InfoHub Logo

جاس ونەرتاپقىشتاردىڭ ءومىرىمىزدى ىڭعايلى ەتۋگە قوسقان ۇلەسى از ەمەس. ءتىپتى 17 قاڭتار كۇنى بۇكىل الەم بويىنشا ونەرتاپقىش-بالالار كۇنى دە اتاپ وتىلۋدە. بۇل داتا امەريكانىڭ مەملەكەت قايراتكەرى، ديپلومات، عالىم، ونەرتاپقىش جانە جۋرناليست بەندجامين فرانكلينءنىڭ تۋعان كۇنىنەن الىندى. بەن فراكلين 12 جاسىندا العاشقى بولىپ - شومىلۋ بارىسىندا ەكى قولعا كيىلەتىن ەسكەكتى ويلاپ تاپتى.

كەيىننەن ب.فرانكلين كوپتەگەن سىناقتار جاساپ، عىلىمي زەرتتەۋلەرىن جالعاستىردى جانە الەمدىك عىلىمعا سۇبەلى ۇلەس قوستى. عالىمنىڭ كەيبىر تۇجىرىمدارى داۋىردەن بىرنەشە جىل العا وزىق بولدى. ونىڭ كوپتەگەن ونەر تابىستارىنىڭ اراسىندا تەربەلمەلى-كرەسلو، بيفوكالدى كوزىلدىرىك جانە باسقالارى بار.

كوبىمىز بالالاردىڭ يدەيالارىن شىنداپ قابىلدامايمىز. بۇل بەكەر ەكەن، سەبەبى وسكەلەڭ ۇرپاقتىڭ پايدالى ونەرتابىستارىمەن قۋانتقان كەزدەرى از ەمەس. ءبىز سىزدەرگە بالالار ويلاپ تاپقان ەڭ تانىمال ونەرتابىستار جايلى ايتپاقپىز.

قار كەشكىش

ويلاپ تاپقان: جوزەف-ارمان بومباردە، 15 جاس

ون بەس جاسقا تولعاندا جوزەف-ارمان بومباردەگە ونەرتابىس جاساۋعا مۇمكىندىك تۋادى. اكەسى بالاسىنا توزىعى شىققان ەسكى «Ford T» سىيلايدى. ونى ايداۋعا كەلمەيتىنىن تۇسىنگەن بالا تاجىريبە جاساپ كورۋگە بەل بۋادى. فوردتى بىرنەشە بولىككە بولگەن ول كولىكتى جەتىلدىرىپ، قار كەشكىشكە اينالدىرادى.

برايل ءشريفتى

ويلاپ تاپقان: لۋي برايل، 15 جاس

ون بەس جاسار لۋي برايل، اسكەري ىستە قولدانىلاتىن ارنايى «قارا شريفتپەن» تانىسقان سوڭ ءوز ءشريفتىن ويلاپ تابادى. وسىلايشا، ميلليونداعان زاعيپ ادامدارعا قاجەتتى اقپاراتتى وقۋ ارقىلى بىلۋگە مۇمكىندىك بەردى.

جۇك تاسىعىش ويىنشىعى

ويلاپ تاپقان: روبەرت پەچ، 6 جاس

التى جاسار روبەرت پەچ بولماعاندا جۇك تاسىعىش جانە باسقا دا وندىرىستىك كولىكتەرگە ۇقساس ويىنشىقتاردىڭ پايدا بولۋىن ءالى تالاي ۋاقىت كۇتەر ەدىك. بالاعا شاناعى ارتقا قاراي سەرپىلەتىن كولىكتەردىڭ ۇناعانى سونشا، ول قايتا-قايتا سونىڭ سۋرەتىن سالا بەرگەن. كەيىن اكەسى بالاسىنىڭ سونداي ءبىر سۋرەتىنەن ويىنشىق جاساپ شىعارىپ ولار ونى پاتەنتەپ تە الادى. وسىلايشا جۇك تاسىعىش ويىنشىقتاردىڭ پايدا بولۋىنا ىقپال ەتەدى.

ءبينتتى اۋىرتپاي الۋعا ارنالعان قۇرال

ويلاپ تاپقان: الاننا مايەرس، 8 جاس

سەگىز جاسار الاننا مايەرس ءجيى قۇلاپ، تىزەسىن جارالاپ الاتىن بولعان، ال كەيىن جازىلىپ كەلە جاتقان تەرىگە جابىسىپ قالاتىن ءبينتتى الۋدان قاتتى قورىققان. اۋرۋحانادان شىققان سوڭ، قىز تىزەسىنە جابىسقان ءبينتتى اۋرۋ تۋدىرماي الۋ ءۇشىن ارنايى قوسپا ويلاپ تاپتى. سابىن، سۋ جانە لاۆاندا ەسسەنسياسىنان تۇراتىن قاراپايىم قۇرال كوپتەگەن ادامدى اۋرۋ سەزىمىنەن قۇتقاردى.

