InfoHub Logo

ءپانى: ساۋات اشۋ
تاقىرىبى: «ۆ دىبىسى مەن ءارپى»
ساباقتىڭ ماقساتى: 1. بالالارعا ۆ دىبىسى مەن ءارپىن تانىستىرۋ، ايتىلۋ ارتيكۋلياسياسىن مەڭگەرتۋ.
2. دۇرىس سويلەۋ مادەنيەتىن قالىپتاستىرۋ. بۋىن تۋرالى تۇسىنىكتەرىن كەڭەيتۋ.
3. بالالاردى ىزەتتىلىككە، ۇلكەندى قۇرمەتتەۋگە تاربيەلەۋ.
ساباقتىڭ كورنەكىلىگى: قىزىل، كوك تەكشەلەر، قالا كوشەسىندەگى كولىكتەر بەينەلەنگەن سۋرەت.

ساباقتىڭ بارىسى:
ۇيىمداستىرۋ كەزەڭى:
- سالەمەتسىڭدەر مە، بالالار!
-(...)
- ءبىزدىڭ بۇگىنگى ساباعىمىز ەرەكشە بولماقشى. سەبەبى بۇگىن بىزدە كوپتەگەن قوناقتار وتىر.
وتكەن ساباقتى قايتالاۋ:
- بالالار، وتكەن ساباقتا ءبىز قانداي دىبىسپەن تانىستىق؟
- (ھ)
- ھ دىبىسى كەزدەسەتىن قانداي سوزدەردى بىلەمىز؟
- (جي-ھاز، گاۋ-ھار، اي-دا-ھار، جاۋ-ھار ت.ب.)
- دۇرىس ايتاسىڭدار. ەندى ءبىز بۇگىنگى ساباعىمىزدا تاعى جاڭا ءبىر دىبىسپەن تانىسامىز.

جاڭا ساباق:
ءبارىمىز مىنا سۋرەتكە نازار اۋدارايىق!
- سۋرەتتە نە كورىپ تۇرسىڭدار؟
- قالا كوشەلەرىندە قانداي كولىك تۇرلەرى كەزدەسەدى؟
- جولاۋشىلار تاسىمالدايتىن قانداي كولىك تۇرلەرىن بىلەسىڭدەر؟
- سەندەر اۋە كەڭىستىگىندە قولدانىلاتىن قانداي كولىك تۇرلەرىن بىلەسىڭدەر؟
- «ىزەتتى بالا» تاقپاعىن وقىپ بەرەمىن.
ترامۆايمەن جۇرسەم دە،
اۆتوبۋسقا مىنسەم دە،
ۇلكەنگە دە، كىشىگە،
ءسابيى بار كىسىگە
تۇرىپ ورىن بەرەمىن،
ىزەتتى بوپ كەلەمىن.
ال مىنا سۋرەتتە نەنى كورىپ تۇرسىڭدار؟
- (ۆەلوسيپەد)
- ۆەلوسيپەد ءسوزى قانداي دىبىستان باستالادى؟
- ۆ دىبىسىنان باستالادى.
- ايتىلۋىنا قاراي قانداي دىبىس دەپ ويلايسىڭدار؟

ۆ دىبىسى- ۇياڭ داۋىسسىز دىبىس. ول ۆ ارپىمەن تاڭبالانادى.
(ۆ دىبىسى ورىس تىلىنەن ەنگەن سوزدەردە كەزدەسسەدى)

«ۆەلوسيپەد» سوزىندەگى قالعان دىبىستاردى تەكشەلەرمەن بەلگىلەتۋ.
- «ۆەلوسيپەد» سوزىندە نەشە داۋىستى، نەشە داۋىسسىز دىبىس بار؟
- (بەس داۋىسسىز، ءتورت داۋىستى).
- نەشە بۋىننان تۇرادى؟
- (ءتورت بۋىننان)
- نەگە؟
- (سەبەبى ءتورت داۋىستى دىبىس بار).

وقۋلىقپەن جۇمىس:
الىپپە- داپتەردەگى بۋىنداردى وقىتۋ.
- ۆا، -ۆو، -ۆي، -ۆە، -اۆ.

DVD ديسكىدەن سلايد- شوۋ كورسەتۋ.

قول جاتتىقتىرۋ جۇمىسى.
- الىپپە- داپتەرىمىزدەگى ۆ دىبىسىنىڭ ءارىپ تاڭباسىن باستىرىپ جازامىز.

ماتىنمەن جۇمىس.
بالالارعا وقۋلىقتا بەرىلگەن شاعىن ءماتىندى وقىپ بەرەمىن.
- ءماتىن نە جايلى؟
- قاي سوزدەردە ۆ دىبىسى كەزدەسەدى؟ وزدەرىنە وقىتامىن.

ديداكتيكالىق ويىن:
كورنەكى قۇرالدار: سوزدەر جازىلعان كارتوچكالار.
ويىننىڭ بارىسى: ءبىر بالا ورتاعا شىعىپ قورجىننان كارتوچكا الادى. كارتوچكاعا جازىلعان ءسوزدى وقيدى جانە سول ءسوزدى قاتىستىرىپ سويلەم قۇرايدى. قۇراي الماعان جاعدايدا توپ بالالارى كومەكتەسەدى.

سەرگىتۋ ءساتى:
ۇزىن قۇلاق سۇر قويان،
ەستىپ قالىپ سىبدىردى.
ويلى-قىرلى جەرلەرمەن
ىتقىپ-ىتقىپ جۇگىردى.
قاراپ ەدى ارتىنا،
قيىعىن سالىپ كوزىنىڭ
كەلە جاتقان تومپاڭداپ،
كوجەگى ەكەن ءوزىنىڭ

وي دامىتۋ تاپسىرماسى:
- مىنا سۋرەتكە نازار اۋدارامىز. نەلەردىڭ سۋرەتتەرى بەينەلەنگەن؟
- (ۆاننا، ديۆان، ۆاگون)
- دۇرىس ايتاسىڭدار. بۇل سۋرەتتەر بويىنشا بىزگە مىنانداي تاپسىرمالار بەرىلگەن.
ءبىرىنشى تاپسىرما: سوزدەردى ءوز اتاۋلارىمەن بايلانىستىر.
ەكىنشى تاپسىرما: ۆان بۋىنى بۇل اتاۋلاردىڭ نەشەۋىنە ورتاق؟
ءۇشىنشى تاپسىرما: قاي اتاۋدا ۆان بۋىنى جوق؟ سونى كورسەت.

ساباقتى قورىتىندىلاۋ:
- ءبىز بۇگىنگى ساباقتا قانداي دىبىسپەن تانىستىق؟
- ۆ دىبىسى قانداي دىبىس؟
- ۆ دىبىسى كەزدەسەتىن قانداي سوزدەر بىلەمىز؟
- دۇرىس ايتاسىڭدار. (ساباقتا جاقسى قاتىسىپ، بەلسەندىلىك تانىتقان بالالارعا جۇلدىزشا بەرىپ ماداقتاۋ). سونىمەن بالالار ءبىزدىڭ بۇگىنگى ساۋات اشۋ ساباعىمىز اياقتالدى.