ۇزدىكتەر ۇكىلەگەن ءبىلىم ورداسى
ءبىلىم قۋعان ءاربىر تۇلەكتىڭ ارمانىنا، ماقساتىنا اينالعان ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم الۋ مۇمكىندىگى بۇيىرعانىنا، ەڭ الدىمەن اللاعا سانسىز شۇكىر! ءبىلىمنىڭ قارا شاڭىراعىنا اينالعان، ۇزدىكتەر ۇكىلەگەن ءبىلىم ورداسىندا وقۋ مەن ءۇشىن ماقتانىش! وسىنداي ءوزىم ارمانداعان ءبىلىم وشاعىنىڭ تۇلەگى اتانۋعا،بويىمدى ءبىلىم نارىمەن سۋسىنداتقان مىرزاتاي ورتا مەكتەبىنىڭ ۇستازدار ۇجىمىنا ءوز العىسىمدى بىلدىرەمىن.
راسمەن دە، ءار تۇلەكتىڭ جۇرەگىنە ويىپ تۇرارلىقتاي ورىن العان، ارمان بولارلىقتاي،اتىنا زاتى ساي قازۇۋ قالاشىعى مەنىڭ دە جۇرەگىمدى جاۋلاپ الدى. العاش قازۇۋ قالاشىعىنىڭ تابالدىرىعىن اتتاعان ساتتەن-اق، مەن ءوزىمنىڭ جاڭا ومىرگە اياق باسقانىمدى، تاعىلىمى تەرەڭ، بەرەرى مول ورتاعا ارالاسا باستاعانىمدى سول كەزدەن-اق سەزىندىم.
قارا شاڭىراققا ءبىلىم الۋعا كەلگەن ءاربىر ستۋدەنتكە كەرەك جاعدايدىڭ بارلىعى دەرلىك جاسالعان. مىسالى، ءو. ا. جولداسبەكوۆ اتىنداعى ستۋدەنتتەر سارايى، مۇراجاي، تاماقتاندىرۋ كومبيناتى، ستۋدەنتتەرگە قىزمەت كورسەتۋ ورتالىعى ‘’كەرەمەت”، كومپيۋتەرلىك-تەحنيكالىق جابدىقتار، WI-FI سىمسىز ينتەرنەت جەلىسى، اۋقىمى كەڭ سپورتتىق كەشەن، دميتريي بالاندين اتىنداعى 25 مەترلىك ءجۇزۋ باسسەينى سياقتى ورتالىقتار قازۇۋ قالاشىعىندا ورنالاسقان.
سونىمەن قاتار، قازۇۋ ىزدەنىمپازدارىنا ارنالعان ەڭ باي كىتاپحانا-ال-فارابي كىتاپحاناسى. قويناۋى 2 ميلليوننان استام كىتاپ قورىمەن ەرەكشەلەنەتىن ءزاۋلىم شاhارداي سارايدا ءاربىر بىلىمگە قۇشتار، جان-جاقتى ستۋدەنتكە وزىنە كەرەكتى كىتاپتى ەش قيىندىقسىز تابا الادى. ورتا ازياداعى ءبىلىم وشاقتارىنىڭ اراسىنداعى ەڭ ۇلكەن كىتاپ قورىنا يە بولعان كىتاپحانادا شىعىستىڭ ۇلى ويشىلى ءال-فارابيدىڭ ءومىرى مەن شىعارماشىلىعىن، ەڭبەگىن ناسيحاتتايتىن مۇراجايى جانە عىلىمي-اعارتۋشىلىق مۇراسىن زەرتتەۋمەن اينالىساتىن ءال-فارابي ورتالىعى ورنالاسقان. ءال-فارابي اتىنداعى قازاق ۇلتتىق ۋنيۆەرسيتەتىندە ءبىلىم الىپ جاتقان ءاربىر ستۋدەنت ءال-فارابي شىعارماشىلىعىمەن تانىس بولۋعا ءتيىستى دەپ سانايمىن.
