InfoHub Logo

حالىقتىق ازاماتتىق قورعانىسى — بەيبىت ۋاقىتتا جانە سوعىس كەزىندە ەلىمىزدىڭ، حالقى مەن حالىق شارۋاشىلىعىن دۇشپاننىڭ جاپپاي زاقىمداۋشى جانە باسقا شابۋىل جاساۋ قارۋلارىنان قورعاۋ ءۇشىن، سوڭداي-اق زاقىم وشاقتارىندا، اپاتتى سۋ تاسقىنى ايماقتارىندا، ستيحيالىق اپاتتار، ءىرى اۆاريالار مەن اپاتتار كەزىندە قۇتقارۋ جانە شۇعىل اۆاريالىق-قالپىنا كەلتىرۋ جۇمىستارىن جۇرگىزۋ ءۇشىن جۇزەگە اسىرىلاتىن جالپى مەملەكەتتىك قورعانىس شارالارى جۇيەسىنىڭ قۇرامداس بولىگى. ازاماتتىق قورعانىس ءرولى ءوزىنىڭ مىندەتتەرىنىڭ كۇردەلىلىگىمەن، ءار الۋاندىعىمەن ەرەكشەلەنەدى، ول بۇل مىندەتتەردى اگرەسسور راكەتالىق-يادرولىق سوعىس اشقان كەزدە جۇزەگە اسىرادى. قازىرگى زامانداعى شابۋىل جاساۋ قۇرالدارىنىڭ شەكسىز مۇمكىندىگى مەن يادرولىق قارۋدىڭ وراسان زور اپاتتى سيپاتى ەلىمىزدىڭ بۇكىل حالقىن ونى قورعاۋدى قامتاماسىز ەتۋگە باعىتتالعان شارالارعا بارىنشا بەلسەندى تۋردە قاتىسۋعا جۇمىلدىرۋدى قاجەت ەتەدى.

حالىقتى قورعاۋ، ادامداردىڭ ءومىرىن ساقتاۋ — بۇل ازاماتتىق قورعانىستىڭ گۋممانيستىك ماقساتى. ازاماتتىق قورعانىستى جەتىلدىرىپ، دامىتۋ — بۇكىل حالىقتىق ءىس جانە ءاربىر ازاماتتىڭ بورىشى. ازاماتتىق قورعانىس ورىندايتىن مىندەتتەرىن ماڭىزدىلىق سيپاتىنا قاراي شارتتى تۇردە ءۇش توپقا بولۋگە بولادى:

— I-حالىقتى جاپپاي زاقىمداۋشى قارۋدان قورعاۋ دەر كەزىندە قورعاۋ عيماراتتارىن دايىنداۋ، حالىقتى جەكە قورعانىس قۇرالدارىمەن قامتاماسىز ەتۋ، حالىقتى تاراتىپ ورنالاستىرۋ جانە كوشىرۋ جۇمىسىن ۇيىمداستىرۋ مەن جۇرگىزۋ، حالىققا قورعانىس ادىستەرى مەن قۇرالدارىن وقىتىپ ۇيرەتۋ؛

— II-سوعىس كەزىندە حالىق شارۋاشىلىعى وبەكتىلەرىنىڭ تۇراقتى جۇمىس ىستەۋىن ارتتىرۋ؛

— III-دۇشپاننىڭ جاپپاي زاقىمداۋشى قارۋدى قولدانۋ زارداپتارىن جويۋ — زاقىم وشاعىندا قۇتقارۋ جانە شۇعىل اۆاريالىق-قالپىنا كەلتىرۋ جۇمىستارىن جۇرگىزۋ.

بۇل مىندەتتەردى ويداعىداي جۇزەگە اسىرۋ كوماندالىق-باسشى قۇرامدارمەن اسكەري ەمەس جاساقتاردىڭ، سونداي-اق بۇكىل حالىقتىڭ جاپپاي زاقىمداۋشى قارۋلاردان قورعانۋ دايارلىعىنا بايلانىستى بولادى.

---