باسپا گرافيكاسىنىڭ جاڭا ءتۇرى

ويلاپ تاپقان: اناستاسيا روديمينا، 10 جاس

ون جاسار اناستاسيا روديمينا كلياكسوگرافيا ارقىلى سۋرەت سالۋعا ۇلكەن قىزىعۋشىلىعىن ءبىلدىردى. بىردە قىز سۋرەتىن اق پاراقتاردىڭ اراسىندا، تەرەزەنىڭ الدىندا ۇمىتىپ كەتەدى. ۋاقىت وتە كەلە سۋرەتتىڭ شەت جاعىنداعى بوياۋلارى كەتىپ قالادى، ال جابىلىپ تۇرعان تۇسىنىڭ بوياۋى سول قالپى قالادى. وسىنداي مەتامارفوزانى بايقاعان قىز اتاسىنا ماقتانىشپەن جەتكىزەدى، ول سۋرەتتى وسىلايشا جاساۋ ءادىسىن لايىقتى باعالاپ، ونەرتابىستى پاتەنتتەۋگە كومەكتەسەدى.

تاياقشاداعى بالمۇزداق

ويلاپ تاپقان: فرەنك ەپپەرسون، 11 جاس

ون ءبىر جاسار فرەنك ەپپەرسون قىستى كۇنى ۇيىنە اسىعىپ سوداسىن دالادا ۇمىتىپ كەتەدى. تومەن تەمپەراتۋرانىڭ اسەرىنەن ستاقانداعى سۇيىقتىق مۇزعا اينالادى. ستاقاندا تۇتىكشە بولعاندىقتان، ىشىندەگى زاتتى الۋ قيىن بولمادى. بالمۇزداقتىڭ بۇل ءتۇرى بالانىڭ ەسەيىپ، وسى ءادىسىن كاسىپكە اينالدىرۋعا كومەكتەستى.

عيماراتتىڭ اۋدانىن ولشەيتىن روبوت

ويلاپ تاپقان: ماكسيم لەما،12 جاس

ون ەكى جاسار ماكسيم لەما روبوتتارعا قاتتى قىزىعاتىن. ول روبوتتاردىڭ ءبارىن قوپارىپ، قورقىتقاننان باسقا، ادامزاتقا پايدا اكەلە الاتىنىنا سەنگەن. وسىلايشا لۆوۆتىق جاس ونەرتاپقىش راديوسيگنالدار ارقىلى عيماراتتىڭ اۋدانىن ولشەي الاتىن روبوتتى جاساپ شىعاردى. جاس ونەرتاپقىشتار بايقاۋىنىڭ قازىلارى مۇنداي كومەكشى قازىرگى تاڭدا وتە قاجەت ەكەنىن اتاپ ءوتتى.

ىقىلىقتى باساتىن مۇز كامپيت

ويلاپ تاپقان: مەللوري كيۋۆمەن، 13 جاس

ون ءۇش جاسار مەللوري كيۋۆمەن بالالارعا ارنالعان ولەڭدەر شىن مانىندە ىقىلىقتى باسپايتىنىن ۋاقىتىندا تۇسىنگەن. ىقىلىقتى قالاي باسۋعا بولاتىنىنا باس قاتىرعان ول ءدامدى تابلەتكالار ويلاپ تابادى – قانت پەن الما سىركە سۋىنان تۇراتىن مۇز كامپيت ىقىلىقتى تەز باسادى.

قۇلاعى ناشار ەستيتىندەرگە ارنالعان قۇرال

ويلاپ تاپقان: دجونا كون، 14 جاس

گيتارامەن ويناپ وتىرىپ، ون ءتورت جاسار دجونا كوننىڭ ويىنا تاماشا يدەيا كەلەدى. دجونا ەستۋ قابىلەتى ناشار ادامدارعا اۋەندى قالاي تىڭداۋعا بولاتىنىن ويلاپ تابادى. كوپ ۇزاماي دجونا دىبىس تولقىنىن دەنە تۇيسىگى ارقىلى سەزىنۋگە مۇمكىندىك بەرەتىن قۇرىلعىنى الەمگە تانىستىرادى.

قورعانىش قۇلاققابى

ويلاپ تاپقان: چەستەر گرينۆۋد، 15 جاس

ون بەس جاسار چەستەر گرينۆۋد كونكي تەبۋدى جاقسى كورگەن. ءبىراق ۇزاق ۋاقىت سىرعاناۋدان قۇلاعى توڭىپ كەتە بەرگەن. بالا باس كيىم كيۋدى ۇناتپاعاندىقتان، قۇلاعىن سۋىقتان قورعاۋ ءۇشىن اجەسىنەن جۇننەن ارنايى قۇلاققاپ توقىپ بەرۋدى سۇرايدى. مۇنداي اكسەسسۋار ونىڭ تانىستارى مەن دوستارىنا قاتتى ۇنايدى، وسىلايشا ونەرتابىس تەز ارادا ەلگە تاراپ كەتەدى. بۇل قۇلاققاپتار دامي كەلە قاتتى شۋدان قورعانۋ ءۇشىن دە قولدانىلاتىن بولدى.