سونداي-اق، قازۇۋ ستۋدەنتتەرىنىڭ كوشباسشىلىق قابىلەتتەرىن،اشىلماعان قىرلارى مەن سىرلارىن جارىققا شىعارۋعا، ۇيىمداستىرۋشىلىق قاسيەتتەرىن دامىتۋ ماقساتىندا جاستار ۇيىمدار كوميتەتى جۇمىس جاسايدى. ونىڭ قۇرامىندا سۇڭقار ستۋدەنتتەر كاساپوداعى، ستۋدەنتتەر سەناتى، كومەك ەرىكتىلەر ۇيىمى، ستۋدەنتتىك كەڭەسى ۇيىمدارى كىرەدى. قازۇۋ قالاشىعىندا وتكىزىپ جاتقان ستۋدەنتتىك ءومىرىمنىڭ ءاربىر كۇنى ەستەلىككە تولى دەسەم ارتىق ايتقانىم ەمەس. ءاربىر ستۋدەنت ءوزى قالاعان ۇيىمعا كىرىپ، شالقىعان شىعارماشىلىق شابىتى مەن جالىنداپ تۇرعان جاستىق شاعىن پايدالى ىسكە جۇمساپ، ءوز ۋاقىتىن ءتيىمدى پايدالانىپ، ءوز ورتاسىن تابادى. قازۇۋ جايلى ايتا بەرسەك، ايتىلار اڭگىمە دە، ىشتەگى سەزىم، العان اسەرلەردى سوزبەن ايتىپ جەتكىزۋ مۇمكىن ەمەس.
عالىمقايىر مۇتان ۇلى مۇتانوۆتاي رەكتوردىڭ باسشىلىعىنىڭ ارقاسىندا ۋنيۆەرسيتەت كۇننەن-كۇنگە دامىپ، گۇلدەنىپ كەلەدى. ءتىپتى، حالىققا تانىمال ازاماتتاردى ءبىزدىڭ تۇلەگىمىز دەگەندى ەستىگەندە، بويىمدى لەزدە قۋانىش كەرنەيدى. مەن ءوز قازۇۋ-مەن ماقتانامىن. مەن وزىمنەن كەيىنگى ىزدەنىمپاز جاس بۋىنعا ارمانىمدى ماقساتقا اينالدىرعان عاجايىپ مەكەن، ۇزدىكتەر ۇكىلەگەن ءبىلىم ورداسىنا وقۋعا شاقىرامىن.
قازۇۋ-ادامدى تۇلعا رەتىندە قالىپتاستىرۋعا،ءوز مۇمكىندىكتەرىڭدى ءتيىمدى پايدالانۋعا، جان-جاقتان جيىلعان دارىندى جاستاردىڭ باسىن بىرىكتىرەتىن عاجايىپ مەكەن. سوندىقتان دا مەن ۇزدىكتەر ۇكىلەگەن ءبىلىم ورداسىندا وقىپ جۇرگەنىمدى ومىرىمدەگى ەڭ ۇلكەن باقىت دەپ سانايمىن!
ماقالا اۆتورى: ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىنىڭ 1 كۋرس ستۋدەنتى پسيبايەۆا اسەل ەرنازار قىزى
You Might Also Like
-
شىڭعىس حان يمپەرياسىنىڭ ۇلى حانى موڭكە ولگەننەن كەيىن ەل بىرلىگى بۇزىلادى. بيلىك ءۇشىن كۇرەسكە حاننىڭ ىنىلەرى قۇبىلاي مەن ارىق بۇعا تالاسادى. «جاساق» زاڭىنا سايكەس، حان سايلاۋ ءۇشىن بارلى...
-
بەيىمبەت مايلين قوستاناي ۋەزىنە قاراستى دامبار بولىسىنداعى ايەت وزەنى بويىنداعى اقتوبە دەگەن جەردە تۋعان. جاسىنان اكەسىنەن ايىرىلىپ، اناسىنىڭ تاربيەسىندە بولعان. باي ەسىگىندە ءجۇرىپ، بەينەت پەن جوقش...
