ادامعا ورتانىڭ اسەرى بار ما؟
بەلگىلى اكتەر داۋرەن سەرعازين بولسا، «بارلىق نارسە قورشاعان ورتاعا بايلانىستى، ال ورتانى ادام ءوزى تاڭدايدى»، -دەپ قىسقا قايىردى.
ال ءسىز قالاي ويلايسىز؟ ورتانىڭ اسەرىنەن وزگەرگەن كەزىڭىز بولدى ما؟
سەرىكبول حاسان، جۋرناليست:
— قاي جاعىنان السا دا، ورتانىڭ ادامعا اسەرى بار. ماسەلەن، ەكولوگيا دەپ قارايىق. ەكولوگيا لاستانعان سايىن، ادامنىڭ دا قابىلەتى ازايادى. ادام — اللانىڭ تابيعاتقا لايىقتاپ جاساعان تۋىندىسى. سوندىقتان دا، تابيعات ادامنىڭ كوڭىل-كۇيىنە، دەنساۋلىعىنا، تىپتەن ومىرىنە دە اسەر ەتەدى. الماتىنىڭ اسفالتىندا جۇرگەن كەزدەگى اۋراڭىز بەن مەدەۋدەگى كوڭىل-كۇيىڭىزدىڭ ۇقسامايتىنى دا سودان. ورتا دەگەننىڭ ءبىرى — ادامنىڭ ءوزى. سوندىقتان، ادام ادامعا اسەر ەتەدى. مۇسىلمانشىلىقتا مۇنى «ادام — ادامنىڭ ايناسى» دەپ تۇسىندىرەدى. ماسەلەن، ءسىزدىڭ دوسىڭىز وتە مەيىرىمدى، ادال، ادىلەتتى، يماندى جان بولسا، ءسىزدىڭ دە سول باعىتتا بوي تۇزەۋىڭىز كامىل عوي. سول سياقتى، ورتاڭىزداعى دوستارىڭىز جاعىمسىز مىنەز-قۇلىققا يە بولسا، جامان ادەتتەرگە ۇيىرسەك كەلسە، مۇنىڭ ۇشقىنى دا ءسىزدىڭ قوراڭىزعا تيەتىنى انىق. سوندىقتان، ەكى جاقتا دا ورتانىڭ ادامعا اسەرى بار. ال ءسىز قانداي ورتانى تاڭدايسىز،قالاي ءومىر سۇرگىڭىز كەلەدى، ول ءسىزدىڭ ەركىڭىزدەگى شارۋا.
گۇلميرا سۇلتانبايەۆا،
ساياسي عىلىمدارىنىڭ دوكتورى، پروفەسسور:
- ورتانىڭ اسەرى بار، ارينە، ءبىراق ادامنىڭ تاڭداۋ ەركى دە بار. ماعان ءوزىمنىڭ ەركىم كوپ كومەك بەردى-اۋ دەپ ويلايمىن. مەن وسكەن ورتا تىم شاعىن اۋىل بولدى، مەكتەپ — اۋىلداعى ەڭ الىسى. نەگىزى، بىلىمگە، جۋرناليستيكاعا دەگەن ماحاببات بالا كەزىمنەن بولدى.
بەلگىلى اكتەر داۋرەن سەرعازين بولسا، «بارلىق نارسە قورشاعان ورتاعا بايلانىستى، ال ورتانى ادام ءوزى تاڭدايدى»، -دەپ قىسقا قايىردى.
ال ءسىز قالاي ويلايسىز؟ ورتانىڭ اسەرىنەن وزگەرگەن كەزىڭىز بولدى ما؟
You Might Also Like
-
زاماناۋي ءبىلىم جۇيەسى ەسكىرىپ، جاڭا زاماننىڭ تالاپتارىنا ساي كەلمەي جاتقانىن بايقاۋعا بولادى. تەحنولوگيالىق پروسەسس جاعدايدى وزگەرتۋى ءتيىس.
-
ءار ادام ءومىرىن جايلى ءارى ىڭعايلى ەتكىسى كەلەدى. كەڭ ءۇي، جاڭا اۆتوكولىك، جۇمساق توسەك، جىلدام ىستەيتىن كومپيۋتەر. وركەنيەتتىڭ بۇل يگىلىگىنەن باس تارتۋ اقىماقتىق بولار ەدى.