قاتەرلى ىسىكتى انىقتاۋدىڭ جاڭا ءادىسى

ويلاپ تاپقان: دجەك اندراكا، 15 جاس

دارىندى دجەك اندراكا قاتەرلى ىسىكتى انىقتاۋدىڭ ادىستەرىمەن ءاردايىم قىزىققان، ويتكەنى بۇل ەڭ اۋىر دەرتتەردىڭ ءبىرى ەكەنى انىق. تانىمال ادىستەردى ەسەپكە الا وتىرىپ، ول ون بەس جاسىندا ءوز ءادىسىن ويلاپ تابادى. ونىڭ تەست تۇرىندەگى ءادىسى وسى ۋاقىتقا دەيىن قولدانىلىپ كەلگەن ادىستەردەن الدەقايدا ارزان ءارى ءتيىمدى.

ەلەكتروندى سۋرەتتەردى تاسىمالداۋ

ويلاپ تاپقان: فيلو فارنسۋورت، 15 جاس

فيلو فارنسۋورتانىڭ جاستىق شاعى تەلەديداردىڭ مەحانيكالىق مودۋل نەگىزىندە جۇمىس ىستەگەن كەزەڭگە تاپ كەلدى. بوزبالا تەلەديداردىڭ بۇدان دا زور مۇمكىندىككە يە ەكەنىنە سەندى. فيلو ون بەسكە تولعاندا مۇعالىمىنە الىس قاشىقتىقتا سۋرەتتى ەلەكتروندى تاسىمالداۋ ونەرتابىسىن كورسەتەدى.

باتۋت

ويلاپ تاپقان: دجون نيسسەن، 16 جاس

ون التى جاسار گيمناست دجون نيسسەن جاتتىعۋلارى مەن ونەر كورسەتۋىن قالاي تۇرلەندىرسەم بولادى دەپ ۇزاق ويلانادى. 1930 جىلى اۋە گيمناستتارىنىڭ جارىستارىن تاماشالاپ وتىرعان دجوردج نيسسەن، سپورتشىلار ونەر كورسەتكەننەن كەيىن ساقتاندىرۋ تورىنا سەكىرىپ تۇسەتىنىنە نازار اۋداردى. اكروباتتاردىڭ ونەر كورسەتۋلەرى وسىمەن اياقتالاتىن، ءبىراق 16 جاستاعى بوزبالا ويلانا كەلە، «سەرىپپەلى قۇرىلعىنى» جاساپ شىعارماق بولدى. ول ادامدى سەرىپپەمەن جوعارى لاقتىرىپ، گيمناست اۋادى ءارتۇرلى تريۋكتاردى جاساي الدى. بۇل قۇرىلىس كوپشىلىكتىڭ نازارىن اۋدارتىپ، كوپ ۇزاماي ساتىلىمدا پايدا بولادى. ءبىر ايتا كەتەتىنى، بۇگىندە ول ەش وزگەرىسكە ۇشىراماعان، تۇڭعىش شىققان ءتۇرى ساقتالعان.

ءموبيلدى اككۋمۋلياتورلار

ويلاپ تاپقان: ەيشا كحارە، 18 جاس

ەيشا كحارە، وزگە دە ون سەگىز جاسار جاسوسپىرىمدەر سياقتى ۇيالى تەلەفوننىڭ قۋاتى تەز ءسونىپ قالۋىنان جاپا شەكتى – جاستار سويلەسىپ، ينتەرنەتتە وتىرعىسى كەلەدى، ءبىراق قۋاتى تەز تاۋسىلىپ قالادى. نانوحيمياعا قىزىعاتىن قىز وسى ماسەلەنى شەشپەك بولىپ، الەمگە ۇيالى تەلەفوندى جارتى مينۋتتا قۋاتتاندىرا الاتىن ەرەكشە اككۋمۋلياتوردى ۇسىنادى. ەيشا وسى ونەرتابىسى ءۇشىن قوماقتى قارجى الدى، سەبەبى ونىڭ جاساعان جاڭالىعى كوپتەگەن قۇراستىرۋشىلاردى قىزىقتىردى.

دەربەس سۇڭگۋىر قايىق

ويلاپ تاپقان: دجاستين بەكەرمەن، 18 جاس

عىلىمي-فانتاستيكالىق اڭگىمەلەردى كوپ وقىعان ون سەگىز جاسار دجاستين بەكەرمەن ونەرتابىس جولىندا ءوز باعىن سىناپ كورمەك بولىپ، جەكە سۋبمارينا جاساۋدى قولعا الادى. ۇلكەن ديامەترلى ترۋبانى قولدانا وتىرىپ بوزبالا كىشىگىرىم سۇڭگۋىر قايىق جاساپ شىعارادى. سۇڭگۋىر قايىق بىرنەشە مەتر تەرەڭدىككە تۇسە الاتىنداي بولدى. مۇنداي سۇڭگۋىر قايىقتا شامامەن بىرنەشە ساعات جۇرە الادى.

---