسى اسەر ەتەدى جانە دە جاتىن بولمەدە ادەمى كورىنەدى.

 

سانسيەۆيەريا (Trifasciata)

بۇل وسىمدىك تىنىس الۋ جۇيەسى مەن يممۋنيتەتكە جاقسى اسەر ەتەدى. ەگەر ۇيدە وسى وسىمدىك تۇراتىن بولسا، وندا ۇيدەگى ادامدار اۋا-رايىنىڭ وزگەرۋى سالدارىنان باس اۋرۋ جانە قىسىمنىڭ كەنەت وزگەرۋىمەن سيرەك اۋىراتىن بولادى. تۇندە، ۇيىقتاپ جاتقان كەزدە، ول دا وتتەگى بولەدى جانە اۋانى جاعىمدى سالقىن ەتەدى.

 

قىرىققۇلاق (Boston)

قىرىققۇلاقتىڭ پايدالى قاسيەتتەرى – ونىڭ قۇندى حيميالىق قۇرامىندا. وسىمدىك ەفير مايلارىنا، فلاۆونيدتەرگە جانە باسقا دا زاتتەكتەرگە باي. سول سەبەپتى بۇل وسىمدىك جۇيكە جۇيەسىنىڭ جۇمىسىنا جاقسى اسەر ەتەدى، سترەسسكە توتەپ بەرۋگە كومەكتەسەدى.

---