يونداۋشى ساۋلە دوزاسى
يونداۋشى ساۋلە دوزاسى (رادياسيا دوزاسى) دەگەنىمىز بەلگىلى ءبىر ورتادا يونداۋشى ساۋلەنىڭ اسەر ەتۋ شەگى. يونداۋشى ساۋلە دوزاسى تومەندەگىشە بولەدى: جۇتىلعان دوزا — ساۋلە العان ورتانىڭ ماسسا بىرلىگى جۇتقان يونداۋشى ساۋلەنىڭ كەز كەلگەن ءتۇرىنىڭ ەنەرگياسى، ول حالىقارالىق جۇيە (سي) بويىنشا گرەيمەن (گر-دج/كگ) ولشەنەدى؛ اۋانىڭ يوندالۋى بويىنشا قپ/كگ ولشەنەتىن رەنتگەن جانە گامما-ساۋلەنىڭ ەكسپوزيسيالىق دوزاسى، ءتىرى ورگانيزمگە رادياسيالىق ءقاۋىپتىڭ بيولوگيالىق اسەر ەتۋى مەن دارەجەسىن انىقتايتىن جانە زيۆەرتپەن (زۆ-دج/كگ) ولشەنەتىن ەكۆيۆالەنتتى دوزا؛ بۇكىل ساۋلە العان ماسسا جۇتقان جانە گر. ك. نەمەسە دج؛ ولشەنەتىن ينتەگرالدى (جيىنتىقتى) دوزا؛ شەگىندە يونداۋشى ساۋلە ورگانيزمدە بەلگىلى ءبىر اۋرۋدىڭ وزگەرىستەرىن تۋدىرمايتىن شەكتى مولشەرلى ەكۆيۆالەنتتى دوزا.
يونداۋشى ساۋلە دوزا ۋاقىت بىرلىگىنە قاتىسى دوزا قۋاتى دەپ اتالادى. دوزيمەترلىك تاجىريبەدە گامما-ساۋلە ەكسپوزيسيالىق دوزاسى ءۇشىن جۇيەدە جوق بىرلىك — رەنتگەن («ر») قولدانىلادى. بۇل رەنتگەن نەمەسە گامما-ساۋلەنىڭ مولشەرى ونىڭ اسەرىمەن تەمپەراتۋراسى 0°س، قىسىمى سىناپ باعاناسى بويىنشا 760 مم 1 سم3 قۇرعاق اۋادا 2 ملرد. جۇپ يون پايدا بولادى. ەكۆيۆالەنتتى دوزانىڭ جۇيەدە جوق بىرلىگى، سونداي-اق بەر (رەنتگەننىڭ بيولوگيالىق ەكۆيۆالەنتى) بولىن تابىلادى. بەر — 1 «ر» گامما-ساۋلەدەگىدەي بيولوگيالىق ەففەكت تۋعىزاتىن كەز كەلگەن ساۋلەنىڭ جۇتىلعان دوزاسى.
يونداۋشى ساۋلە دوزا ساۋلەنىڭ مولشەرى مەن العان ۋاقىتقا بايلانىستى. ساۋلە الۋ ءبىر رەت جانە بىرنەشە رەت بولادى. كۇتقارۋ جۇمىستارى يونداۋشى ساۋلە دوزاسىن جانە قورعانۋ رەجيمىن ازاماتتىق قورعانىس اعا باستىعى بەلگىلەيدى.
You Might Also Like
-
ەپيزووتيالىق جاعداي — جاساقتار مەن حالىقتىڭ ءىس-قيمىلىنا اسەر ەتەتىن جانۋارلاردىڭ جۇقپالى اۋرۋلارىنىڭ (توپالاڭ، ماڭقا، اۋسىل) بەلگىلى ءبىر ورتادا بولۋى، تارالۋ سيپاتى مەن دارەجەسى. ەپيزووتيكالى...
-
اۋەدەگى يادرولىق جارىلىس — جارقىل ايماعى بارىنشا جارقىراعان ساتتە جەر بەتىنە (سۋعا) جەتپەيتىن جارىلىس. اۋەدەگى يادرولىق جارىلىس بيىكتىگى يادرولىق قارۋدىڭ قۋاتىنا بايلانىستى جۇزدەگەن مەتردەن ءبىرن...
